|
رد: ديوانية البحرين - دردشة حوامل البحرين - البحرينيات
صبااح الخير..
وانتو تركوا عنكم السهر مب زين .. شصاير في العالم كل من مريض ،، وانا باستشريكم في شي الي ادش تقول لي خبرتها في الموضوع لانه وايد متوترة.. هل جم يوم كله احس بدورة في راسي واتجاهلها اقول من التعب او من قلة النووم.. بس امس الصبح كنت قاعدة اتريق ويا ريلي وخلصنا من الريوق ابي اقوم من مكاني مب قادرة احس الدنيا ادور فيني ونوع الضباب على عيني ونبضات قلبي زااااادت لدرجة احط يدي على صدري احس قلبي بيطلع من مكانه تميت ربع ساعة على هالحالة وجان اوقف لانه حسيت روحي بتطلع خلاص قمت اصرخ باموت جنه احد يسحب القووة من جسمي كله،، عضلاتي كلها ضعفت ياب لي زوجي ماي ابي ايود القلاص ماقدرت ،، ابي اروح اغسل ويهي بماي بارد امشي اجوف الطوف يتحرك.. تميت على هالحال وايد ..لبست دفتي باروح المستشفى ورجع النبض طبيعي وتمت معاي دوورة في راسي .. هونت وما رحت.. احين السؤال هالأعراض الي صادتني من شنو؟؟؟ .. كنت ماخذة حبوب الحديد الوردي ريلي يقول يمكن من هل حبوب مع ان من شهر الخامس اشمعنه امس.. وانا وايد يصيدني هبووط في الضغط ولا ادري شنو اسبابه وامس كان عندي جفاف وشربت مااي ووايد وخايفة مادري ارتفع علي السكر لانه اخربط في الاكل مع ان سوو لي تحليل سكر من قبل وقالو لي طبيعي والله محتارة.. امس زوجي يحن علي يبي يوديني المستشفى بس انا خايفة.. خايفة اروح ويقولون لي شي يخرعني بس اذا تمت الدورة وماراحت شكلي باروح لانه مو مستحملة اكثرر .. امشي وادعم الطوف حتى البارحة من زود المحاتاة ماغفت عيني الا ثنتين ونص وقعدت على تلفوني متصلين فيني العلة هالوزارة علشان يضايقوني زود وبس كاني قاعدة .. جني وايد هذرت بس الي عندها فكرة تقول لي شاسوووي وهل انتوو صادكم نفس هالحالة من قبل ؟؟؟ انا خايفة الله لا يقول راسي فيه شي مو طبيعي هالفكرة من امس اقولب فيهااا .. افكر في شرايين مخي وافكر في اشياء وايد كريهة بنوتة.. ماعليج شر وان شاء الله صرتي احسن اليوم ونفس ما قالو لج شربي سوائل علشان ما يصيدج جفااف وتركي عنج اكل المطاعم.. ام الساادة .. ان شاء الله ولدج مافيه الا العافية وكل ما ولدتي بسرعة ارريح لج من الثقل والله يطمن قلبج عليه وطمنينا معااج شمووس،، لا تحاتين ملووك وهل صوت الي يطلع في الصدر يهال وايد يصيدهم وعلى الاغلب اسبوع واحد بأذن الله ويروح الصوت .. و ان شاء الله ظهرها مافيه الا العافية ساعات الدكاترة يشكون في شي والاشعة احسن لج علشان يتطمنون ان مافيها شي دام احين عظمهاا لين ,, وناطرين رجعتج لنا بالاخبار الزينة والباقي شخباركم.. وبنات الي عندها خبرة او سبب وجيه حق الي يصيدني تقوول لي .. احتمال اروح المستشفى اليوم لانه قاعدة على خووف وكل ساعة يتراولي راسي يدور عقب الي صادني امس :( |
رد: ديوانية البحرين - دردشة حوامل البحرين - البحرينيات
هلا والله فلونه ماعليش شر ان شاءالله اني يختي تصيدني دوره وحتى اني نايمه تصيدني بس انتين المفروض تروحين على الاقل تطمنين ماعتقد شي خطير ابدا هذي سوالف الحمل معروفه اغلبها نقص دم او انخافظ ظغط مثلا او شي من هالنوع ومايحتاج توسوسين انصحش روحي تطمني وطمنينا
الدوره ليها اسباب وايد ومو شرط شي خطير عرفتين |
رد: ديوانية البحرين - دردشة حوامل البحرين - البحرينيات
اقتباس:
|
رد: ديوانية البحرين - دردشة حوامل البحرين - البحرينيات
صلواااااات على محمد وآل ومحمد
شصاير فيكم هاليومين يابنات....!!!!؟؟ أمن يجيب المضطر أذا دعاه ويكشف السوء أمن يجيب المضطر أذا دعاه ويكشف السوء أمن يجيب المضطر أذا دعاه ويكشف السوء فرج عنا يا الله يالله يالله يالله يالله يالله يالله يالله يالله يالله بحق محمد وآل محمد واشف مرضانا ومرضى المؤمنين والمؤمنات ويسر لنا حملنا وولادتنا واحفظ أجنتنا في ارحامنا وارحمنا ياكريم اللهم صل على محمد وآل محمد |
رد: ديوانية البحرين - دردشة حوامل البحرين - البحرينيات
فلونة سلامتج ياقلبي بس اتوقع والله اعلم انه ضغطج كان نازل وايد ... يقلون الماي ينزل الضغط اذا شربتي وايد
|
رد: ديوانية البحرين - دردشة حوامل البحرين - البحرينيات
فلونه على الاغلب الضغط نازل لانه هذي نفس الاعراض الي صادتني يوم ينزل ضغطي ولما جيكت كان نازل حددده شوي واطيح بس حطو عليي سيلان وعطوني ملح
جيكي ضغطش حبيبتي واذا الضغط اوكي روحي لصاحبه السكر هذاك هبوطه يدوخ بعد |
رد: ديوانية البحرين - دردشة حوامل البحرين - البحرينيات
هلا طفلوو,, انا بغيت امس ارووح ولبست دفتي بس خفت وترددت وامس رحت بيت ابوي علشان هالسالفة كنت باتم هناك وامي تقول لي هبوط في الضغط .. وانا هالحالة صادتني مرة قبل الحمال على ايام خطوبتي وكنت في نفس الموقف على العشى .. وانا احين ادور في قوقل عن اعراض الهبوط في السكر نفس الي صادني بس مستغربة هبوط في السكر وانا كنت اتريق
معليه هبوط والله ارتفااع بس اهم شي ما تطلع لي سالفة يديدة في راسي.. يلا ان شاء الله خير ياربي |
رد: ديوانية البحرين - دردشة حوامل البحرين - البحرينيات
صباحو يا الحلوات
ماعليكم شر حبايبي شموس ما عليها شر ملوك ونفس ما قالوا ليش البنات ترى هالمستشفيات يسوون من الحبة دبة يااااااااارب يحفظ عيالنا ويبعد عن المستشفيات مسكينة بنت الاياويد شكلها مغفوصه مع امتحانها بكره يااااااااااارب تسوي زين وتفتك على فكرة اني بعد عندي امتحان توظيف بكره ادعوا لي بتيسير امري لأن هالمحل حلم حياتي اشتغل فيه البارحة صادتني آلام وخفت اولد قبل لا اقدم الامتحان هههههه بس اشوه الحين ما في شيء |
رد: ديوانية البحرين - دردشة حوامل البحرين - البحرينيات
فلونة ماعليش شر عمري
ونصيحة مني روحي المستشفى احسن لا قوقل ولا شيء روحي تطمني احسن من تقعدين على اعصابش ترى التوتر بعد ساعات يزيد من هالشيء فروحي وفكي عمرش وماعليش اله العافية واكيد هذه كله من اعراض الحمل يلا حبايبي بقوم اشيل قشي وبروح بيت الوالد مادري اذا جه البيبي شلون بتحمل يوم واحد ما اروحhwaml02 |
رد: ديوانية البحرين - دردشة حوامل البحرين - البحرينيات
ام حماني،، انا وايد اشرب ماي كله عطشااااانة وطول فترة المتابعة اذا يجيكون لي الضغط يكون ناازل والله يستر حزة ولادتي ما ينزل واتغربل لانه ارتفع الضغط او نزل يسبب نزيف بعيد الشر عن الجميع
رووز،، انا تميت على هالحال نص ساعة وحسيت روحي احسن وتميت مكاني مارحت لانه زوجي كسر خاطري راجع من آخر ليل .. |
| الساعة الآن 08:51 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .