منتديات حوامل النسائية

منتديات حوامل النسائية (https://naqatube.com/index.php)
-   ملتقى عضوات حوامل (https://naqatube.com/forumdisplay.php?f=69)
-   -   حبيباتى سيدات ليبيا تفضلو لأعرف ما حالكم (https://naqatube.com/showthread.php?t=262918)

اوشي 07-16-2013 03:18 AM

رد: حبيباتى سيدات ليبيا تفضلو لأعرف ما حالكم
 
توة بالسلامة نطل عليكم بكرة

جوهرة ليبيا 07-16-2013 04:00 AM

رد: حبيباتى سيدات ليبيا تفضلو لأعرف ما حالكم
 
السلام عليكم ورحمة الله وبركاته

صحه فطوركم وربي يتقبل دعائكم

وماتنسوش والدي بالدعاء ربي يحفظكم ويخليكم ليا ياااارب ويحفظ غواليكم


اليوم الضئ ماهربش الحمد لله غير خلاني انخش قبل العصر خوفا من انه يهرب

خشيت مع 4وطلعت وحتي سيقت المطبخ 6ونص وكملت قرايه قرآني لقريب المغرب


انا من النوع اللي انحب انطيب في الساعتين الاخيرات ومانخشش بكري لكن اليوم حسيت حلو اتكملي
حاجتك وتفتكي


فطوري


شربه وبيتزا وخبيزات مشكله <<اساسيات يوميه


كالوني اول مره انديره طلعلي يهبل خصوصا اني كثرت الجبنه من فوق

طاجين

سمبوسه

شيش طاووق مع سلطه مشويه مش عارفه شن خطره عليا


مع شويه دلاع وسلاطه خيار وطماطم عاديه وبس


وامس شرينا مقروض وغريبه من جارتي سلم ايدياتها روعه مع القهوه والنسكافيه



ومشيت بعد الفطور لحوش بوي هدرزت عليه انا وخواتي شوي مع انه يبي طول الوقت بروحه والضئ مطفي


لكن انحاولوا معاه بقدر الامكان

بعدين جاه دكتور العلاج الطبيعي والمساعد

وضرب اليبرا وارتاح وارقد

بسته وهو راقد ومن ساعه روحت


رنوده وبوها كيف رقدوا



سلام بنوض انصلي مع اني بنموت لكن هالليالي المباركه لاتفوت ربي يتقبل من الجميع


السلام عليكم

عائشه مصطفي عمر 07-16-2013 04:01 AM

رد: حبيباتى سيدات ليبيا تفضلو لأعرف ما حالكم
 
انا جديده خاشه للمنتدي ونتمني نتعرف عليكن يا بنات بلادي انا عمري 20 متزوجه وعايشه في غربه وحامل بطفلي الاول في الشهر الثامن ومبروك نجاحك تقبلوني صديقه في هذا لقروب شكرااا

اوشي 07-16-2013 01:39 PM

رد: حبيباتى سيدات ليبيا تفضلو لأعرف ما حالكم
 
اهلا عويشة انستينا ومبارك عليك الشهر

احكيلنا عنك

sosolibya 07-16-2013 03:38 PM

رد: حبيباتى سيدات ليبيا تفضلو لأعرف ما حالكم
 
السلام عليكم ورحمة الله وبركاته



قآل تِعآلىَ : ( لا تِدريَ لعِل الله يُحدثَ بعِد ذلكَ أمراً ) __ فَ أسِتبشروا خِيراً ♡♡'

sosolibya 07-16-2013 03:52 PM

رد: حبيباتى سيدات ليبيا تفضلو لأعرف ما حالكم
 
من اجمل ما قرأت ،،

في إحدَ المحَلات،بَدلاً من أن يُكتب على البَاب
' مُغلق للصّلاة 'كُتب' سبقنَاك إلى الصّلاةِ فالحَق بِنا '
" روعه الإيجابيه في الحق "

حين توفيت أبنتها الصغيره !!أبتسمت وفي عينيهآ الدمع وقالت :
هناك في الآخره سأطرق بآب الجنةوستفتحه لي ..
" هكذآ الصبر عند المصآئب "

فتاة ذهبت للقاء عشيقها !!فوصلها خبر تعرضه لحادث أدى إلى شلله،
بكت وتألمت، ونسيت بأنها كانت تردد :
" اللهم من أراد بي سوء فاجعل تدبيره في تدميره "

قبل أن تغتاب !!أغمض عينيك،وتخيل أنك تمضغ قطعة لحمة حمراء نيئة ،
تلوكها بين أسنانك بدمها ..
" إن أعجبك هذا الخيال افتح عينيك وأكمل غيبتك "

من أجمل ذكريات الطفوله !!أنك تنام في أي مكان في المنزل،ولكنك تستيقظ وأنت في سريرك ..
" ربي إرحمهما كما ربّياني صغيرا "

في المُستشفى !!على اليمين رجل يستخرج شهادة ميلاد ابنہ ،
وعلى اليسار آخر يستخرج شهادة وفاة ابيہ ..
" مشهد يختصر الحياة "

( أستغفرُ الله الذي لا إله إلا هُوَ الحيُّ القيوم وأتوب إليه عدَدَ خلقه ورضىٰ نفسه وزنة عرشه ومِداد كلماتهْ )


sosolibya 07-16-2013 04:00 PM

رد: حبيباتى سيدات ليبيا تفضلو لأعرف ما حالكم
 
اقتباس:

المشاركة الأصلية كتبت بواسطة عائشه مصطفي عمر (المشاركة 3296110)
انا جديده خاشه للمنتدي ونتمني نتعرف عليكن يا بنات بلادي انا عمري 20 متزوجه وعايشه في غربه وحامل بطفلي الاول في الشهر الثامن ومبروك نجاحك تقبلوني صديقه في هذا لقروب شكرااا


أهلييين وسهلين بنور العين الغالية الحللوة عيوشة
أهلا بيك بينا ياحلوة منورة المنتدى

والله يبارك فيك وانت شنو ياحلوة تقرى ولا شنو

ومبروك حملك وإن شاء الله توصلى على خير

ويللا ياحلوة احكيلنا عليك (قصقصة هههه)

فى أى بلد انت



جوهرة ليبيا 07-16-2013 04:33 PM

رد: حبيباتى سيدات ليبيا تفضلو لأعرف ما حالكم
 
السلام عليكم ورحمه الله وبركاته

sosolibya 07-16-2013 04:38 PM

رد: حبيباتى سيدات ليبيا تفضلو لأعرف ما حالكم
 
***** كـــــم أفـــــخر أن أكــــــون للـــــــرحمن عبــــــدا

فهــــــو الـــذي لــــــن يظلمــــــني أبــــــــدا

فإن أســــأت فإنــــه كان للتـــــوبة قابـــــلا

و إن أحسنـــــت فإنـــه كــــان بالـــخير جــــازيا

فــــ يــــا رب ثبتنـــا على دينــــك إذا إحتضرنـــا

و نور لنا قبرنـــا إذا دفنـــا

و ألهمنــا الإجـــابة إذا سؤلنــــا

و شفع فينـــا الحـــبيب إذا بعثنـــا

و أسكنـــــا الفردوس ألاعلـــى برحمتــــك. *****



sosolibya 07-16-2013 04:46 PM

رد: حبيباتى سيدات ليبيا تفضلو لأعرف ما حالكم
 
أهلين جيجي شنجججججججج

كيفك انت وراجلك وبنتك وعزوزتك

جيجي قصدك ماتفطريش مع عزوزتك وسلفتك

وسلفتك جابت ولا مازال


الساعة الآن 10:41 AM.

Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)

Privacy Policy - copyright

لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .