منتديات حوامل النسائية - دردشة حوامل مصر - دردشة بنات مصر

منتديات حوامل النسائية (https://naqatube.com/index.php)

رد: تجمع حوامــــــــل مصر (ام الدنيا )

بسم الله ما شاء الله عليكي يا ملاك..لأ كده بجد حرام ..
انا العشا بتاعي جالي جاهز لان انا فمكان بعيد عن أمي فلو عملناه في البيت على ما يوصلي بعد الفرح هيكون مثلج بس بعد كده ماما عملتلي الاكل
أول مرة فحياتي أشوف واحدة تعمل عزومة محترمة زي ده قبل ما تكمل سبوعها.. بجد بسم الله ماشاء الله عليكي يا ملاك

رد: تجمع حوامل مصر (ام الدنيا )

اقتباس:

المشاركة الأصلية كتبت بواسطة رنا خالد (المشاركة 416977)

اهلين بيكم ياجماعه انتوا نمتوا ولا ايه
حبيت ابارك لدودي ع التوقيع لولولولوي
وعقبالي هاجرب كده ويارب اعرف اعمله
اصل الموضوع كبير كبير

ميرسى ميرسى على الزغاريط يا رنا ونر دهالك فى توقيعك ..وعقبال منشوف صورة توقيعك بقى .. هما دول بنات البلد ولا بلاش ... ههههههههههههههههه ... بس انا خيبتى بانت قدام الكل كده ههههههههههههه hwaml02 ..

رد: تجمع حوامــــــــل مصر (ام الدنيا )

دودي وعليكم السلام ورحمة الله وبركاته..
انا بجد نفسي 3 شهور دول يعدوا وأرجع أحس ان أنا طبيعية تاني

رد: تجمع حوامل مصر (ام الدنيا )

اقتباس:

المشاركة الأصلية كتبت بواسطة MALAK2010 (المشاركة 418216)

دودى اشرف:
http://forum.hwaml.com/imgcache2/hwa...378616_448.gif

مش قادرة لازم زغروطة كبييييييييييييييييييييرة بعد المجهود الفظيع دة بس بصراحة الصورة جميلة اوى ربنا يكملك على خير وتفرحى بالنونو
بس الاسهل كنتى خدى الصورى copy وحطيها فى التوقيع وخلاااااااااااااااااااااااص بدل المجهود دة انا كنت فاكرة انك عاوزة الفلاش المتحرك وانا فاشلة فية

ميرسى ملوكة ... والله يا جماعة مش عارفة اقولكم ايه ... كل فرحانلى ... ههههههههههههههههههههه ... والله يا ملك حاولت زى ما بتقولى انا تقريبا ما ساعة ما اشتركت وانا بحاول ومفيش فايدة وجربت كل الطرق بس مش عارفة ليه مكانش بيقبل ... والله يكرمها دودو والله تعبت معايا بليل لحد ماصدعت ونامت ههههههههههههههه hwaml02

رد: تجمع حوامل مصر (ام الدنيا )

اقتباس:

المشاركة الأصلية كتبت بواسطة dr.princess (المشاركة 418215)

انا قلت على ماحد يصحى احطلكم صورة للمسجد النبوى
و اخيرا هروح النهاردة ولله الحمد

http://up.hwaml.com/download.php?img=1088

جزاكى الله خيرا برنسيس .. متنسناش من دعواتك وربنا يتقبل منك ويوعدنا بزيارته امين يارب العالمين .... عاملة ايه انهارده .. انشالله تكونى احسن .. احنا سكت فجأة امبارح ومش لاقيناكى ... فا رغينا احنا هنعمل ايه ... انا قلت اكيد جوزك وصل وبيتفرج على المتش ... هههههههههههhwaml13

رد: تجمع حوامــــــــل مصر (ام الدنيا )

دودي انتي ساكنة فين في مصر؟؟؟

رد: تجمع حوامل مصر (ام الدنيا )

اقتباس:

المشاركة الأصلية كتبت بواسطة dr.princess (المشاركة 418243)

malak2010
ولأول مرة execlusive على تجمع قلق مصر
بصى ياستى انا هحكيلك
انا كنت جاية لابسة عباية سودة بس كانت حلوة اوى وعليها شغل بالموف وانا بمووووووووووت فى الموف
ماما واختى اتحايلوا عليا البس تايير سواريه سكرى كان عندى وانا طبعا مارضيتش وطبعا فكرة فستان الفرح دى مرفوضة تماما انى اسافر بيه الناس هتتفرج عليا وهبقى كده لوحدى شكلى وحش
بس برضه محرمتش نفسى انى البس فستان الفرح عملت حفلة حنة صغيرة كده يوم الاربعاء ولبست فستان فرح ورحت كوافير واتصورت كمان قضيتها يعنى هههههههههههههه
بس كانت حاجة تقهر انى فى الكوشة كده لوحدى من غير جوزى واول ما وصلت مقدرتش امسك نفسى من العياط يللا الحمد لله على كل حال
وبعدين سافرت يوم الجمعة 26/3 والطيارة كان معادها الساعة 7 وعلى ما وصلت المدينة اقل من ساعتين وفى فرق ساعة توقيت كانت الساعة 11 بتوقيت السعودية
جه جوزى خدنى ومعاه صاحبه ومراته وولاده وكانوا عاملين لينا عشاء وزى تجمع للتعارف كده علشان يعرفونى على زوجات اصحاب جوزى بس مش من الشغل يعرفهم من الحرم فكانوا مصريين على سودانيين ومقولكيش على اخلاق السودانيات دول يااااالله عليهم ناس زى العسل اخلاقهم مفيش بعد كده وروحهم حلوة وكرماء بشكل مقولكيش وحبوبين من اول يوم يعاملوكى كأنهم يعرفوكى من سنين وكل مدة كده بنتجمع مع بعض
المهم بعد العشاء يعنى تقريبا على 12 بالليل صباحا يعنى رحنا المسجد النبوى من باب البقيع يعنى من ناحية القبة الخضراء زى ما باين فى الصور فضلنا ساعة كده ورجعنا بيتنا تقريبا على 1,30 الصبح
وبس مقدرش أقول أكتر من كده علشان الرقابة ههههههههههههههه
والحمد لله ماكنش فى شهر عسل كان فى يوم عسل اللى هو السبت فقط لا غير والحمد لله على النعمة يوم الاحد جوزى خرج علشان كان لازم ياخد دورة كده 6 ساعات علشان يجدد ترخيصه هنا اللى بيشتغل بيه وانا رحت الحرم من العصر لبعد العشاء بساعتين على ماخلص وجالى وبعدها بدأ شغل عادى بقى
قصة لطيفة جدا مووووت

وخلصت الحدوتة حلوة ولا ملتوتة

جميلة جدا الحكاية واجمل ما فيها انك فى اشرف مكان فى الدنيا ... الله يهنيكى يارب يا قمر ويوفقك ان شاء الله ويرزقكم بالذرية الصالحة ودوام الصحة ويهديى سرك يا بنتى يااااااااااااااارب ... حتة دعوة ام بقى hwaml02

رد: تجمع حوامــــــــل مصر (ام الدنيا )

دودي كويس انك فكرتيني .. انا مش عارففة ازاي كنت نسيت..
برنسس ما تنسيش تدعيلنا ربنا ييطمنا على الجنين ويثبتلنا حملنا ويجعلهولنا ذرية صالحة
معلشي برنسس انا عارفة بتقل عليكي كثير بس فيه واحدة صحبتي اسمها ايمان نفسي تدعيلها بالحمل السليم أصلها متجوزة من حوالي 4 سنين وسقطت كثير جدا أخرهم كانوا توأم ومعلشي كمان ادعي لكل اصحابي بالزوج الصالح .. انا عارفة ان طلباتي كثير بس معلشي اصلي عشمانه فيكي قوي

رد: تجمع حوامل مصر (ام الدنيا )

اقتباس:

المشاركة الأصلية كتبت بواسطة نولارا (المشاركة 418425)

والله انا لما اجى اطبخ بعمله فرشه عند باب المطبخ وانيمه
بس برضه مش بيقعد ساكت عايزنى اشيله متعععععععععععععععب

الله يخليهولك يا نولارا ويهدهولك ويقويكى عليه .... معلش .. هى تربيتهم مش سهلة زى ما بيقوله انا لسه مجربتش الحقيقة لكن شوفت نماذج حواليا كتييييييير الله يعينا جميعا

رد: تجمع حوامل مصر (ام الدنيا )

اقتباس:

المشاركة الأصلية كتبت بواسطة somia (المشاركة 418751)

بقولك يا سمية انا اكلى كل يوم بقى بسكوت وخايفة اقرف منة كمان نفسى اكل بس مش قادرة ماما بتقولى ان الواحدة مابتحبش تاكل الاكل اللى هى عملاة
طيب اعمل اية انا مسافرة ولا جنبى ماما ولا حماتى
ممكن اكل برة بس فى اجازة الاسبوع وماينفعش فى الايام العادية علشان شغل جوزى

والهى لما بطبخ علشان جوزى بحس بمعاناة
ربنا يعدى الايام دى على خير