|
مهم جدا جدا جدا
السلام عليكم ورحمه الله وبركاته
عزيزاتي بسسألهكم الي جربت الولاده الطبيعيه وحامل هالحين بالله ماهي خايفه من الولاده ؟ ووش ناويه تسوي بولادتك الجايه يعني ماأنتي ناويه تاخذي أبرالظهر لأني بصراحه شفت الممممممممممموت بولادتي قبل ثلاث سنوات ومع كذا مانسيت العذاب الي جاني ردي بصراحه وانا بدعي لكل الي ترد بالسعاده الدائمه |
رد: مهم جدا جدا جدا
خليها على الله لاتقعدين تفكرين
وبنسبه لابرة الظهر انا جربتها في ولادتي الاولى ونفعتني ماتحسين باي الم ولاده ويوم حملت مره ثانيه طلبتها بس تصدقين مانفعتني مع اني اخذت اكثر من وحده في الظهر بس تخدرت من عند الركبه وتحت والمكان الي مفروض اتخدر فيه ماتخدرت وقالو لي السبب هو التحام العمود الفقري ماخلى المخدر ينتشر في جسمك علشان كذا توكلي على الله وتاكدي مابيصير الا الي الله كاتبه لك |
رد: مهم جدا جدا جدا
ولله ما ادري آخذ ابرة والا لأ
الله يسسرها علينا ويكتب اللي فيه الخير |
رد: مهم جدا جدا جدا
يعني أخذأبره الظهر وبس
|
رد: مهم جدا جدا جدا
نصيحه لوجه الله لاتاخذينها احتسبي الاجر باذن الله
|
رد: مهم جدا جدا جدا
انا جربت الطبيعي والحين مره خايفه وشايله هم الولاده ودائما احلم اني اولد واتعذب طبعا الابره ولا افكر فيها بس افكر جديا اني اطلب قيصري..
|
رد: مهم جدا جدا جدا
انا ولدت3 مرات من قبل وكل مرة اصعب من الي قبلها بس انشاء الله ربي بيكون معاي ويسهلها علي
|
رد: مهم جدا جدا جدا
لالالالا مافكرت اخذ ابرة ظهر سلبياتها اكثر من ايجبياتها..بالنسبه للخوف ميييييته من الخوف الله يسهل علينا
|
رد: مهم جدا جدا جدا
بصراحه انا جربت الولاده وكانت جدا صعبه لانه صغير ولا ساعد على الدفع
والحين حامل ومافكرت فيها ابدا بصراحه ابي احتسب الاجر تدرين ان اجرها اجر المجاهد في سبيل الله وش غير كذا وربي بيعينا احتسبو الاجر |
رد: مهم جدا جدا جدا
الله يجزاكم خير على الردود
وأنا بصراحه احسني مييييييييته من الرعب يمكن لأن ولادتي ببنتي كانت بطلق صناعي أو يمكن أن الممرضه الي قامت بولادتي بعيده عن الرحمه وكان من الساعه 8بالليل لماد خلت غرفه الولاده وهي على راسي تصارخ علي وأنا أبكي وكل شوي تناظر جوالها شكلها تنتظر مكالمه مطنشه وصار على راسي وهي من الجنسيه الماليزيه صراحه تخرع مررررره وأنا اسبح بالعرق وقت الطلق راحت تمسح وجهي كنها تمسح جدار وهذي كانت مناوبه بالليل ولما ولدت الساعه 6 الصباح جت ممرضه من جنوب أفريقبا قلت بنفسي كملت ووقفت بكامل ثقل جسمها وهي جثه على رحمي وهات ياضغط وانا اصيح من الألم قالت عشان كل دم يطلع وشكله اغمى علي لأن ماحسيت الا انا اسمع صوت الدكتوره الساعه 8 وهي تقول شوفوا وين السستر وش هاذا الحرمه تنزف جيبوا أبرة النزيف واناظر تحت وأشوف الدم على السرير وعلى الأرض كأن فيه مذبحه ومن منظر الدم أغمى علي ثاني وووالله ياني تبهذلت بهذله والله لا يوفق الممرضه الي ضغطت على رحمي لأن صار معي هبوط بالرحم ورخاوه مالها علاج لأني عرضه نفسي على كم دكتوره قالت انتي متعرضه لضغط شديد على الرحم حسبي الله عليها والمستشفى العسكري كله أغلاط بأغلاطhwaml4 |
| الساعة الآن 11:01 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .