|
رد: هنا تجمع حوامل الشهر (الاول والثاني والثالث)
اقتباس:
أنا في أمريكا وما أعرف أحد حولي أبد ... توني جديدة هنا والوضع سئ الله المستعان :( بس أنا أسأل يمكن يكون فيه نوع من الأغذية أو الفيتامينات أو الأدوية اللي تخفف الوحم شوي لأني بجد خفت أمس لما حسيت بعدم الوعي وكنت راح يغمى علي بس الحمد لله اللي قدرني أروح للمطبخ وأبلع لي ملعقة ملح ... خايفة لا ترجع لي الحالة مرة ثانية الله يعين وبس |
رد: هنا تجمع حوامل الشهر (الاول والثاني والثالث)
اقتباس:
بالنسبة للاكل للاسف مافي شي يخفف ولكنا بنسوي محاولات وربك يعين جربي الليمون تعصريه مع اي اكلة تشتهيها يعني صحيح الوحم متعب بس يخليكي تشتهي حاجة تاكليها جربي تاكلي كمية بسيطة من وجبة نفسك فيها ومعاها كم عصرة ليمون حاولي اكلك مايكون تقيل في هضمه وجربي البطاطس المسلوقة والمشوية بالفرن او اي نوع باستا ..لان النشويات مفيده وخفيفة وماتهيج وكمان انصحك لاتغلطي غلطتي , انا بالاسبوع السادس قرفت من اي شي حلو , وطبعا موقفه اي شي فيه سكر وجاني هبوط ودوخه بسبب نقص السكر فخلي يومك فيه شوي سكر حتى لو حلاوة وحده صغيرة ولازم كمان شوية مخلل لو مع الفطور لانه يخفف الغثيان ويرفع الضغط وارتاحي لحد ماتخلص الفترة هذي , وكلها اسابيع بسيطة ونذكر بعض في الوحم ونضحك واحنا بالتجمع حق الشهور الوسطى ياااااارب ياكريم ايوة صح خذي نافيدوكسين ترى يخفف الوحم , صحيح مايروح بس لما يكون اخف تكوني احسن نفسيا |
رد: هنا تجمع حوامل الشهر (الاول والثاني والثالث)
الله يعينك والله حاسه فيك
ارتاحي لان يمكن مع الحركه والشغل والغثيان تجيكي دوخه هي فتره وتعدي ان شاء الله لاتقومي الا للشي الضروري او اذا حسيتي نفسسك احسن وخلي دايم معاك بسكويت الزنجبيل او بسكويت الملح اذا حسيتي بدوخه وغثيان اكلي منه يفيد نرى بالتوفيق |
رد: هنا تجمع حوامل الشهر (الاول والثاني والثالث)
اقتباس:
المشكلة إن الشهية عندي صفر .. يعني لوعة طول الوقت الله المستعااااااان ... وزوجي يقول أنت تبالغين :( لأنه طول الوقت مو في البيت ويظن إني بخير لأنه لما يجي دائما دايخة ومستلقية ... وأنا والله وضعي سئ سئ لأبعد حد .. الله يعين الله يجزاااااك ألف خير على هالنصائح اللي أفادتني كثير ... وراح أروح أقضي اليوم بإذن الله .... |
رد: هنا تجمع حوامل الشهر (الاول والثاني والثالث)
اقتباس:
لا تنسوني من دعواتكم |
رد: هنا تجمع حوامل الشهر (الاول والثاني والثالث)
اقتباس:
انا حالي مثل حالك ، موجوده بأمريكا وما اعرف احد أنتي موجوده بأي ولايه ؟ وهذا اول حمل لي والحاله اللي جايتك نفسا عندي بس مثل ماقالت نعومه ، انا فعلا لقيت ان الحوامض تخفف عندي شوي بديت اكل سلطه واحط عليها ليمون مع كل وجبه يعني اكل شوية غذا وعلى طول سلطه والصباح اكل لي فاكهه واكل بعدها زيتون اخضر حامض ونفس ع العشا اكل شي وبعده سلطه وليمونه بس حاولي تتعشين بدري عشان لا تنامين والأكل باقي ما انهضم ويحصر عندك حموضه وألم في المعده غير مذا اذا كنتي تاخذين فيتامينات وقفيها يومين او 3 وشوفي حالتك انا وصفت لي فيتامين الدكتوره بس كان قوي علي او فيه شي انا اتحسس منه سبب لي ضيق نفس وغثيان وترجيع اكثر ودوخه لدرجه مره طحت بالحمام وانا اسبح بس الحمدلله كان زوجي موجود في البيت الحين انا اخذت فيتامين من الـ Wslmart اسمه Centrum وهذي صورته ، مره ريحني حسيت حتى التعب اللي بجسمي خف شوي اقتباس:
|
رد: هنا تجمع حوامل الشهر (الاول والثاني والثالث)
اقتباس:
الله يهوووووون عليك .. ضيقتي صدري لما قلتي إنك مثلي وأنت أول طفل بجد الله يعيننا وبسسسس .. أنا في ولاية ديلوير بجنب فيلادلفيا ... تصدقين إني للآن مارحت للدكتورة لأن عندهم زحمة مواعيد وأول موعد لي هو الأثنين الجاي بإذن الله .. بالنسبة للفيتامين أنا برضه أخذت من Walmart بس نوعه يختلف عنك ... شكلي راح أروح اليوم أشتري زيك بإذن الله .... الله يجزاكم خير يابنات نفسيتي والله تغيرت بعد دعمكم وكلامككم .., الله لا يحرمكم الأجر ويقر عيوننا جميعا بعيالنا سالمين معافين يارب ... |
رد: هنا تجمع حوامل الشهر (الاول والثاني والثالث)
اقتباس:
انتي بعيده عني شوي انا في ويست فيرجينا والمواعيد فعلا بالموت تحصلينها انا حللت بعد الحمل بـ 3 ايام ومالقيت موعد إلا بعد اسبوعين تقريبا أول مره رحت لها كان لي 5 اسابيع و 4 ايام والموعد اللي بعده كان بعد اسبوعين وكم يوم ومن ذاك الموعد للي الموعد الجاي 3 اسابيع وبالنسبه للدكتوره اذا انتي رايحه عياده ومافيها دكتوره توليد ترا مايسوون لك تحاليل عشان يشوفون وش فيك ووش مافيك ويعطونك الفيتامينات اللي تناسبك ياخذون لك سونار بس يتطمنون ع الجنين فقط انا في اول موعدين كنت اروح لعياده بس عشان متابعه ولما قلت لها اني ما ارتحت للفيتامين قالت لي روحي دوري دكتوره تسوي توليد وراجعي عندها هم ياخذون لك تحاليل دم وكل شي ويكتبون لك اللي يناسبك حنا العيادات العاديه للمتابعه السريعه بس وفعلا رحت حجزت عند دكتوره توليد وعندي موعد بعد اسبوعين قالت لي بياخذون مني تحاليل دم وبعد بتسوي سونار وبالنسبه للفيتامين انا الصراحه كنت استخدمه من قبل الحمل بس كانت اخذ اللي حق المرأه فيهالنوعيه حلوه جدا وصفت لي اياها دكتوره كنت اراجع عندها من قبل الزواج حتى وأول ماشفت هذا النوع اخذته وفعلا ارتحت عليه والله يا حبيبتي حتى انا اول مادخرت هنا نفسيتي كانت في الحضيض بس خواتي ماقصرو الحمدلله حسسوني اني في بيتي الكل يهتم الله يخلينا لبعض ان شاء الله ويتمم لنا على خير ويسهل علينا الولاده |
رد: هنا تجمع حوامل الشهر (الاول والثاني والثالث)
اقتباس:
الله يجزاك خير على هالمعلومات الثرية .. أول مرة أدري إنه فيه دكتورة توليد ودكتورة عيادة ؟؟؟ يعني بالله الحين لازم أدور دكتورة ثانية والله إنهم شغللللة ... الله يعين بس ... وتسلمين والله على اهتمامك وسؤالك يعلم الله إنكم قلبتوا نفسيتي اليوم للأحسن بكثيييييييير الله لا يحرمكم الأجر ولا يوريكم مكروه .. وبالله بالله اهتمي في صفحتك ولا تهملينها .. الشئ اللي شفته أنا ما ودي يمر على أحد .. الله لا يذوقه لأحد يارب ويهون علينا جميعا ... |
رد: هنا تجمع حوامل الشهر (الاول والثاني والثالث)
اقتباس:
بس يتابعون الحمل ، مايتابعون صحتك انتي وولادتك بس ياخذون سونار للجنين ويشوفون اذا فيه شي او لأ وفيه عيادات ثانيه يكون فيها دكتورة توليد هذي العيادات يهتمون فيك وفي البيبي ، ياخذون لك تحاليل دم ويشوفون شفيك بالضبط وش الأمراض الوراثيه وشغلات واجد انتي اذا رحتي موعدك اسأليهم اذا فيه عندهم دكتورة توليد تتابعين معها لين موعد الولاده او لازم تروحين تشوفين لك وحده عندهم مو زينا جاتك ولاده تروحين اي مستشفى وتولين لازم تكونين متابعه مع دكتوره وتعرف حالتك اذا كانت العياده اللي بتروحين لها فيها طبيبة توليد ومرتاحه لها خلاص كملي متابعه معها لين ولادتك يعني شوفي انا لما رحت ادور على دكتوره ولاده رحت لمستشفى الجامعه الكبير قالو مافيه هنا دكاتره حق حمل ومتابعه عندنا غرف توليد بس يعني روحي دوري لك عياده فيها دكتوره توليد وتابعي معها في عيادتها واذا جاتك ولاده تجين لنا هنا وتتصلين على دكتورتك وتجي تولدك لأن العيادات مافيها غرف توليد وطبعا عطوني لسته بأسماء الأطباء اللي مسموح لهم يسوون عمليات توليد في المستشفى أخترت وحده منهم ورحت حجزت موعد عندها موعدي بعد اسبوعين ان شاء الله انتي شوفي بالضبط وش النظام اللي يمشون عليه عندكم اذا راح تولدين في مستشفى الجامعه او مكان ثاني او اذا العياده اللي تتابعين فيها عندهم غرف ولاده تأكدي من البدايه عشان تدورين الله يهون عليك اختي واذا بغيتي اي شي حنا موجودين لاتقولين استحي hwaml02 |
| الساعة الآن 09:49 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .