منتديات حوامل النسائية - ديوانية البحرين - دردشة حوامل البحرين

اقتباس:

المشاركة الأصلية كتبت بواسطة شمس الصباح (المشاركة 673008)

اليوم رحت الموعد لملاك في مشتسفى جدحفص فحصت الدكتورة القلب وطلع سلسم الحمد لله

بعدين طلعنا وقلت لزوجي خلنا نروح الخاص نفحص الظهر أفضل من السلمانية لانهم يمهلون وطلعنا واول مستشفى رحنا التخصصي المهم الدكتور قال الي السكريترة خلهم على السمانية لان هو بعد لو شك راح يحولنا على السلمانية غير الفحوصات وراح يكلفنا وايد بس فلوس مو مشكلة عندنا اهم شي ملاك المهم فهمنا انه ما يعالج اطفال وطلعنا من المستشفى بس مصرين ان نعرف شنو سالفة الظهر رحنا السلمانية عطوني موعد للسونار بعد موعد الطبيب وقلت اليه ما يصير اني موعد عندي 6 /2على الطبيب انته تعطيني موعد السونار متاخر قال شوفي الدكتور ردينا طلعنا وقلنا بنروح مستشفى ابن النفيس ودخلنا وحصلنا دكتور اخصائي عظام ودخلنا عليه شاف ملاك الا يقول هذة اصغر مريضة عندي اليوم على عمري بنتي والله اني اكتب ودموعي على خدي واحس قلبي مو قادرة اتنفس منه
فحص ملاك وقال ما فيها شي بس علشان نطمئن اكثر لازم تجيبنها بعد ثلاث شهور وقعد معانا وقمت اسئل وقال لي انه عندهم حق انهم يشكون في حالتها بس هي ما فيها شي ولما قال يشرح ان الحين حتى لو سوينا اشعه ما راح توضح الصورة شي وان اللي فيهم لازم يسون اليهم عملية او ينشلون بعيد الشر عن بنتي وهو في نفس الوقت قال لا تروحين السلمانية بنتج ما تحتاج سونار ولا عملية بس بنطمئن عليها ولا تحاتين وبصراحة اني من جيت الظهر وماني عارفة اشيل الفكرة من راسي حتى واني أكتب ما اشوف الكلمات عدل من لصياح ابليس الله يلعنه مو تاركني لحالي

تعبت خلاص وبنتي كاسرة خاطري ابغي اصدق الدكتور انها ما فيها شي بس مو قادرة ولو ما فيها شي ليش عطاني موعد ثاني

ضايق خلقي واحس روحي بتطلع ياريت فيني ولا فيها

صباح الخير والأنوار والإطلالة الحلوة يارررب يدوومها

شمس الصبااح
الحمدلله على سلامة ملوكة الحلوة،قلت لش يختي الصوت يختفي إللي في الصدر،واتحاتيين حبيبتي ملاك ماعليها شر بعد أمها سيدة
لاتفكريين في كلام دخاتر جدحفص hwaml4 ومادام رحتون لأخصائي وقال ليكم سلامه يارب بعد لويش تحاتين وتصيحين ويعني دخاتر جدحفص أحسن من الأخصائي وهم بويش شخصوا الحاله ويننوش
مثل ماقلبوها قلبها الدكتور الأخصائي يعني لا تعوريين راشس ووكلي أمرش لرب الكون ولاتنسين تطلعيين صدقة وتنذريين لأم البنين (ع) ولاتنسين زياارة عاشوراء وبتحصليين كرامه عجيييبة
حسبي الله على من يشعل الهم في قلووب الناس ولأولادهم إنجاان سافروا القمر

اقتباس:

المشاركة الأصلية كتبت بواسطة om khalil (المشاركة 673640)

أحلام أم مابينتين اليوم، الله يساعدش ان شاءالله ويوفق يهالش في الامتحانات يارب

هلا حبيبتي أم خليل
تسلميين عمري على سؤالش عني ،مسامحة الإمتحانات هلت وإستهلت وشغلنه صافرة الأنذار ،وأذحنه محكوريين تقوليين إحنه إللي بنمتحن موهم hwaml15
حتى أمي على عمري بس أمس رحت عشرتها ويوم 1و2
بس وشكلي اليوم ماباروح مع إنه باجر إجازة بس عليها البنت رياضيات وبنسخن وياها من اليوم
الله ينجح أولادنه وأولاد المؤمنين والمؤمنات

روز سول
هوني على روحش الله يعجل برجعت زوجش من السفر هيكي إختي زوجها مسافر العراق ومعسكرة في بيت أبويي وتحاتي السيد وكله معصبة وتعد الأيام والساعات ربي يحفظه هو والزوار ياااارب ويردوون بالسلامة
تحملي بروحش حبيبتي ومثل ماقالت لش الدكتورة وراش ولادة وفي الولادة دم واايد ينفقد فتحملي بروحش ولاتعانديين
قمر بنت راشد
لاتحاتيين حبيبتي ،روحي سوي سونار عاادي وإطمني على نبض بيبيش والنساة يارب تخف عنش وتممين شهورش
طفلي حياتي
هلا وغلا بريحة أهل ديرتي الطيبين
تصدقيين أني للحيين أتهرب من تحليل السكر وماأمبى أسوية وإنتون مستينيين تبون تسوونه
من 3 شهور من عطوني أسوي تحليل صايمه سكر وأني أتهيبل مافي شدة يخوفوني شوي من الهباله الناس إدور الراحه وأني أأجلها