|
رد: تجمع حوامــــــــل مصر (ام الدنيا )
malak2010
ولأول مرة execlusive على تجمع قلق مصر بصى ياستى انا هحكيلك انا كنت جاية لابسة عباية سودة بس كانت حلوة اوى وعليها شغل بالموف وانا بمووووووووووت فى الموف ماما واختى اتحايلوا عليا البس تايير سواريه سكرى كان عندى وانا طبعا مارضيتش وطبعا فكرة فستان الفرح دى مرفوضة تماما انى اسافر بيه الناس هتتفرج عليا وهبقى كده لوحدى شكلى وحش بس برضه محرمتش نفسى انى البس فستان الفرح عملت حفلة حنة صغيرة كده يوم الاربعاء ولبست فستان فرح ورحت كوافير واتصورت كمان قضيتها يعنى هههههههههههههه بس كانت حاجة تقهر انى فى الكوشة كده لوحدى من غير جوزى واول ما وصلت مقدرتش امسك نفسى من العياط يللا الحمد لله على كل حال وبعدين سافرت يوم الجمعة 26/3 والطيارة كان معادها الساعة 7 وعلى ما وصلت المدينة اقل من ساعتين وفى فرق ساعة توقيت كانت الساعة 11 بتوقيت السعودية جه جوزى خدنى ومعاه صاحبه ومراته وولاده وكانوا عاملين لينا عشاء وزى تجمع للتعارف كده علشان يعرفونى على زوجات اصحاب جوزى بس مش من الشغل يعرفهم من الحرم فكانوا مصريين على سودانيين ومقولكيش على اخلاق السودانيات دول يااااالله عليهم ناس زى العسل اخلاقهم مفيش بعد كده وروحهم حلوة وكرماء بشكل مقولكيش وحبوبين من اول يوم يعاملوكى كأنهم يعرفوكى من سنين وكل مدة كده بنتجمع مع بعض المهم بعد العشاء يعنى تقريبا على 12 بالليل صباحا يعنى رحنا المسجد النبوى من باب البقيع يعنى من ناحية القبة الخضراء زى ما باين فى الصور فضلنا ساعة كده ورجعنا بيتنا تقريبا على 1,30 الصبح وبس مقدرش أقول أكتر من كده علشان الرقابة ههههههههههههههه والحمد لله ماكنش فى شهر عسل كان فى يوم عسل اللى هو السبت فقط لا غير والحمد لله على النعمة يوم الاحد جوزى خرج علشان كان لازم ياخد دورة كده 6 ساعات علشان يجدد ترخيصه هنا اللى بيشتغل بيه وانا رحت الحرم من العصر لبعد العشاء بساعتين على ماخلص وجالى وبعدها بدأ شغل عادى بقى قصة لطيفة جدا مووووت وخلصت الحدوتة حلوة ولا ملتوتة |
رد: تجمع حوامــــــــل مصر (ام الدنيا )
والهى هى قصة حلوة مش ملتوتة بس كنت حاسة بيكى وانتى بتقوليها
معلش كل واحدة ولها ظروفها اجمل حاجة ما شاء الله انتى بداتى حياتك مع جوزك بركعتين فى الحرم مفيش احلى من كدة عارفة ان فى واحدة اعرفها اهل جوزها هم اللى خطبوها له وهو فى السعودية وكتبت كتابها بتوكيل(صعبة اوى) وسافرتله وهى ماتعرفوش الا بالصور يعنى فى ناس ظروفها اصعب بس عارفة ساعات اقعد اقول ان لقمة العيش والسعى على الرزق ساعات بتضيع لحظات مش هتتعوض اعرف برضة واحد عندة بنتين هيتجوزوا ورى بعض بين الواحدة والتانية حوالى شهر او اتنين حضر فى فرح الاولى وماحضرش فى التانية علشان شغلة يعنى اللحظة دى مش هتتعوض كل واحد لة ظروفة المهم الحمد لله على كل شئ ويارب يهنينا ويرضينا دايما بقضاؤة المهم انتى مع اللى بتحبية وربنا يتم عليكى وتجيبى اجمل( ملك) فى الدنيا ههههههههههه |
رد: تجمع حوامــــــــل مصر (ام الدنيا )
malak2010
انتى شكلك معدتيش بتحبينى انتى يرضيكى أجيب ملك برده الله يسامحك ياشيخة وعلى رأيك انا برده اعرف بنات كتير مش بتشوف عرسانها الا قبل الفرح بايام بس بصراحة متوصلش انها تسافرله كده وهى ماتعرفوش صعبة اوى دى بس احنا للاسف مصليناش فى الحرم يومها صلينا مع بعض لما رجعنا البيت |
رد: تجمع حوامــــــــل مصر (ام الدنيا )
ماشى يا ستى انا اللى هاخد (لى لى) حبيبة قلبى
انا هقوم علشان ابدأ رحلة المعاناة (اطبيييييييييييييخ)ربنا يقوينى على الروايح |
رد: تجمع حوامــــــــل مصر (ام الدنيا )
ماشى يا ستى ربنا يخليلك لى لى وانا ماليش دعوة بيها هههههههههههه
ربنا يعينك فى الطبيخ انا النهاردة أجازة من الطبخ |
رد: تجمع حوامــــــــل مصر (ام الدنيا )
انا هروح انام بقى مادام محدش صاحى غيرى
|
رد: تجمع حوامل مصر (ام الدنيا )
اقتباس:
حد ياخد احمد شويه انا م ساعتين بس اهىء اهىء اهىء انا تعبت بقى عايزه اجازهhwaml15hwaml15hwaml15 |
رد: تجمع حوامــــــــل مصر (ام الدنيا )
نولارا
صباح الخير والله انا مقدرش اخده منك اليومين دول انا بنام على نفسى طول الوقت انا مستنية الغسالة تخلص وجرررررى على السرير هههههههههههه مش malak2010 قبل كده انها ممكن تقعد بيه يللا واهو كمان يساعدها وهى بتطبخ ههههههههههه |
رد: تجمع حوامــــــــل مصر (ام الدنيا )
نولارا
الغسالة عملت الموسيقى التصويرية علشان تقوللى الغسيل خلص معلشى والله مش قادرة أقعد خلالالاص فصلت هطلع الغسيل وأناااااااااااااام تصبحى على خير |
رد: تجمع حوامــــــــل مصر (ام الدنيا )
والله انا لما اجى اطبخ بعمله فرشه عند باب المطبخ وانيمه
بس برضه مش بيقعد ساكت عايزنى اشيله متعععععععععععععععب |
| الساعة الآن 04:10 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .