|
رد: دردشة بنات فلسطين, دردشة حوامل فلسطين, تجمع بنات فلسطين
نبض قلب
عيد ميلادك يوم ميلاد هويدة يعني هويدة محظوظة ولا انتي المحظوظة؟؟؟؟؟؟؟ بس أنا زعلانة منك يعني هيك بيطلع منك؟؟!!!!!!!!! هويدة اتولدت بعيد ميلادك المفروض تجيبيلها أحلى هدية ههههههههههه |
رد: دردشة بنات فلسطين, دردشة حوامل فلسطين, تجمع بنات فلسطين
بدي أحكيلكم عن ولادتي
حسيت بوجع يوم الجمعة الصبح 22-6 عالساعة 10 الصبح صحيت من النوم حسيت بوجع طبعا متت من الخوف و صرت أقرأ آيات التثبيت الله يقومها سالمة عيون المها هي اللي كتبتهم عالمنتدى المهم اتصلت على ماما و حكيت الها قالتلي انتي جربتي الطلق قبل هيك يعني اللي معك طلق قلتلها مش متأكدة قالتلي استني لكمان ساعة و شوفي و بترني عالدكتور المهم زاد الوجع و رنيت عالدكتور و قلتله قال لي لما يصير ألم شديد تعالي عشان أفكلك الغرزة و يا عيني لما رحت للدكتور العصر فك الغرزة مووووووووووتني بتوجع المهم روحت عالبيت و الدكتور أعطاني حبوب يوقف الطلق و قالي اذا وقف خلاص و اذا استمر تعالي طبعا يوم الجمعة الصيدليات ما بيفتحوا نادر لما تلاقي صيدلية أبو عزمي الله يحفظه صار يدور على صيدلية و طلع مع صاحبه و جابلي الحبوب بعد عناء المهم شربت حبة و بعدها صرت أراجع تعبت كتير و صار ينزل عليا مية و دم رحت عالدكتور قال ما في وسع بس موسعة واحد و نص سم طبعا صرت أصوت من الخوف لأنه الوجع كان كتير و الوسع مش كتير صرت أقول من هون لحد ما أوسع منيح بكوووووووون متت من الوجع طبعا رحت المستشفى و دكتوري وصى الدكاترة اللي بالمستشفى عليا و ضله على اتصال فيهم لحد ما ولدت و قال لو بدكم بآجي المهم ضليت أتوجع مرة أطلق و مرة أنام لحد ما روحي طلعت المهم أجوا يمكن 3 دكاترة فحصوني و بعدين اجالي دكتور منهم و كانوا حاطين على بطني تخطيط قلب الجنين و لما أجى الدكتور قال لي بدي أقولك شغلة يا عمو أنا أجيت أحكي معك هيك لأنك شاطرة و بتتحملي أنا متت من الخوف و عطول سألته الجنين مات قالي لا ما شاء الله منيح أنا صرت أفكر شو فيه مصيبة غير هيك الا هو قال لي قررنا نعملك عملية أنا من التعب ما قدرت أعيط بس حكيتله اللي كنت خايفة منه صار و قلتله روح لأهلي برة و قلهم المهم عالسريع لبسوني مريول العملية و حطولي قسطرة و من حمد ربي ما كنت ماكلة و لا شاربة يعني خاسبة حساب العملية ههههههه المهم دخلت الغرفة و حطولي لزقات على صدري اللي بيحطوهم للقلب و حطولي زي الملقط بأصبعي الكبير يعني متل ما بتشوفوا بالتلفزيون و حطولي بنج و عالسريع نمت ههههههههه طلعت من العمليات الساعة 2ونص الصبح و فقت من البنج الساعة 5ونص الصبح على صوت ماما و هي بتقولي شوفي بنتك متل القمر و حطتها عصدري رضعت شوي و بعدين قالولي قومي امشي عشان نرفعلك القسطرة وقفت على رجليا بالعافية حسيت بطني انفتح نصفين قلت لماما لااااااا بدي أقعد و طبعا نمت يومين بالمستشفى و لما كنت أقوم أمشي يا الله شو كنت أتعذب من الوجع المهم روحت عالبيت بسلامة و هيني بأمشي و بقعد و بشتغل و كل شي تمام بس لسة بحس بوخزات ببطني و كمان ممنوع أشتغل كتير و ممنوع أرفع شي تقيل يعني هيني بمشي أموري طبعا طولت عليكم بالحكي و أشك اذا وحدة بتقرأ اللي كتبته من كتر ما هو طويل هههههههههههه |
رد: دردشة بنات فلسطين, دردشة حوامل فلسطين, تجمع بنات فلسطين
اسكتووووووووووووا
والله متت و خلصت بالمستشفى الله ينكبهم غلطوا بالعلاج بدل ما يحللوا الابر بمية حللوهم بجلوكوز و الله لا يوريكم فجأة صار معي رعشة أنا و 24 حالة كلنا مع بعض صرنا نرجف و حرارتنا وصلت 38 و بثواني صارت 40 صاروا يعطونا ابر مضادة للحرارة و ماما ضلتها تحطلي كمادات من العصر للفجر لحتى صارت حرارتي مني |
رد: دردشة بنات فلسطين, دردشة حوامل فلسطين, تجمع بنات فلسطين
طبعا أنا اليوم برمت كتيييييييييييييير بعرف اني برامة هههههههههه
بس هذا من شوقي الكم و للحكي معكم حبيباتي |
رد: دردشة بنات فلسطين, دردشة حوامل فلسطين, تجمع بنات فلسطين
هههههه
هلا فيكي ام عزمي والله ياروحي انا قرأت قصتك كلها الحمد لله على السلامة وبالنسبة لسهى هلا بتكون ولدت والله لسه مابعرف بدي اتصل فيها واشوف ماشاء الله عليها بنوتك قمر الله يحميها ويحفظها يارب |
رد: دردشة بنات فلسطين, دردشة حوامل فلسطين, تجمع بنات فلسطين
بنات سهى ولدت الحمد الله
قبل بشوي حكيت مع امي هيه معها بالمستشفى وحكتلي ولدت بس لسه ما طلعت من غرفة العمليات وماشافتها ولا شافت البنت عقبااااااالنا يارب |
رد: دردشة بنات فلسطين, دردشة حوامل فلسطين, تجمع بنات فلسطين
السلام عليكم....كيفكم يا صبايا انشالله اتكونو بخير وصحة وعافية...
هلا ام عزمي منورة ما شاء الله عبنتك الله يخليلك اياها يا رب.. وسهى الحمد لله على سلامتك.... بينك روز منورة.. سلامي لكل البنات |
رد: دردشة بنات فلسطين, دردشة حوامل فلسطين, تجمع بنات فلسطين
هلا سما حبيبتي منوره
شو اخبارك وين هالغيبة فوتي على الصفحة الي قبل هاي وشوفي لحاف بنتي رهوفة واحكيلي رأيك |
رد: دردشة بنات فلسطين, دردشة حوامل فلسطين, تجمع بنات فلسطين
هلا بينك ...بجد روعه والله انك فنانة وكتير حلو ومرتب يا عيني عليكي.....
والا عمري انا طرزت ومش شاطره بهيك اسياء....ومالي طولة بالك.. يلا ان شاء اله بيجي البيبي وبتنيميه عمخدتو والحافو.... انا قبل فتره وقعت ابني عراسو ...وحكالي الدكتور اضلني مراقبتو ليوم السبت ان شاء الله يكون كل امورو خير...انا ماما مش شاطره لانو انا الي وقعتو ... |
رد: دردشة بنات فلسطين, دردشة حوامل فلسطين, تجمع بنات فلسطين
بينك روز تسلمي حبيبتي و الحمد لله على سلامتها سهى و عئبال سلامتك حبيبتي و بالنسبة للحاف و المخدة ما شاء الله حلوين انشاء الله مبروكين و يارب تهريهم رهوفة بعرق الهنا حبيبتي انشاء الله بتعيشي و بتعملي لكل ولادك يا عمري
سما الدنيا الله يسعدك حبيبتي |
رد: دردشة بنات فلسطين, دردشة حوامل فلسطين, تجمع بنات فلسطين
يا حبيبتي يا سما انشاء الله ما على ألبه شر ابنك كيف وقع منك؟؟؟؟
حاسة حالي راح أعيط لأني دايما بخاف على هويدة لتوقع مني و أنا بحممها طيب هي مرة رجعت الحليب اللي رضعته صرت أعيط عليها خفت ما تكون بردانة بس الحمد لله كانت زيادة رضاعة |
رد: دردشة بنات فلسطين, دردشة حوامل فلسطين, تجمع بنات فلسطين
الله يسعدك والله يا ام عزمي انو الصغار بدهم ديرة بال كتير...
كنت حاطتو بالكوت ورفعت الايد منشان انقلو عغرفه تانيه وكاين لسا الايد مش ثابتو رجع الولد ورجع طب عراس ووجهو واتورمت عينو والله انجنيت ولحد هلاء نفسيتي زي العما... |
رد: دردشة بنات فلسطين, دردشة حوامل فلسطين, تجمع بنات فلسطين
الله يخليلك ويحميلك بنتك..انتي سيرس نيميها عجنب اليمين او الشمال اوعك اتنيميها عضهرها منشان ازا رجعت حليب ما تشردء لا سمح الله
|
رد: دردشة بنات فلسطين, دردشة حوامل فلسطين, تجمع بنات فلسطين
ياوردي عليه يا سما شو عامله بالصبي
ان شاء الله سليمة حبيبتي اهتمي فيه يا ماما الي مش شاطره ديري بالك عليه |
رد: دردشة بنات فلسطين, دردشة حوامل فلسطين, تجمع بنات فلسطين
تسلمي ام عزمي حبيبتي من زوقك والله
سهى الحمد لله بخير وبتسلم عليكم وبنوتتها ماشاء الله عليها زي القمر |
رد: دردشة بنات فلسطين, دردشة حوامل فلسطين, تجمع بنات فلسطين
طيب صباياااااااا يلي مابتسئلو عني
الحمدلله ع ولادة سهااا ويارب عقبال حواء واللي موعدهم وراهااا انا الحمدلله نفسيتي زفتتتتتتتتتتتتت ع الاخر قبل يومين طلبو مني تحليل سكر حمل تبع الشهر الخامس وطلعت النتيجة 98 وعندي درجة سكر بالبول والتهابات والحمدلله ربنااااااااا يهونها معي واصل للاخر ويجي البوبو بسلام |
رد: دردشة بنات فلسطين, دردشة حوامل فلسطين, تجمع بنات فلسطين
هلا مسك السنين
الله يسلمك يارب ديري بالك على حالك السكر مو منيح للحامل انا الحمد لله فحصتوا وكان 80 |
رد: دردشة بنات فلسطين, دردشة حوامل فلسطين, تجمع بنات فلسطين
انا ماباكل سكر اصلا والله بالحمل بقرف منو وبتموع المعدة بس مابعرف ربنااااااا هيك رايد
|
رد: دردشة بنات فلسطين, دردشة حوامل فلسطين, تجمع بنات فلسطين
الدكتورة قالتلي نسبته عادية بس لو كنت 30 سنة اما بالعشريناات لاااا
|
رد: دردشة بنات فلسطين, دردشة حوامل فلسطين, تجمع بنات فلسطين
مساكم سعيد
سهى حمدلله ع سلاااااااااامتك يا قمر وسلامة الامورة الصغيرة بينك روز....ما شاء الله بتجنن الأغراض وزوقك حلو ومرتب.....جبتيه لحالك بس ربنا يكرمني حتعمليلي ههههههه قلتي اه قلتي لا حتعملي>>>>>>ايش هالبنت هاي سما....ياروحي عليه عمورة الحمدلله ع سلامته وان شاء الله خير ديري بالك عليه والله زعلتيني عليه......الله يحميلك اياه من كل شر...والصغار هيك بدك ديرة بال أم عزمي......نوووووووووووووورتي الدردشة وما شاء الله عنها هويدة .... قرأت قصتك كلها تخافيش هههههه مسك..... الله يتمملك على خير يارب العالمين....ربنا هو اللي بيحمي... وكيف ما بنسأل عنك كل الصبايا مساكم سعيد |
رد: دردشة بنات فلسطين, دردشة حوامل فلسطين, تجمع بنات فلسطين
هلا عسولة حبيبة قلبي
تسلمي من عيوني بعبلك احلى منه اصلا بعد ماخلصته صرت بدي اعمل غيره من كتر ماشوفت نقلات حلوه |
رد: دردشة بنات فلسطين, دردشة حوامل فلسطين, تجمع بنات فلسطين
يسعد مساكم ياحلوين اشتقتلكم كتير والله ... اجت الكهربا من 3 بس اجت ست جوزي عنا تلقط معنا ملوخيه بدنا ننشفها للشتا نشفتو ياستات البيوت المعدلات ولا لسى هههههههههه ؟؟
ام عزمي بين صفحات الدردشه ياهلا والله نورتينا ايوا لا تغيبي علينا ماشاء الله عليها هويده وهيا مفتحه عنيها ومعلش صح تعب وشقا بس لما الوحده تشوف ابنها ولا بنتها بين ايديها بتنسى كل التعب ,,,, بعدين حرام عليكي كل يوم حمام صح الدنيا حر بس الأطفال من اي شي بمرضو ولسى قطعة لحم ياحرام وطبعا بعيد الشر عنها هويده ,,, سما سلامتو ابنك ماعلى قلبو شر ان شاالله تكون اخر الوقعات ... ويومين ويخف لاتقلقي بينك روز ماشاء الله عليكي مبدعه ... حلو جدا اللحاف وعجبتني المخده هههههه ياالله عقبال قيامك بالسلامه يارب وتيجي الاموره وتتغطى فيهم سهى الحمد لله على سلامتك وسلامة بنتك .. ياالله تعالي واحكيلنا شو سميتي بنتك بلاش قصة الولاده حرام مابدنا نقلب عليكي المواجع لانك طول فترة الحمل تعبانه ... ويسعد مسا كل البنات عسولة وحواء وجاره ولولو وبنت الضفتين وكلكم كلكم ... اليوم فرح ابن خالتي حرجع حتكون قاطعه بس حضل افوت من هان للمغرب لما افوت ههههههه اكيد بتقولوا الله معك روحي |
رد: دردشة بنات فلسطين, دردشة حوامل فلسطين, تجمع بنات فلسطين
تسلمي يا بينك والله انك مذوقة
وتقومي بالسلامة وتيجي رهوفة تتغطى فيهم كلهم احساس....الله يكتر الافراح عندكم وعند امة محمد.....انتي دايما بنحب تواجدك معنا ههههههه بس هلأ دوبك تحضري حالك عشان الفرح |
رد: دردشة بنات فلسطين, دردشة حوامل فلسطين, تجمع بنات فلسطين
هلا عسولة حبيبتي كلك ذووووء
لا بدري على ال7 ونص بقوم بدي البس عبايتي وشالتي كان زمان نروح ونلبس شي تحت العبايه ونقوم ونرقص هلأ سار النا رجال يحكمونا ههههههههه يعني زينا زي المعازيم وعشان بطني طولي بالعافيه لقيت بلوزه للسهره مبارح .. يسعد مساكي ياسكره |
رد: دردشة بنات فلسطين, دردشة حوامل فلسطين, تجمع بنات فلسطين
هههههههههه اه والله
ذكرتيني بيوم عرس بنت عمي....ما كان شي راضي يدخل علي لأني وقتها كنت اول الخامس كانت بطني كبيرة وعبايتي ما فاتت لبست بلوزة حمل حلوة كتير وطويلة وقالي ماترقصي هههههههه الله يخليهم لنا يارب يللا عقبال فرحتنا فيكي بقيامك سالمة انتي وزوزو |
رد: دردشة بنات فلسطين, دردشة حوامل فلسطين, تجمع بنات فلسطين
امين يارب وعقبال عندط ان شاالله نسمع عندك الاخبار الحلوه عن قريب ياكريم
|
رد: دردشة بنات فلسطين, دردشة حوامل فلسطين, تجمع بنات فلسطين
الله كريم
عندي وعند غموض وعند كل البنات يارب |
رد: دردشة بنات فلسطين, دردشة حوامل فلسطين, تجمع بنات فلسطين
يااااااااااااااااااااااااااااااااااااارب
البنات كسلانين شو مالهم ؟ |
رد: دردشة بنات فلسطين, دردشة حوامل فلسطين, تجمع بنات فلسطين
هااااااااايات
كيفكم يا صبايا يا ام عزمي ما شاء الله عليها بنتك يلي بدك ياه خدي هدية للبنوتة كيف الوضع الجديد معاك بس ما تعبي حالك بالبيت مشان الجرح |
رد: دردشة بنات فلسطين, دردشة حوامل فلسطين, تجمع بنات فلسطين
هيني احسا سس
فرحكم بأي صالة |
رد: دردشة بنات فلسطين, دردشة حوامل فلسطين, تجمع بنات فلسطين
اه والله كتير كسلانين
ابصر مالهم.... |أهلين نبض كيفك يا قمر؟ |
رد: دردشة بنات فلسطين, دردشة حوامل فلسطين, تجمع بنات فلسطين
مخةن ةى
ز زو ههههههههه هااد مسا خاص عطريقة عمورة .قربت الكيبورد منو اشوف شو بدو يطلع منو يلا بتمنا اتكونو افهمتو كلامو ما شالله عنو دايما كل ما اقعد عالجهاز بصير يحط ايدو ويكبس عكيفو. كبقكم يا حلوات ..احساس وعسولة الله يخليكم والله من بعديها ما بسيبو لحالو |
رد: دردشة بنات فلسطين, دردشة حوامل فلسطين, تجمع بنات فلسطين
يختي علي انا ع عمورة العسل
أكيد بيقولي كيفك ياخالتو اكرام ههههه الله يحميلك اياه يارب العالمين |
رد: دردشة بنات فلسطين, دردشة حوامل فلسطين, تجمع بنات فلسطين
كيفك عسولة
* بالنسبة للافرازات روحى عالدكتورة بالسويدي يلي عندكو انا صار متلك و رحت و اعطتني حبوب وهيو وقف |
رد: دردشة بنات فلسطين, دردشة حوامل فلسطين, تجمع بنات فلسطين
كيفك سما**
هاد ابنك الاول وانت وين ساكنة |
رد: دردشة بنات فلسطين, دردشة حوامل فلسطين, تجمع بنات فلسطين
هلا عسولة يسعد مساكي يا ربي....بيسلم عليكي وببعتلك كمان بوسه....اسمك حلو عاسم بنت عمتي ..الله يعوض عليكي يا ربي...
هلا نبض انا هاد ابني الاول وانا ساكنة حاليا ببير زيت |
رد: دردشة بنات فلسطين, دردشة حوامل فلسطين, تجمع بنات فلسطين
وابني عمرو هلا ثلاث اشهر و25 يوم
|
رد: دردشة بنات فلسطين, دردشة حوامل فلسطين, تجمع بنات فلسطين
جارة شو كيف البوبو الجديد مغلبك حطيلنا صورتو هون اكيد طالع قمر عامو..
انا ابني طالع بشبهني اكتر بس ميخد من ابوه كمان...هون عنا دار حماي بيحكولي الولد مخول وبس اروح عنداهلي بيحكو ابنك طالع عدار حماي اتحيرت علا كلن بصبرلي كمان اكمن شهر ببين كين بيشبه اكتر |
رد: دردشة بنات فلسطين, دردشة حوامل فلسطين, تجمع بنات فلسطين
صحيح هلاء حممتو ورضعتو ونام..
لكل الي عندها بيبي وحابه ابنها ينام فتره اطول وبدها تعمل شي بيطول حمميه ورضعيه بينام منيح والله انا هيك بعمل لما بدي ابلش شغلي لانو كتير بكون بالنهار صاحي |
رد: دردشة بنات فلسطين, دردشة حوامل فلسطين, تجمع بنات فلسطين
مسا الخير صبايا شو اخباركم
احساس حبيبتي يسلمو كتير انه عجبك للحاف عقبال ما تقومي بالسلامة ونشوف زياد على خير يارب نبض قلب شو اخبارك اليوم عسوله شيفاكي اليوم رايقة ماشاء الله عليكي سما انا فهمت من كلام ابنك انه بيحكي هاد المنتدى شوفته قبل هيك وين وين وين اكيد وهوا ببطنك هههههههههههه بتسلم عليكم سهى كلمتها قبل بشوي هيك كتير منيحه وبنوتتها صحه ممتازه وسموها جنى |
| الساعة الآن 06:10 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .