|
رد: سيدات ليبيا الحبيبات ..تفضلووو
|
رد: سيدات ليبيا الحبيبات ..تفضلووو
السلام عليكم وررحمة الله وبركاته
هدية كيف حالك تعرفي حتي اني زيك استغربت معاش حد خش العفو وخاصة توا بعد حطيت الصور متشوووقة لين خلاص نشوف التعليقات لكن الباين ان النت مفصول عليهم الي في ليبيا لان حتي اهلي مش من العاده يقعدو امسكرين ربي يلطف وخلاص |
رد: سيدات ليبيا الحبيبات ..تفضلووو
ومبروك عليك الحمل وان شاءالله اتجيبي احمد الي يانسك انتي وبنيتك
|
رد: سيدات ليبيا الحبيبات ..تفضلووو
وعليكم السلام ورحمة الله وبركاته
أهلين خولة الله يسلمك ويبارك فيك وربي يسمع منك ان شاء الله وانظني إلا حقه النت مفصول عليهم لانه حتي خواتي وبناويت خالتي مدايرين قروب عالواتس ونهدرز معاهم يوميا وليهم يومين مافتحوش ؟؟؟ ان شاء الله خير |
رد: سيدات ليبيا الحبيبات ..تفضلووو
السلام عليكم ورحمة الله وبركاته ...
كيف حالكم حبيباتي ,, أنا مشغولة شوية ,, امس خشبت خديت إذن من ألإدارة ومالحقتش نسلم عليكم سامحوني ياعزيزاتي ,, عندي عرس بنت عمي بعاد شوية ومشيت قعدت لليل واليوم الحفلة ,.. بس توا قلت خلي نش نسلم ,, ليكم وحشة. |
رد: سيدات ليبيا الحبيبات ..تفضلووو
وعليكم السلام ورحمة الله وبركاته
أهلين ياسوسو حتى انتي ليك وحشة شن اخبارك وكيف حال الصغار وألف مبروك علي بنت عمك ربي يتمم على خير |
رد: سيدات ليبيا الحبيبات ..تفضلووو
امس أختي جابت بنية بالثامن
هادي رابع بنية ماشاء الله ربي يخليهملها ويرزقها بوخيي ليهم قبل منكلمها توا امشي راجلي قالي ماعنديش كرت توا واني ماشي للجامعة ناخدلك علي طريقي |
رد: سيدات ليبيا الحبيبات ..تفضلووو
اني اليوم مريضة الحمد لله علي كل حال
مافيش جزء في جسمي مانحسش فيه راسي وبطني وصدري تقول ضاربيني عليه ههههه لما تمسه سما بالغلط نعيط وجسمي مكسر ومنرجع حشاكم ربي يهون عليا ديما فترة الصبح هكي تفوت عليا يالطيييف وحتي في الليل لما منخش نرقد والله امبارح راجلي غسل ماعين العشاء ودار فطوره بروحه اليوم ماشاء الله نشيط طالع الصبح بكريييييييييي يهرول ويتمرن السبت عندهم دوري وحتي امس قالي ارتاحي مااديريش العشي نجي نديره اني لكن ماهانش عليا يروح جيعان بدل مايلقى عشاه واتي يقعد يطيب درت مكرونة سريعة وطبعا بما انه المكرونة من ضمن قائمة الحاجات اللي كرهتهم فحاولت قدر الأمكان نديرها ناشطة وحارة وكثرتها فلفل وتومة عالاقل نقدر نتقبلها وقبل مايوتى العشي بشوية نتفرج علي مسلسل سوري شفتهم ياكلوا في دحي مطبوخ سفهوني جي خاطري فيه ههههههههه ناض راجلي مسكين طيبلي كليتها مع المكرونة تعرفوا اني في وحمي عكس الناس نكره في اللحم والشواء وماكلة المطاعم ونحب الاكلات الثراتية زي المقطع والحاجات الجارية بالقديد والزميطة اااااااه خلوها بروحها منهبل عليها وماعنديش جبنا معانا لكن كمية كبيرة نسيت نحطها في الفريز فسدت دارت صنة وعندي صاحبتي مقربة شوية عندهم هلبة كيف واصلتهم شحنة من ليبيا زميطة وبسيسة هههههه نين تشكي منها قالت هلبة واني متحشمة نقوللها عطيني شوية زمان في رمضان معانا حماتي وراجلها يفطروا معانا والسفرة اشكال والوان واني نسيب فيها ونمشي ندير في زميطة ونستمتععععععع واني ناكل فيها وخصوصا مصقعة وهما يضحكوا عليا مستغربين |
رد: سيدات ليبيا الحبيبات ..تفضلووو
سوسو نحس فيك عندك زميطة فاااااايحة امممممم ابعتيلي كيسة هههههههه
مش عارفة علاش جاي خاطري في زميطتك اسعفيني بيها نفطرها توا قاعدة مافطرتش |
رد: سيدات ليبيا الحبيبات ..تفضلووو
شكله ماهو خاش حد توا خلي نمشي نشوف راجلي بعتلي الكرت والا مازال ونمشي ندور ماناكل بالك يخف الغثيان شوية
المشكلة مش عااااارفة شن ناكل ماخاطري في شي راجلي الصبلح مسكين يسأل فيا شن تبي تفطري نديرلك قبل مانعدي يسميلي بالحاجة واني نقوله لاااااااا في الاخير قتله امشي توا كان خاطري في حاجة انوض بروحي سلام توا |
| الساعة الآن 07:51 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .