|
رد: تجمع حــوامل التوائم
مومعقوله من وين مانزل رد اقل شي وسعو صدورنا لوبسلام
مو لازم سواليف ارحمون والله اني ماعندي الاانتم اوسع صدري معكم خصوصا وانا اخذه راحه بالبيت ارجعو لميتين صفحه شوفو سوالفهم والله تشرح صدري مع انها كلها شكاوي المنتدى كله نوم في نوم تخيلو اذا سويت رد رحت ومسحته ارحم روحي احس اني اسولف لحالي برغم اني اشوف البنات متواجدات بس شكلهم حالفين على انفسهم انهم مايكتبون ولاحرف معذره هذي مشاعر وحده ضااااايقه نفسه لااله الا الله العضيم الحليم |
رد: تجمع حوامل التوائم
قصه ولادتي بتوأمي البنات : حور و حوريه*
انا الله يسلمكم كان وضعي طبيعي تماما وكان راس البيبيهات تحت نازل بالحوض وكنت بالاسبوع ال 36 وكنت الصراحه تعبانه حيييل من الثقل واتمنا متى متى اربي وارتاح كنت اتمشا بس اتعب على طول بعدين قلت بخاطري خلاص ما راح افكر بالولادة*وسرت عند اهلي وريلي يقوللي يا حرمة انتي متاكدة انج ما بتربين اخاف يدقج الويع قلتله لا خلاصانا يأست من الموضوع فالعجله الندامه ومتى ماالله راد بربي ان شا الله المهم كنت طول اليوم طبيعيه وقلت بتمشا شوي عقب العشا مشيت شوي بس اقل من نص كيلو وحسيت بالم فخاصرتي وقلت بردالبيت وعادي سار العوار من رديت البيت وطحت عالفراش فجاه بليل الساعه 2 ونص حسيت بانقباضات تعور واحس شي جنه راس البيبي ضاغط تحت وبطني كل شوي تتيبس وكل شوي تكرمون اسير الحمام جنه فيني اسهال بروحه ما في شي وتم العوار اييني كل خمس دقايق وانا احس عمري خلاص بربي من زود العوار وتميت ماسكه عمري للساعه خمس عقب قلت حق اختي سيري قيمي امييي من رقادها ويت امييي وقالتلي يمكن بعدج ارقدي قلتلها انا حاسه اني بربي ماروم ارقد المهم صلينا الفير وسرنا المستشفى كانت المسافه ساعه الا ربع وانا اتالم فالسيارة ووصلنا المستشفى ودخلوني سيدة الولادة ودخلت ذاك المكان المشؤوم اللي اكرهه من كل قلبي ولبسوني اللبس مالهم وانتو تعرفون شو يسوون عسب يجهزونا حق الولادة والدكتورة يت تكشف علي وشافت الرحم فاتح 8 سم بس خرعتني يوم قالت : لالالالالا جان اموووت من الخرعه قلتلها دكتورة شو مستوي وانا خبري خلاص ان الياهل بيطلع وعقب الثاني ويالسه اقرا ادعيه عقب يابت دكتورتين ويابت السونار وقالت ان في وحدة من بناتي حاطه ايدها على راس الثانيه وخطر اني اربي طبيعي لان الايد متجدمه عالراس وقالت حق ريلي واهلي ان لازم عمليه عسب خطر عاليهال وتعب علي انا بعد مع اني ما كنت اتمنا اني اسوي العمليه وكان ودي اربي طبيعي بس قدر الله سبحانه وكتب لي ربي الولادة بالعمليه لان اكيد فيها خيرة لي وحكمة عظيمه من رب العالمين ودخلوني العمليات وكان اصعب موقف الصراحه كنت فحاله ضعف وكنت اتالم واتعذب من الويع وودخلوني العمليات وتكشفت عالرياييل حسبي الله عالسسترات ما ستروا علي حسبي الله عليهم حسيت عمري بصيييح من هالموقف كيف يبدلوني جدام الرياييل اللي بيخدروني وحطوا لي المخدر او البنج وكنت اقول بخاطري شو بسوي بهالفترة اللي بتخدر فيها وما هي الا لحظات والسسترات يحاولون يصحوني من البنج وودوني الغرفه وانا ابدا احس اني مب حاسه الا بشي بسيط من اللي يدور حواليي وما حسيت بعمري الا وانا فاتحه عيوني واهلي حواليي يصيحون وانااصيييح ااااه ما اصعبها من تجربه الله لا يعودها ان شا الله * * : |
رد: تجمع حــوامل التوائم
هلا حنااان حمد لله على سلامتك وماتشوفين شر وربي يصلحهم ويخليهم لك
|
رد: تجمع حوامل التوائم
اقتباس:
وسعي صدرك اختي محجبة انا موجودة اي خدمة فنا فية hwaml13 انتي في اي شهر ؟ انتظرك hwaml16 |
رد: تجمع حــوامل التوائم
مبرووووووووووووووووك الف الف الف مبروك اختي حنان
يتربون في عزكم ان شاء الله وربي يرزقكم برهن اللهم امييييين |
رد: تجمع حوامل التوائم
محجبه, ام الحلوين"", حنان الهاجري, وطن روحي, ام سعود2007, بنت الهدى, بنوته مغتربه
قمرين 2, شايفتكم تحت اطلعووووو اون hwaml4 يلا استناكن هناء hwaml02 |
رد: تجمع حــوامل التوائم
ماء مسك
صارت الطقه براسك ههههه عذرا بس مادري شي بنفسي ودي يطلع المهم انا دخلت ثاني اسبوع من الثامن |
رد: تجمع حــوامل التوائم
السلام عليكم
بنوته مغتربه.....ماتشوفين شر والله يسهل عليك حنان..... الحمد لله والله يخليهم لك باقي كروشاتنا اخباركم والله يرزق جميع اخواتي ويسهل امرنا |
رد: تجمع حوامل التوائم
اقتباس:
وربي يتمملك على خير وتولدي بتاسع بتم الصحتك وعافيتك ان شاء الله |
رد: تجمع حوامل التوائم
اقتباس:
اخبارنا متفاوتة الي هم بخير والي هم مش بخير ههههه يارب تفرجها على كل وحدة على خير يارب hwaml13 مودتي لكي يا خيتوو |
| الساعة الآن 01:36 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .