|
رد: تجمع حوامل ليبيا
احنا في طرابلس وحاشاكم هاليومين كاثر الموت والقتل بالرصاص
سلفتي ولد اختها مات برصاصة في رقبته وولد جيرانا جوه للحوش ضربوه برصاصة في رجله ةاخرى في كتفه ورفعوه معاهم من يوم 20 اهله يسخفوا دوروا عليه كل المستشفيات ما لقوشي عنده زوز بنات وقريب زوجي واقف في بوابه للثوار امس طلعوله زوز بنات في خمارات فرغوا اعليه الرصاص مات في مكانه الوضع الامني ايخوف اللهم انك عفو تحب العفو فاعفوا عنا دنيا واخرة واحفظنا ياااااااااااااااارب |
رد: تجمع حوامل ليبيا
اهلين بنات انا ياميرنا الحمدلله توا معش نزل عليا دم من اول يوم ناخد في مثبت واسبرين والحمدلله وياعيون احنا كويسين وان شاء الله اول مايهدا الجو نبي نجي لطرابلس متنسيش انو ماما طرابلسيه وماليها كلهم غادي وبالنسبه لي عندي بنوته توا في نص 9 تسكر سنه وانا حامل في الثالث ان شاء الله ربي يقدرني وان شاء الله الايام الجايه نسمعوا اخبار حلوه علي ليبيا
|
رد: تجمع حوامل ليبيا
اقتباس:
قوليليهذا اللي انضرب في رقبته رصاصة طايشة ولامقصودة واللي ضربوه في رجله ورفعوه ضربوه من الثوار ولا معمر وهو مع من معليش نقصقص عشان زوج اختي في الاذاعة ويبو يعرفو الاخبار الداخلية متاع طرابلس بالنسبة لمصر تذاكر مش عارفة لاني جيت بالسيارة اما السكن بصراحة القاهرة احلى واجد وفيه مكان في القاهرة اسمه مدينة الرحاب هو بعيد شوية في القاهرة الجديدة بس جميل جدا جدا واسعار الشقق مناسبة يعني في الشهر مابين 3000 و 3500 شقة دارين وصالة ونظيفة جدا جدا والجنيه الليبي بثلاثة ونص مصري ممكن يزيد الايام الجاية والمدينة فيها مولات تجارية كبيرة وسينما ونادي رياضي فيه كل شي من حمامات سباحة ملاعب وفيه مكان ملاهي للصغار تجنن وفيه مجموعة مطاعم عالمية مشهورة وقدامها بحيرة صناعية خيالية يعني من الاخير مكان يهبل والصرف انتي وجيبك حسب الشرا والاكل اه وفيه سيارة خاصة تشيلك لاي مكان في المدينة هذي بخمسة جنيه قعدت مرشدة سياحية ههههههههههه بس بجد مكان حلوhwaml7 |
رد: تجمع حوامل ليبيا
اه صح ياام اسيل الرحاب حلوه بكل عمي عنده شقه غادي حلوه بكل
|
رد: تجمع حوامل ليبيا
ههههه ام اسيل مرشده سياحيه
الله يخليكم يابنات والله مرايفه ومشغوله على عاشقه مش عارفه ليش ما خشت لعند توا شوفى عيون الوضع الامنى ياخذ شويه وقت وتستقر الاوضاع عيون امتى ماشيه بلكى نتلاقو غادى فى مصر |
رد: تجمع حوامل ليبيا
هههههههههههههه
عيون على اساس مصر صغيره ههههههههههههه عشان نتلاقوا ههههههههههههههه |
رد: تجمع حوامل ليبيا
اقتباس:
عيون راجالها اليكى قصة حملتى..... جائتنى الدورة وخذيت اكلوميد وابرة تفجير وبعد اسبوع مشيت خطبة الى راجلى على اساس انى حتى لو صار حمل توة ينزل لانى ايست من روحى وفقدت الامل بعد ما جاء موعد الدورة لقيت روحى حامل عديت الى الدكتورة قالتلها الدكتور عادل فاروق البيجاوى قالى عندما تحملى خوذى نصف حبة دواء دوستنكس مجفف الحليب اعطتنى الدكتورة الروشيت واخذت الدواء الى ان شفت نبض الجنين راسلت الدكتور عادل عن طريق الايميل قالى طالما شفتى النبض اوقفى دواء المجفف للحليب وخوذى ابر الهيبارين مسيل للدم وخوذى مثبت لبوس 400 غرام فقلت لدكتورة كلام الدكتور فصرفتلى العلاج تحت اشراف الدكتورة فا استمر الحمل والحمدلله وما تخيليش قديش انا فرحانة عقبال كل محرومة يارب.... اما عن راجلى كيف الغريق لى طلعوه من الماء رافع علم الاستقلال وخاصتنا بعد ما عرف امعى اوليد ههههههههههههه اخ من راجاله |
رد: تجمع حوامل ليبيا
الف مبروك ياميرنا تستاهلي كل خير لانك طيبة
والله ياعيون صدقتي عايشين في رعب بس المهم هو هارب كالجرد حتي احنا ماتو هلبه من معارفنا بس مع هدا الصبر فقط ربي يفرج علينا ونعيشوا مرتاحيين تسلم عليكم نسرينا وايه وحالهم باهي |
رد: تجمع حوامل ليبيا
تسلمين ام رفيده بس شوفنا بعيوننا افعاله يارب ياخده هالشفشوفه
ليبيا شن حالك هيا امتي ترجعي خلينا نشوفوك ام قصي تسلمي حبيبتي ليك وحشه |
رد: تجمع حوامل ليبيا
قول عنهم قول يامدمر صعب الوصول... ليبيا طلعت من ايدك يا مغرور ..قلت عنهم جردان رفعوا راسنا في الميدان ...قلت عنهم مهلوسين وهما لله ساجدين...قلت عنهم مقملين وهما بالنظافه معروفين ..قول عنهم ماتقول يامدمر صعب الوصول..
والله شن رايكم؟؟؟؟؟؟؟؟؟؟؟؟ظ |
| الساعة الآن 06:29 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .