|
رد: تجمع حوامل ليبيا
يقين كيف حال حناك توا...
ومبروك ماشريتي انتي وام قصي وكل الليبيات البارح وجعني المطار والخطوط الافريقية ويلي قتلني اكتر الجثث يلي انحرقت في الهنقر وعدد المفقودين 50الف مفقود رقم خيالي يارب ارحم كل موتانا وشهدائنا واجمع كل حي باهله يارب 6شهور ررررررررررررعب ياريته هرب فنزويلا من اول مرة خيرله وخيرلنا قدر الله وما شاءالله فعل |
رد: تجمع حوامل ليبيا
اقتباس:
|
رد: تجمع حوامل ليبيا
الله أكبر الله أكبر الله أكبر لا إله إلا الله والله أكبر الله أكبر ولله الحمد
الله أكبر الله أكبر الله أكبر لا إله إلا الله والله أكبر الله أكبر ولله الحمد الله أكبر الله أكبر الله أكبر لا إله إلا الله والله أكبر الله أكبر ولله الحمد الله أكبر الله أكبر الله أكبر لا إله إلا الله والله أكبر الله أكبر ولله الحمد الله أكبر الله أكبر الله أكبر لا إله إلا الله والله أكبر الله أكبر ولله الحمد الله أكبر الله أكبر الله أكبر لا إله إلا الله والله أكبر الله أكبر ولله الحمد الله أكبر الله أكبر الله أكبر لا إله إلا الله والله أكبر الله أكبر ولله الحمد الله أكبر الله أكبر الله أكبر لا إله إلا الله والله أكبر الله أكبر ولله الحمد |
رد: تجمع حوامل ليبيا
السلااااااااااااام عليكم ياحبيباتي ... صحة فطوركم . شن أخباركم وشن مدايرين ؟؟؟
حبيبيتي ميمونة ربي يخليك ياااااااااااارب وعقبالك نباركلك ببيبي حلو زيك والله انتي اللي حلوة ياعسل وكل سنة وزوجك بخير انشالله بطول العمر يارب ... يقين .. تسلميلي يارب والله يبارك فيك ويسهلك . عيون عيون عيون ياقمر ياحلوة والله استاحشتك موت .. الله يبارك فيك وتسلميلي يارب والله تعرفي تعبانة من قلة النوم والظروف اللي عشت فيها ولادتي ونفاسي صعبة هلبا لأني نسكن في شارع الزاوية قدام مستشفى الحروق بالضبط .. وعينك تشوف القصف اللي صار علينا من باب العزيزية وكتائب الشفشوفة الله لا يرده .. تخيلي روحك نافس وقاعدة حتى الخياطة توجع فيك وعيلك على إيدك وحوشك تحت القصف وأكتر يوم تعبت فيه هو يوم سقوط العزيزية صار علينا قصف مش طبيعي بصواريخ الغراد لأنهم كانوا يبوا يكسروا مبنى الاستخبارات والبريد المركزي اللي جنب حوشنا وجونا الثوار للحوش وقالولنا اطلعوا للمستشفى وخليكم تحت لأن القصف عشوائي ... تعرفي ياعيون شعوري كان وقتها لا يوصف وكانت بنتي في حضني تبكي . المهم اني ماطلعتش من حوشي وقلت لراجلي مش حنطلع حتى لو متت نموت في حوشي ومانبيش نرفع بنتي لمستشفى كله أمراض ومعبي ناس .. والله بدون مبالغة قعدت من الساعة 10 الصبح لغاية الساعة 6 أو 7 مش متذكرة بالضبط المهم اللي نعرفه ان القصف وقف بعد ماطاحت العزيزية .. الوقت هذا كله قعدت حاضنة بنتي ومقعمزة في داري ندعي والحمد لله ربي حمانا وطاحت العزيزية الحقيرة أخيراً .. بعد اللي عشته ياجماعة صدقوني الأحسن الوحدة ترعش وتخاف وهي حامل ولا تخاف وهي نافس والله في النفاس كل رعشة بحسابها والحليب يجف وتلقي قلبك بيتقطع عالعيل اللي في إيدك لكن وهو في بطنك أهون بهلبا ههههههههههه . ( رسمي شر البلية مايضحك ) . بالنسبة للجنوب ياحبيبتي أوباري اللي أني منها واللي تجي بعد سبها سلموا بروحهم لكن العقدة كلها قاعدة في سبها يديروا في روحهم فالحين مازال ... لكن توا الناتو يتولاهم .. الحمد لله أهلي كلهم كويسين وربي سترهم انهم طلعوا من الحوش قبل الاشتباكات بيوم لأنهم ساكنين في العمارات الجديدة اللي جنب العزيزية عالطريق .. هما طلعوا وتاني يوم في الاشتباكات بين الثوار والكتائب جت قذيفة في عمارتهم وتضرر الدورين الثالث والرابع وحوش أهلي الدور الأول ... ربي سترهم الحمد لله . بنسألكم ياصبايا .. شن مدايرين مع انقطاع المية والله تعرفوا تشرد مش طبيعي والخضرة واللحم اليوم بس خشوا حوشنا من بداية المشاكل والأسعار طبعا مانحكيلكمش كيلو الطماطم 6 دينار معقولة ؟؟؟ وكيلو اللحم 25 دينار تتخيلوا ؟؟؟ والله الحالة حالة وخلاص ( الحمد لله على كل حال ) |
رد: تجمع حوامل ليبيا
عيون والله نقولوا الحمد لله كان مايفرج ربي
|
رد: تجمع حوامل ليبيا
السلام عليكم ورحمة الله وبركاته
كيف حالكم يابنات والله ليكم وحشة كبيرة شن اخباركم طمنوني عليكم ياهل طرابلس وبنغازي وسبها الحمد لله علي سلامتكم ان شاء الله كلكم بخير يارب يارب تفرج علينا وترجع بلادنا زي ماكانت واحسن |
رد: تجمع حوامل ليبيا
كل عام وانتم بخير
وان شاء الله رمضان والعيد الجاي تكون الاوضاع احسن لااا ياأم قصي ماترحمي صغارك من فرحة العيد هدو صغار شن ذنبهم الف الف مبروك ياعاشقة تتربي في عزك |
رد: تجمع حوامل ليبيا
كل سنة وانتم طيبين ياحبايب
|
رد: تجمع حوامل ليبيا
كل عام وانتو بالف خير وينعاد عليكم بصحة ولعافية يارب الى كل ليبية نهنيكم باحلا عيد فى ليبيا وربى يفرج على اهلنا ويصبرهم http://forum.hwaml.com/imgcache2/hwa...764836_176.gif http://forum.hwaml.com/imgcache2/hwa...764836_493.png |
رد: تجمع حوامل ليبيا
تقبل الله منا ومنكم وغفر الله لنا ولكم وعيد مبارك علينا وعليكم وكل سنة وإنتم طيبين وكل عام وإنتم بخير وينعاد عليكم بالصحة والسلامة وربي يفرج على بلادنا ويتمم علينا النصر
|
| الساعة الآن 05:39 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .