|
افضل مستشفى ولاده بمكه؟
بنات الله يسعدكم انا جديده في مكه وابغا اعرف اش افضل مستشفى خاص ودكتوره في مكه المكرمه مدحو لي علوي تونسي يقولو فيه الدكتور صلاح حامد بس مستصعبه اولد عند رجال فيه معاه دكتوره اسمها عصمت بس ماحد مدحها يقولو الي تتاخر تولدها قيصري وانها سيئه والله احترت اعطوني خبراتكم ولكم الاجر باذن الله
|
رد: افضل مستشفى ولاده بمكه؟
الله يعينج يالغاليه ويكتب لج إلي فيه الخيره و إن شاء الله بنات مكة ما بيقصرون وياج .. |
رد: افضل مستشفى ولاده بمكه؟
أهلين تفاحة ...
أنا ساكنة بالرياض بس إن شاالله راح تكون ولادتي بمكة لأنه أهلي وأهل زوجي هناك.. افضل مستشفى في مكة: مستشفى علوي تونسي بالعزيزية .. ومستشفى الرفيع في شارع الستين.. نظافة ورعاية واهتمام ... أغلب صديقاتي ولادتهم كانت بعلوي تونسي .. بس أنا حبيت الرفيع اكثر ربي يسهل عليكي الحمل والولادة |
رد: افضل مستشفى ولاده بمكه؟
مستشفى طه بخش والدكتورة تانيا
مرة تمام |
رد: افضل مستشفى ولاده بمكه؟
سماسم حبيبتي مشكوره على الدعوه لمسة امل شكلي باتوكل على الله واولد في علوي تونسي ام لوولوو فين مستشفى طه بخش تراني مو من مكه وبكم الولاده عندهم وجزاكم الله خير
واللي عندها اي معلومه لاتبخل عليه |
رد: افضل مستشفى ولاده بمكه؟
الله يجزاكم الخير يابنات مكه ابغى ردودكم انا في نهاية التاسع وابغى اعرف من افضل دكتوره في مستشفى السلام وكم سعر الولاده الطبيعي الشامل عندهم الي تعرف لاتبخل عليه فوالله اني في حيره من امري وممكن اولد في اي لحظه
|
رد: افضل مستشفى ولاده بمكه؟
تفاحه انا من اهل مكه ومافي زي الدكتور صلاح في التونسي ولدت عنده صحيح انه صعبه رجال بس والله افضل مستشفى وافضل دكتور فيه انسان مريح بشكل والله ماتحسي بشي عصمت انتبهي وحده من جماعتنا قررت عليها قيصري وراحت لصلاح وولدت طبيعي وانا في البدايه كنت متردده اولد عند رجال وجيت اسال عنها عند استراحة النساء في المستشفى وكل الحوامل قالوا لي مررررررره لا ماعندها الا قيصري
وبالنسبه لبخش حلو ونظيف امي ولدت فيه تمدحه اما الرفيع لااااااااااا امي ولدت بوحده من خواتي فيه تقول سيئ لابعد حد تخيلي الدكتوره اظافرها طويله وجرحت راس البنت وهي بتخرجها والى الان الجرح موجود رغم ان اختي عمرها 6 سنوات اتمنى اني افدتك والله معاك يالغاليه |
رد: افضل مستشفى ولاده بمكه؟
سمعت ان مستشفى بشراحيل اللي في العمره تماام
|
رد: افضل مستشفى ولاده بمكه؟
بنات مكة بفيدونج ..
|
رد: افضل مستشفى ولاده بمكه؟
ااااااه على مستشفيات الرياض أنا كنت ساكنه بالرياض مستشفيات قمه
وتزوجت وسكنت بمكه والى الان مالقيت مستشفى صاحي بس ان شاء الله بأولد عند مامي |
| الساعة الآن 12:29 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .