رد: تجمع حوامل ليبيا
 

رد: تجمع حوامل ليبيا
 

ام اسيل ...كيف حالك يا احبيبه استاحشتك
كيف حال وليدك وبنيتك والضابط وين دياره عنده منصب في المجلس ولا لا
انتم اصحاب الصفوة صح ولا لا؟
بجد جد ليك وحشة انتي وكل البنات الاولات بلا استثناء
يارب ترجع ايام الراحه والدردشة براحه البال مع بعض
في هالخضة صارلك حمل زي ميرنا ولا لا بشريني
اليوم سمعت بمصيبه جديدة اللهم اجرنا في مصيبتنا واخلف لنا خيرا منها
ان الميه ملوثه بالزرنيخ وانا لحد التروايح نشرب منها ومطيبه فطوري منها وصغاري الزوز شربوا منها
توا جارتنا جت تشكي وقالت مجموعه اطفال من نفس لقب راجلي صارلهم تسمم ورفعوهم المستشفى
اللهم احفظنا اللهم امين
يارب فرجها يارب الطاقة البشريه محدودة لان الانسان جزوع وهلوع والصبر مر
اللهم اكتب لينا الخير والرضا عندك يارب في هالايام الاواخر تقبل صلاتنا ودعاؤنا بالفرج والفرح واللمه مع ناسنا واهلنا يارب

رد: تجمع حوامل ليبيا
 

رد: تجمع حوامل ليبيا
 

عيون حبيبتى حسبى الله فى معمر والولاده
اما سمعت على موضوع المياه المولوثه بس ما تخافيش انشاءالله اشاعه
حتى نحنا طلعت نفس الاشاعه فى درنه وببنغازى حبيبتى الله يحفظكم
واختى اصبرى واحتسبى كل شى باجره وحسبى الله ونعم الوكل ما هالجرذ
هو الى فتح السجون ما تخافيش من الثوار لو تخافى من بوك وخوتك خافى منهم وطبيعى فى الاول تصير لخبطه بس راح نرجع المور احسن وحريه
كلنا مالناش فى السياسه بس نحن بشر من حقنا نعيشو حياه هنيه ونضمنو الحياه لاولادنا على الاقل راح يكون فى قانون يحكم البلاد ولنا قيمه بين الشعوب
مش احسن من هالمعتوه الى فاضحنا وحارمنا حقوقنا وقاعد يطرطش فى فلوسنا يتفلسف على خشومنا الحمد لله الى هاليوم جا الله اكبر عليه وعلى ولاده على معاه انتى ماتخافى وادعى الله ان يعجل برفع الغمه على بلادنا مقدره انهيار نفسيتك بس خلاص هانت هانت وسعى بالك ولفى على بنيتك والله بكون بعونكم ولكم الاجر

رد: تجمع حوامل ليبيا
 

يقيم الله يعطيها الصبر ولااحتساب
وانشاء الله تخفيف ذنوب اغلب السلف الصالح فقدو بصيرتهم ويرجع ذالك لتخفيف ذنوبهم وصبروها ودايما ذكروه ان تحمدلله وتشكره

رد: تجمع حوامل ليبيا
 

الله اكبر الله اكبر الله اكبر
لا اله الا الله
الله اكبر الله اكبر الله اكبر
ولله الحمد
الله اكبر الله اكبر الله اكبر
لا اله الا الله
الله اكبر الله اكبر الله اكبر
ولله الحمد
الله اكبر الله اكبر الله اكبر
لا اله الا الله
الله اكبر الله اكبر الله اكبر
ولله الحمد

اللهم كمل فرحتنا يارب

رد: تجمع حوامل ليبيا
 

مرحبا ان شاء الله كلكم في خير وصحه استحشتكم كلكم فرد فردا لكم قبلاتيhwaml13


توا بنشوفو 10 نقاط قالها معمر وردينه عليه اكويس بدون جرح مشاعره الرقيقه هههههههههه
معمر في نقاط
1_ ان الشعب الليبي مكون من عصابات مسلحه ( بس انت المعلم وزعيم المافيه كيف عاد )hwaml17

2_ ان الشعب الليبي مجرد جرذان ( وانت الجرذ الكبير )hwaml11

3_ سوف تزحف عليكم الملايين لتطهير ليبيا( أ _ بيت بيت , ب_ دار دار , ج _ زنقه زنقه ) ..اختار الاجابه الصحيحه بي القوسين اذا وجدت

4_ ازحفو علي العصبات المسلحه وجردهوم منها بدون سلاح ( عليش تزحف تعال امصبي خيرلك )

5_ انا قاعد امعاكم في طرابلس والقصف في جنبي _ ( القصف في جنبك انشاءالله ايكون في راسك مش جنبك )

6_ هكي يااا عرب بنغازي معقوله وانا بنيتها طوبه طوبه ( والله ايش انديرولك مالينه منك مش بالغصب الحكم اطلع, بنيتهااا أأأأه أمتي في احلامك _ لالا انت هديتها طوبه طوبه )

7_ تستعينو بالاستعمار والناتو ( علي أساس انت مستعنتش بالاستعمار وجايب مرتزقعه ) البادي اظلم

8_ نعطيكم افلوس وسياراة والي معندش مرتب نعطيه وانتو غير تريحو بس ( بعد ايش لما جاتك العصاء حنون انت يااا امعمر تبينا انتريحو في هذي معاك حق كل وأحد ريحته في قبره هذي الراحه الي جايبها لنا )

9_ انا معي الملايين _ ( اكيد معااك الملايين رزق الشعب الليبي لعب فيه لا حسيب لا رقيب )

10_ اناااا نهرب لي فانزويلا والله انسيب وطن اجدودي ونهرب لي فانزويلا ( معقول اتسيب وطن اجدودك في اسرائيل وتهرب لي فانزويلا لالا ماتجيش هذي منرضوهاش لك معاك حق )

رد: تجمع حوامل ليبيا
 

ميرنا وحبل الوصل حوامل الف الف الف مبروك وعقبالي انا يارب

والله فرحت من كل قلبي ربي يهنيكم

رد: تجمع حوامل ليبيا
 

رد: تجمع حوامل ليبيا
 

الف الف مبروك لحملك يا ام اسيل انتي و ميرنا وحبل الوصل وعقبال ميمونه يارب
كيف حالك يا ام قصي انتي في ليبيا ولا برا
منو قعد من بدايه الاحداث ومنو هرب ولوين سؤال كل وحدة تجاوب اعليه
انا اليوم احسن لان سارة تلعب برا مع الصغار وكويسه
بس مشغوله على امي في تونس ما كلمتهاش ومشغوله على خالتي في بوسليم الخطوط تعبانه والوضع عندهم حاله اطلاق نار واشتباكات كبيرة
ميمونه انتي في المدينه ولا عين زارة؟