رد: تجمع حــوامل التوائم
 

نواعم النعومه

الله يهون عليك بالسلامه وتفرحين بسلامة عيالك ...ننتظرك بفارغ الصبر

ام رضوي القمر

من طول الغيبات جاب الغنايم ...!!!!

وبنك بابنت ... عسى ماشر

عشمانه في ربنا

وش بك اختفيتي ؟؟طمنينا عليك وع البيبيات بتوعك ....

الله يهون علينا جميعا ...

رد: تجمع حوامل التوائم
 

رد: تجمع حوامل التوائم
 

نواعم النعومه

الله يسهل لك امرك

توقيع

وش قالو عن نزيفك من داخل الرحم والا خارجه اذا من خارج
الرحم لاتخافين,,

المهم انا جاني نزيف بحملي اللي فات عالثالث ووقف وتم حملي للسادس

بس جتني ولادة مبكره والحمد لله الله اختار الطفل بس ماكان للنزيف علاقه
توكلي على الله واقرأي البقره قد ماتقدرين..
قمرين

مبروك الولاده وربي يحفظ لك البيبيات...

وسلااااااااااام لكل البنات

رد: تجمع حوامل التوائم
 

اختي الغاليه في الشهور الاولي استعملت التحاميل مثلك والحبوب لكن الابر لا الحمد الله والصراحه اني اخذت الحبوب مررره واحده بس وتعبت منها وكشفت عند دكتور ثاني قال الحبوب خفيفه وما تسوي شي بي التحاميل تكفي واستمرت عليها بس عيبها المويات تنزل كتير شوي بسببها
والغسول الداخلي استخدمتوا مره وحدها وبعدين خفت وتركت بس في صابون خارجي اغسل بي والحمد الله
والله ييسر لك اختي ويعينك *

رد: تجمع حــوامل التوائم
 

رد: تجمع حوامل التوائم
 

مساء الخير
اجل بتسبقين بنات صفك يامحجبهhwaml7تصدقين اني ابي اولد اليوم قبل بكرا مليت وتعبت من الثقل القومه و الجلسه الله المستعان
لاكن عندي احساس اني مطوله لانه يقولون اللي تفكر بالولاده ماتجيها بدري واللي لاهيه وناسيه ماتدري الا وهي والده

رد: تجمع حــوامل التوائم
 

نكمل باقي الاكشن يا بنات
المهم كنا عند وحدات الدم اللي خذتها بسبب النزيف اللي جاني أثناء العمليه والمغذيات اللي واحد ورا الثاني ومسكنات الالم ايضا كل ثمان ساعات وكل هذا طبعا ان طريق الوريد بايديني الاثنين وانا متسطحه على السرير بدون مخده لمدة 24 ساعه كامله وزياده عليها من عند الدكتوره 3 ساعات واتخيلوا خلوا البيبيات عندي واحد على المخده يرضع من صدري اليمين والثاني على المخده يرضع من الشمال ااااه انواع العذاب ... ثاني يوم وبعد مضي هذا العدد من الساعات جت السستر تقول يلا نقوم نمشي زوجي عن يميني والسستر عن شمالي وحاولت أقوم بمساعدتهم وكانت اسوأ لحظه وهي البدايه بعد العمليه ما تتخيلون الوقوف والنفس العميق اللي كنت أخذه وانا ماسكه بطني اللي بتتقطع من الالم ولحظة ما وقفت ندمت قد شعر راسي اني وافقت على العمليه وكنسلت أجرب أولد طبيعي المهم اول خطوه من أصعب الخطوات تعب والنفسيه غدت زفت زفت مشينا كرمتوا لحد الحمام ورجعت اتسطح على السرير الكئيب والبيبيات عندي في الغرفه انا عاجزه تماما وأمي المسكينه ما تعرف تلحق على طلباتي والا صراخ قمريني فديتهم
وثاني يوم نفس الكلام لازم أقوم أمشي وثالث يوم ورابع يوم وخامس يوم كان اهون شوي سادس يوم يت الدكتوره تقول خلاص انتي اليوم خروج من المستشفى فرحت الصراحه وكنت انتظر على نار اجراءات الخروج تخلص المهم يت دكتوره تشوف جرح العمليه وقالت كل شيء أوكي ويا دكتور الاطفال يشوف عيالي وقال وضعهم زين بس باخذ لهم الوزن وقال انتظروا الدكتور الجراح يشوف الاولاد علشان الختان وموعد ثاني للاشعه للولد اللي كان مقعدي كاجراء روتيني لانه يقول بالفحص اليدوي الولد ما عنده مشكله ولله الحمد والشكر والمنه .. وبعد قالوا الدكتوره اليوم ما كتبت لي الابره اللي تمنع تخثر الدم على اساس بيتصلون فيها يسألونها اخذ الابره ولا لا !!!!!
ونحن في انتظار الجراح ورد الدكتوره على الابره من سبع الصبح الى المغرب واخر شي قالو مافي خروج اليوم بكره ان شاء الله وانا انهرت وبدا الضغط عندي يرتفع من ساعتها لثاني يوم ارتفع وكل مره يقيسونه يكون مرتفع اكثر .. ثاني يوم الصبح اليوم اللي خرجنا فيه قاسوا الضغط شافته السستر مازال مرتفع وقالت ما بسجله لانه على هذي القراءه ما في خروج اليوم قالت الكلمه من هني وانا انهرت أكثر وبديت أعرق قاست لي الضغط لقته مرتفع أكثر وقالت ياريت سجلت لج القراءة اللي قبل ترجيتها تسجل القراءه اللي قبل وما رفضت بس علشان تحافظ على أعصابي يت الدكتوره شافتني قالت انتي اليوم خروج بس الضغط وايد عالى نقيسه قبل ما تطلعين قلت لها يعني راح أطلع ولا لا قالت نقيس الضغط وراحت .. بديت أعرق أكثر وأحس اني بغيب عن الوعي صخرت على امي النايمه اقولها ابي الدكتوره بسرعه انا تعبانه بيغمى على وأمي مسكينه تركض من السرير تنادي الدكتوره وتجمعوا على السسترات يهدوني ... ما تحملت اقعد بالغرفه اكثر طلعت اتمشى في الممر شافتني وحده من السسترات جان تقولي تحبين الحين اقيس لج الضغط قلت لها اوكي جان تقول ارتاحي 5 دقايق في ها الوقت يت دكتورتي اللي كنت أراجع عندها طوووول فترة الحمل الهادئه الخاليه من المشاكل ومن حسن حظي انها شافتي وحظنتني وهدتني ووصت السسترات ما يقيسون لي الضغط ولا يزعجوني وسألتني عن نومي قلت لها صار لي 4 أيام ما نمت الا ساعتين من الازعاج وصراخ البيبيات وألم العمليه وكل شوي داخلين اللي ينظفون كرمتوا الحمامات ويمسحون الغرفه قالت هذا سبب الضغط قلة النوم والارهاق ويت معاي الغرفة شافت قمريني وهدتني على الاخر وطلبت منهم ما يأخرون اجراءات الخروج ... بعد ساعتين من اجراءاتهم العقيمه طلعنا ووصلت البيت بين أهلي واخواني وانهالت المكالمات والهدايا ورجعت نفسيتي حلوه بس ناقصني أنام مثل أول
اكتب لكم اليوم وانا ولله الحمد مرتاحه الالم خف لكن مازال موجود بس محتمل والبندول ما يقصر مع انه البروفين أفضل لكن ما أقدر اخذه بسبب الربو والمشي أفضل وأهلي وخواتي مب مقصرين
أكتب لكم وأنا استرجع هاذي اللحظات المؤلمه ....

رد: تجمع حــوامل التوائم
 

سلام عليكم بنات كيفكم كيف الثقل معاكم والله اني دايم اتابعكم واليوم كتبت لكم اول واضفة الرد بس مدري لي مانزل وانضاف >>>>> خخخخخ مدري العيب مني واللي من الاضافه شكل مني لاني داخيه
اشكر كل من سأل عني وبالذات اختي محجبه ... بس والله معي دوخه مرررره وطفش والنفسيه تحزن والحمد الله على كل حال....
بس كل بعد فتره ادخل اطمين عليكم ونفسي اشارك معاكم بس واييددد جسمي يعورني واحس بثقل غريب ولسه انا في الاسبوع 19 اجل كيف اللي في السابع والثامن الله يعينكم يارب وييسر لكم ويقومكم بالسلامه يارب

قمرين حبيبتي الف الحمد الله على السلامه ويتربون في عزكم يارب

الله يعينكم اخواتي اللي في المنتدى كلكم ويقومكم بالسلامه يارب
... واللي في الشهر الاخير انصحكم بسورة مريم الصفحتين الاولى منها وايه الكرسي والمعوذات والله ييسر لكم يارب ....
*

رد: تجمع حــوامل التوائم
 

بنات اسفة علي التاخير بس زوجي مريض
الحمد لله الاشعة تمام وطمنوني
اكلمكم بعدين

رد: تجمع حــوامل التوائم
 

قمرين"""حبيبتي الحمد لله علي السلامة واجر وعافية والله يخليلك قمرينك
وعقبالي وباقي الكروشات

اسأل الله العظيم رب العرش العظيم ان يسهل علينا ولادتنا ويقومنا بسلامة ويقرعيوننا بشوفت
عيالنا سالمين معافين يارب العالمين