|
رد: تجمع حوامل ليبيا
انشاءالله تروحى طيبه
والله يلم شملنا ريم (الدفع) هو لما يجوا اهل العريس الرجاله ويتفقوا على المهر والشروط كلها ويدفعوا المهر |
رد: تجمع حوامل ليبيا
تعرفى ياسومه
انا نفسى متضايقه شايله حمل ثورانا الله ينصرهم |
رد: تجمع حوامل ليبيا
امين يارب والله صدقتى يام قصى قاعدين على نار والله صح كل حاجة متوفر فى الشرق والناس متريحة ولكن راحة البال نقصة والله العظيم كل فطرة انقول نحن قاعدين على سفرة مافيهش حاجة ناقصة و خواتنا فى زليتن قاعدت يجرن تحت صوريخ الطاغية لاوكل ولاشرب
|
رد: تجمع حوامل ليبيا
ايش اخباركم يابنات تعالن نبى رايكم فى موضوع يخصنى وهل فيه ذنب عليا
|
رد: تجمع حوامل ليبيا
كل وحدة اتمنى ان زوجها ما يعرفش غيرها صح يابنات وانا نفس اى وحدة فيكم بس انا قلة العيال خلتنى انتنزل الله غالب
|
رد: تجمع حوامل ليبيا
انا لى تاسع سنوات متزوج ولكن لم يحلفنى الحظ فى الانجاب قبل سنتين زوجى قالى انه يبى يتزوج وهذا موش منه طبعا عارفت عادتنا وناس ذهبت الى اهالى وطلبت الطلاق ولكن رفض وبحكم انى يتيمت الابوين واخواتى متزوجين فارجعت الى زوجى وبقيت فى شقتى وخطب زوجى على طول واهله فرحنين وانا منلومهم بس وجعتنى فى نفسى معملتى لكويس لهم وآآآآآآآآه لو تشوفن فرحت سلفتى بهذه الخطوبة ... المهم استمرت خطوبة زوجى لمدة شهر فقط ...وكنت المراة التى خطبها مطلقة وليست عندها اطفال فشك زوجى فى عدم وجود الاطفال فتركها لانه يريد اطفال ولكن امه وخواته طارن فى سماء الله لانها قريبت عمتى ومن تلك الفترة وعمتى وبناتها وهم يدورن فى عروس الولدهم ام عن زوجى قال لى خلص معش نبى نتزوج شلت الموضوع من راسى ولكن انا ما صدقته بينى وبين نفسى قلت مستحيل راجل يبقى بدون اعيال وهو سليم ... يا بنات هذا الكلام له سنتين بتمام
|
رد: تجمع حوامل ليبيا
مرت الايام والسنين وزوجى ولا على باله سكت عن الموضوع نهائى والله صعب على ووجعنى حاله وهو يظبط فى اعيال خوته واعيال الجيران فى شهر 4 /2011/ بدوا اهله يزنو من جديد فقالى شن رايك تختاريلى وحدة بمعرفتك انتى قلتله باهى اخترت وحدة خلوقة وملتزمة ومؤدبة وبنت ناس حتى اتخاف الله فى قبل كل شى وهى قريبته من اهل بوه فاذهب الى رؤيتها وثانى يوم قالى اليوم تمشى اتكلميها ذهبت اليها فاوفقت البنت واهلها لان زوجى يعرفوه واما عن اهل زوجى يابنات ماتخيلش شن درولى عندما سمعو انى خطبت الزوجى من هذه العائلة لانهم ما يبهمش امه تصرخ وخواته يتبكن والله العظيم ماتخيلوش موقف اهله ويام قصى نشدى على قصتى الناس كلها تعرفها والله العظيم امه قالت الى زوجى سيبها والله مانى حاضره فرحك ولا نى راضيه عليك والله يابنات بنت اكويسه وصغيره وقمة الاخلاق والادب فقال لى زوجى طالما انتى تريديها مستحيل ان سيبها فبعد اسبوعين من الخطوبة قصتى بدات..... جاء موعد دورتى ولم تاتى عملت تحليل وجدت نفسى حامل قلت بيني وبين نفسى توة ينزل مثل الاجهاضات السابق ولكن شاء الله سبحانه وتعالى انه جنينى اصبح بخير واستمر حملى ولكن اهل زوجى( حصلو فرصة) قالو الى خطيبت زوجى خلص نحن معش نبوك ميرنا حامل وقالتلك ميرنا اتركى زوجى والله العظيم انا متكلمت بلعكس قلتله انتى وجهك خير على وهى كل يوم اتكلم فى وتقولى انا نفس اختك والله ماتخفيشى منى وتوة نبقو زى الاخوات ... وطالبت منى ان زوجى يكلمها ولكن زوجى بدا يتهرب منها يوم يقفل التليفون ويوم ايقوللها انا مشغول يوم ايقولى قوليلها عاد الى الجبهة والبنت صابرة ما بتش تفهمها ابروحها وانا والله العظيم موش قادر انقوللها شى.. لانى خايفة انودرها ومايصيرش من حملى ايجيبله امه وخواته وحدة ثانية .... يابنات هل فى ذنب على ؟؟؟؟؟؟؟؟؟؟؟؟ يارب يارب سامحنى اذاكان انا خذيت ذنبها وسببتلها يارب فى هذا الشهر الكريم اغفرلى واحفظ جنينى
|
رد: تجمع حوامل ليبيا
صح انا انتمن ان زوجى لى ابروحى زى اي وحدة زعمك يابنات فى اثم على والله مانى عارف حسبى الله ونعم الوكيل
|
رد: تجمع حوامل ليبيا
ميرنا ما نكذبش عليك انا سمعت بقصه انه جرب يطلقك بس الى سمعته ان عمتك وقفت بين الطلاق وخلا ته يردك
المهم والله انا تاثرت بصبرك واحتسابك وخوفك من الاثم انشاءالله ما عليك حاجه لانى يربى يعلم بنيتك وحتى لو كان عندك حب امتلاك لزوجك فهذا طبيعى وبعدين زوجك بروحه معش يبيها خلاص انتى ديرى الى عليك ما تدخليش واذا اصرت بالسؤال خلاص طنشى وقوليلها الله غالب وبعدين شكلك طيبه على الاخر انتى مصدقه انها ممكن تكون كيف اختك اذا هى تفهم كانت سيباته لما عرفت انك حامل وحملك يارب يارب يثبت وتشوفيه الى كيفها معش تكلمه نين تاكد من انك اجهضتى لاقدرالله الى كيفه تنسحب من الصوره مش تقعد تكلم فى راجلك وتكلم فيك استغفر الله اسمعى مش قصدى انتى نفتنك عليها اياكى تشيل بقلبك صفى نيتك معاها بس مش تقعدى هبله وتاكل عقلك بالكلام هى ما عندها شى قاعده بحوش هلها وصدقينى لو كان جاها عريس راهى مسيبه راجلك بس انتى حوشك هوالى متلخبط ورجالك مرات يضعف افطنى وحافظى على بيتك وسكرى الصفه هذى بحوارك معاه ديرى روحك ولا كانها ببالك مش تجيه وتقوليه كلمتنى او كانك ما تردعليها ومش يجيك يقولك كلمتنى اليوم وتساليه شن صار لالالالا سكر الباب بكل وهوبروحه راح يفهم وهى راح تفهم يارب يارب مايحرمك من الذريه ويثبت الى ببطنك ويفرحك بيه وتشوفه عروس اوعريس يارب |
رد: تجمع حوامل ليبيا
ميرنا كيف حالك يامنجوهة وحشتيني موووووت
كيف حال البيبي اسمعي بلا هبال مادام معش يبيها احسن وانتي لان ربي يحبك جابلك ها الحمل في ها الوقت ربي يخليلك اللي في بطنك وتفرحي بيه يارب قوليلي بدا يتحرك ولا مازال |
| الساعة الآن 08:44 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .