|
رد: تجمع حوامــــــــل مصر (ام الدنيا )
انتى عارفة اول ما قلت لاختى على ميعاد اول كشف قالتلى اول ماتروحى انتى اطلبى منها التحاليل حتى لو هى مطلبتش
وفعلا هى مطلبتش وانا اللى قلتلها عايزة اعمل تحاليل قالتلى تعالى كمان اسبوع كنت تقريبا وقتها شهر ونص ورحتلها عملت سونار وعملت التحاليل طبعا بول ودم استنيت ساعة تقريبا وطلعت ووريتها التحاليل فى وقتها وارتحت |
رد: تجمع حوامــــــــل مصر (ام الدنيا )
هو اللى اعرفه اه بيجى من فضلات القطط والطيور بس انا اعرف واحدة هنا كانت حامل وبعد ماحصل اللى حصل عرفت انها كان عندها وهى مش عارفة وهى مكنتش بتتعامل مع قطط ولا حاجة معرفش ممكن يجى منين بقى
اللى اعرفه ان الانيميا بتعمل ولادة مبكرة وبيبقى وزن البيبى قليل وهو غالبا اه لو البريود ايام كتير او كمية كبيرة بيبقى عامل اكبر علشان يبقى فى انيميا بس برده عادى تبقى موجودة من غير الاسباب دى لان فى عيال صغيرة وعندهم انيميا عادى |
رد: تجمع حوامــــــــل مصر (ام الدنيا )
اه قبل ما انسى انا قلت حاجة من يومين ومضايقانى اوى
كنت بقول على جارتى دى انها بتزعق بغباء هى بتزعق عادى مش بغباء عادى يعنى زى اى ام بس جايز لانى بتوتر من الزعيق فببقى متضايقة فقلت اقول علشان ماخدش ذنبها |
رد: تجمع حوامــــــــل مصر (ام الدنيا )
طيب يا لولو ربنا يسهل واعمل
بس بقولك ان لو كمية الدم قليلة فى البريود هى اللى تبقى دليل على الانيميا مش كدة ماهو مفيش دم ههههههههه هتجيب منين |
رد: تجمع حوامــــــــل مصر (ام الدنيا )
انا دخلت جبت طبق عسل اسود اكل فية لغاية مااشوف موضوع الانيميا دة
كنت عاوزة اسالك هى الوحمة بتيجى بجد لما الواحدة تبقى عاوزة تاكل حاجة وماكلتهاش يعنى دة كلام بجد ولا اية |
رد: تجمع حوامــــــــل مصر (ام الدنيا )
نسيت اقولك اتفضلى يالولو على طبق العسل
|
رد: تجمع حوامــــــــل مصر (ام الدنيا )
ههههههههههههههه انتى ارتحتى ان مفيش دم يبقى مفيش انيميا
لا طبعا ده الحمل هو اساس الانيميا ده فى ناس ربنا يعافينا بيتوصل نسبة الهيموجلوبين ل 6 ودى مشكلة كبيرة طبعا صاحبتى الانتيم فى مصر ام جودى قلتلك عليها قبل كده جالها فقر دم فى الحمل لدرجة ان الدكتورة قالتلها ممكن يحصلك نزيف فى الولادة ولازم نبقى مأمنين اكياس دم علشان هننقلك دم بس الحمد لله محصلهاش حاجة من دى وفى ناس كتير كانوا بيجولى الصيدلية بياخدوا حقنة اسبوعية علشان الحديد كانت الحقنة دى بتتاخد مع محلول علشان الحقنة تقيلة اوى انها تتاخد وريد او عضل فبتتعلق مع محلول وتتاخد اسبوعيا انا مش عايزة اقلقك بس دى الحاجات اللى اعرفها |
رد: تجمع حوامــــــــل مصر (ام الدنيا )
انتى وقفتى الفوليك اسيد فى الشهر الرابع ولا لسة بتاخدية
|
رد: تجمع حوامــــــــل مصر (ام الدنيا )
هههههههههههههههه انتى خفتى ولا ايه
هنيا ياحبيبتى لسه باقى جوه عندى اخر معلقة عسل اسود بالنسبة لموضوع الوحمة ده محدش عارفلها اى اثباتات علمية بس فعلا فى ناس كده لما بتتوحم على حاجة ومتاكلهاش وتهرش تتطلع الوحمة فى ماما اتوحمت على قشطة فى اخويا الكبير وماكلتهاش وهرشت هى بتقول كده وفعلا طلعتله حتة بيضة لون القشطة فى بطنه ومهياش مرض ولا حاجة ماما بتقول من الوحم ده وكمان كانت لينا واحدة صاحبتنا عندها عنقود عنب كامل فى ايدها برده من كده وعايزة اقولك وقت موسم العنب بيورم كده شوية زى العنب ويفضل يهرشها وماما كمان شافت بنوتة صغيرة عندها فراولاية صغيرة كاملة عند اول شعرها كده والعلم عند الله |
رد: تجمع حوامــــــــل مصر (ام الدنيا )
انا وقفت الفوليك اسيد اه هى الدكتورة مجبتش سيرة اوقفه ولالا فانا وقفته بس باخد فيتامينات ماتيرنا فيها فوليك اسيد فى تركيبتها
|
| الساعة الآن 12:34 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .