|
رد: دردشة بنات فلسطين, دردشة حوامل فلسطين, تجمع بنات فلسطين
اهلين لولو حمادة
الطبيب حكالى حالتى مابتسمح استنى اكتر من هيك وبحكو أنو فى خطورة على الجنين ازا ماولدت بعد التاسع عشان المشيمة مابتصير تغذى الجنين عسولة فلسطين لما كنتى نفساء كانى ينزل منك دم طول اربعين يوم او اخر اسبوعين صار ينزل منك افرازات بنية؟وهل كنتى تصلى أولا ازا نزل منك افرازات بنية حواء مثالية متى موعد ولاتدك |
رد: دردشة بنات فلسطين, دردشة حوامل فلسطين, تجمع بنات فلسطين
بينك روز اولادي بخير الحمد لله
|
رد: دردشة بنات فلسطين, دردشة حوامل فلسطين, تجمع بنات فلسطين
يسعد مساكم
بنت الضفتين: الله يقومك انتي والبيبي بالسلامة وتكون ولادتك سهله وميسره يارب طمنينا عنك على طول بنك روز: ما تاخدي اجازه نصيحه ..........خلي الاجازات لبعد الولاده رح تحتاجيهم ........... وما شالله عنك بس بدك 2 بين كل ولد هههههههههههه انا بعد ما جبت يزن اكرهت شي اسمه حمل ولاده واولاد عشان هيك انسيت موضوع الخلفه لبعد 4 سنين وطبعا كل شي بيد الله اللي بعد زيد كمان رح اباعد ب 4او 5 سنوات .......... والله البيبي لصغير بدو كتير اهتمام وخيلي لو يزن بعدو صغير بمووووووووووت عيون المها : الله يقومك بالسلامه .......وان شالله ما تحتاجي لا لدم ولا لشي ........ حواء: اكيد برلنت زادت ان شالله لانه انتي بفتره منيحه بالتاسع بناااااااااااااااااات تلاجتي فاضيه وما بحب حد يشتري اغراض البيت الا انا ومعي زوجي .......ومش لاقي وقت اروح اتسوق ............ فاتصل زوجي بيقولي شو طابخه....قلتله نحن تحت خط الفقر اليوم وعملت شوربة عدس فناويه روح اليوم اشتري ............مع اني قبل الولاده جهزت كل شي بس من الحر الخضار والفواكه بتدبل ......... |
رد: دردشة بنات فلسطين, دردشة حوامل فلسطين, تجمع بنات فلسطين
ربنا يقومك بسلامة بنت الضفتين الدكتور هو بيعرف حالتك
انتي من غزة ؟ |
رد: دردشة بنات فلسطين, دردشة حوامل فلسطين, تجمع بنات فلسطين
انامثلك جارة عاملة شوربة عدس
بدي اخد مانع بس خايفة من الحبوب |
رد: دردشة بنات فلسطين, دردشة حوامل فلسطين, تجمع بنات فلسطين
مساء الخير
منورات صبايا انا اخر موعد الي 25\7 هاد مع اسبوع زيادة عشاني بكرية بس عندي احساس بهالاسبوع راح اولد |
رد: دردشة بنات فلسطين, دردشة حوامل فلسطين, تجمع بنات فلسطين
اقتباس:
|
رد: دردشة بنات فلسطين, دردشة حوامل فلسطين, تجمع بنات فلسطين
http://forum.hwaml.com/imgcache2/hwa...852041_857.gif كيفكـــــم رفيقااااات دربي بالحمل الحمد لله اني دخلت التاسع اليوم كان عندي موعد مع دكتورتي و بفضل الله كل شي تمام و عملت فحص كتير مهم لكل حامل في الشهر التاسع لازم تعمله لانه في بكتيريا معينه لازم يتأكدوا خلو المهبل منها ’’تحكيلي دكتورتي حتى اللي بتولد قيصري لازم نتأكد من هالشي فأكيد هاي الفحوصات ضروريه خصوصا اللي بتولد طبيعي حتى ما ينتقل للبيبي اي بكتيريا خلال الولاده |
رد: دردشة بنات فلسطين, دردشة حوامل فلسطين, تجمع بنات فلسطين
بنت الضفتين ان شاء الله ولاده ميسره و سهله و تقومي بالسلامه انتي و البيبي |
رد: دردشة بنات فلسطين, دردشة حوامل فلسطين, تجمع بنات فلسطين
مسا الخير بنات شو الاخبار
اديه كتير بحرقوني عملت مخلل باذنجان والفلفل حرق اديه ياربي شو اعمل ناااااااااااااار |
رد: دردشة بنات فلسطين, دردشة حوامل فلسطين, تجمع بنات فلسطين
بينك روز يسعد مساكٍ ,, مشكوره حبيبتي لانك طمنتيني على سهى اللي فهمتو من تعقيبك انو يوم الخميس سهى راح تنام بالمستشفى يعني يوم الجمعه بتكون عمليتها؟؟؟؟؟ وصليلها سلامــــــــي و ان شاء الله تقوم بالف صحه هي و جنى جارة القمر & عسولة فلسطين يسعد مساكم و كل ايااامكم ان شاء الله ما تشوفو صعب ابدااا بحياتكم ان شاء الله تكون عمليتي سهله حتى اليوم كان عندي موعد مع دكتورتي و عم تشرحلي شوي عن العمليه و بعض التعليماات و انا حاسه بخوف جواتي مع فرحه طبعا بس لاني انا من النوع كتير حساس و بخاف من اي شي عسولة حبيبتي الله يبعد عنك كل ضيق ان شاء الله مالك متضايقه و بالنسبه للافرازات حبيبتي طبيعي للاسبوع ال8 بعد هيك ممكن تستشيري دكتورك و راح يعملك فحص للرحم و المبايض و الFsh,LH المهم جارتناااااااا كيف الاولاد و صحه و هنا على اكلة العدس انا بحبهاااا خلص اذا وئتك ما بسمح خلي زوجك هو يعمل الشابنج لحالو انتي اكتبي لزوجك الاغراض اللي بدك اياها و هو بجيب الك نحنا الشابنج كل اسبوع مره و متلك بحب كل شي فريش انتي عادة من وين بتحبي تتسوقي من رام الله و الا من القدس و الا من محل تاني زي تل بيوت |
رد: دردشة بنات فلسطين, دردشة حوامل فلسطين, تجمع بنات فلسطين
هههههههه بينك روز حبيبتي ليه ما لبستي كفوف نايلون جربي حطي ايديكي بتلجhwaml9 |
رد: دردشة بنات فلسطين, دردشة حوامل فلسطين, تجمع بنات فلسطين
يسعد مساكم
ان شاء الله الجميع بخير ام عزمي خطرتي ببالي اشتقتلك تعي طمنينا عنك وعن الامورة سما كمان مو مبينة بالمرة جارة شو عاملة هالايام وكيف قععدت البيت معك ولا الاولاد ماخدين كل وقتك سهى ان شاء الله ولادتك تكمل بخير وسلامة باقي البنات ليلة هادية للجميع اذا حد حابب ندردش بشي معين افتحو موضوع بدي اسالكم مين زوجها يساعدها بالبيت انا زوجي الله يخليلي اياه عودته كلشي حاضر لعنده هلا متغلبه معو شوي مين عندها هالشي مش طالبه منو يشتغل معي بالبيت لاني اجمالا بخلص كلشي اول باول ما بكون عندي شي بس بحكي عن الشغلات التانية الي هو بحتاجها بتعرفو حتى مي ما بجيب لحالو حكولي ما تعودي هيك بس ما رديت وهلا اجت عراسي |
رد: دردشة بنات فلسطين, دردشة حوامل فلسطين, تجمع بنات فلسطين
هلا عيون المها ولا يهمك حبيبتي هوصللها سلامك ان شاء الله
حواء انا الحمد لله زوجي بساعدني احيانا بطبخ وبرتب البيت وبيعمل عشا انا هيك عودته لاني بشتغل يعني لازم نساعد بعض عيون المها يسلمو حبيبتي على التلج ريحني شوي |
رد: دردشة بنات فلسطين, دردشة حوامل فلسطين, تجمع بنات فلسطين
عيون المها مبارك دخولك التاسع الله يتمملك على خير
|
رد: دردشة بنات فلسطين, دردشة حوامل فلسطين, تجمع بنات فلسطين
حواااء مثااليه الله يبارك في عمرك و يتمم الك ولادتك على خيررر اعتقد المفروض هلآ زوجك يحمل معاكي المسؤوليه بعد الولاده و راح يكون وئتك تقريبااا كلو للبيبي ,, فكتير حلو انو يساعدك من زوئو و الزوج الو دور كبير و طبيعة االزوج و كيف كان متعود قبل الزواج بتحدد بعد الزواج سوري اذا كان زوجك من النوع الاتكالي شوي ف كل شي بدو اياه يكون جاهز بس اجى الوئت اللي يعتمد شوي على نفسه و يقدر ظروف تعبك بعد الولاده و ضيق وئتك اانا زوجي بصراااحه نشيط و خفيف حركه لهيك ما بئعد و بساعد بصراحه في كل شي و بتعرفي حملي توم و كتير درت بالي و على حركتي و بيتي فيه درج ,,الغسيل الفاكيوم الشابنج للبيت تكرمي حمام الطابق الفوق جوزي بنضف غرفة بناتي فوق ما بطلع الدرج فزوجي برتب غرفتهم فالموضوع مسألة تعويد و زوء وحب للزوجه يعني بحس مساعدة الزوج فيها تضحيه كمان لمرتو |
رد: دردشة بنات فلسطين, دردشة حوامل فلسطين, تجمع بنات فلسطين
هو مش اتكالي بس انا عودته هيك هلا لما صار يعمل شغلات لحالو بحسه بتذايق لو ما بحكيلي اكيد فاهمتيني
عشان كل وقتي كان الو وهو موجود بالبيت بكون شغلي الشاغل لهيك يمكن متذايق هو بحكي هلا بلشت تتغير فكيف ليجي البيبي يمكن خايف اني ما اانتبهله او اخد بالي منه مثل اول بعبارة تانية حاسس انه ممكن يتهمش بعد ولادتي |
رد: دردشة بنات فلسطين, دردشة حوامل فلسطين, تجمع بنات فلسطين
اقتباس:
|
رد: دردشة بنات فلسطين, دردشة حوامل فلسطين, تجمع بنات فلسطين
حواء مثاااليه بمعنى تاني يعني مدلـله زوجك و زوجك متعود على انو كل شي جاهز انتي متل صاحبتي بالزبط ما راح تصدقي لو حكيتلك انو لمى يكون في تلج على سيارته و بالبرد هي تنضف التلج عن سيارته بس طبعا صديقتي قصه تانيه حتى هيك ما كان يعطيها وجه المهم الله يديم المحبه بينك و بين زوجك و هاي فرصه بالعكس انو شوي يعتمد على نفسه قبل ما يجي البيبي و بكره لمى يشوفك ئديه مشغوله بالبيبي و تعب و سهر لحالو راح يشعر و ما يتدايق |
رد: دردشة بنات فلسطين, دردشة حوامل فلسطين, تجمع بنات فلسطين
أنا مابحب زوجى يعمل أى شغلة بالبيت حتى لو كنت تعبانة من الحمل بحس حالى ماعندى قيمة بالبيت أزا ماقمت بزوجى وبيتى بس احيانا بكون مضطرة بطلب منو شغلات خفيفة احيانا بوافق واحيانا برفض بس بكون من جوا مو راضية يعمل شى بشفق عليه وكمان مابدى أحسسو أنو أنا اتغيرت بعد الحمل
|
رد: دردشة بنات فلسطين, دردشة حوامل فلسطين, تجمع بنات فلسطين
الله يخليلنا اياهم يارب ويضلوا مغلبينا ههههههههههههههههههههههههه انا اليوم خطر ببالي هالشي بتناقش انا وزووجي عليه حسيته بده يوصلي رساله انا بدي اشبع منك هلا قبل ما تولدي لانه بكرا الله العالم نقعد مع بعض ولا لا هو محملها زيادة انا قلتله لو يصير عندنا 100 ولد ما راح يشغلني عنك اشي
الله يقدرني ما اقصر بحقه واكون دايما عند حسن ظنه |
رد: دردشة بنات فلسطين, دردشة حوامل فلسطين, تجمع بنات فلسطين
بتعرفوا بنات قبل بشوي اجا زوجي من بره
وجاب معه باكيت بامبرز لما شوفته مابعرف شو صار الي صرت اعيط من غير وعي يمكن مع الفرحه مابعرف شو صار الي الله يجيب بنتي بالسلامة يارب |
رد: دردشة بنات فلسطين, دردشة حوامل فلسطين, تجمع بنات فلسطين
انتي مثلي وقت جهزت هاد شعور الامومة الله يكرمنا ويكمللنا على خير ونشوفهم بين ايدينا سالمين يارب
|
رد: دردشة بنات فلسطين, دردشة حوامل فلسطين, تجمع بنات فلسطين
بنت الضفتين الرسول عليه افضل الصلاة و السلام كان يساعد زوجاته بالبيت و هو قدوتنا ’ فالبعكس لا تعتبري نفسك انو قللي من قيمتك ابداااا طالما من الاساس عنوان الحياه الزوجيه المشاركه و لا تنسي البيبي اللي حملته الام و تعبت فيه كمان بيتطلب من الاب يحمل شوي مسؤوليه مع الام و اكتر فتره بتكون الزوجه محتاجه زوجها هي فترة بعد الولاده ,, طبعا كل وحده فينا بتشعر مع زوجها و ما بتحب تحمله فوق طاقته خصوصا انو عندو شغل بره البيت بس ظروف تعب الولاده و السهر و كل هاي الامور بتحب الزوجه تلاقي مساعده و لكل واحد وجة نظر |
رد: دردشة بنات فلسطين, دردشة حوامل فلسطين, تجمع بنات فلسطين
حبيبتي بينك روز ربي يخليلك زوجك و تشوفي رهف بين ايديكي سالمه ,,,قبل يومين زوجي جاب الcar seat للبيبي و الله فعلا شعور حلو و هيني كل يوم بطلع على جهاز البيبيهات و في شغلات ئديه مستعجله اشوفها عليهم الله يديم فرحتك و فرحتي و الكل اشوفكم بعدين بدي اتصل بأمي و طمنها علي بتضل كتير مشغوله علي دمتم في حفظ الرحمن |
رد: دردشة بنات فلسطين, دردشة حوامل فلسطين, تجمع بنات فلسطين
مساكم فل ياحلوات
لولو حماده طلعنا كلنا بمنطقه وحده ...هههههههه الا ماتيجي صدفه ونتعرف على بعض اكتر بينك روز بسيطه ياعسل وقت ماتفضي نزليلنا نشجعك على شغلك ... وربي يتمملك حملك يارب وتشوفي بنتك بين ايديكي على خير بنت الضفتين لاتخافي قولي يارب وتوكلي على الله الله يقومك بالسلامه انتي وحواء يارب ... حواء بالعد التنازلي كمان وعيون المها الف الحمد لله ان كل امورك تمام ربي يتمملك على خير جاره حلوة منك لقب العريفه ذكرتيني بأيام المدرسه هههههههه الله يسعدك يارب ضحكتي بالدنيا اهلا وسهلا بيكي وان شاالله الله يكرمك بالذريه الصالحه عن قريب ويسعد مسا كل الصباياعدها قطعت دخلت بسرعه اتطمن عليكم سارت بدمي الدردشة هههههههه |
رد: دردشة بنات فلسطين, دردشة حوامل فلسطين, تجمع بنات فلسطين
بنت الضفتين انا من رفح مثلك
|
رد: دردشة بنات فلسطين, دردشة حوامل فلسطين, تجمع بنات فلسطين
مساء الخير
بنت الضفتين...الله يقومك بالسلامة يارب...هلأ اولها الله يكرمكم كان ينزل بس بعدين خف....وبعد الاربعين يوم صرت اصلي وعادي لأني زهقت بدون صلاة بس كل صلاة بوضوء عرفتي عيون المها....الله يسعد اوقاتك يارب والحمدلله انك بخير والتوم بخير يارب بالسلامة ومبرووووووووووك التاسع والله يطمن بالك زي ما بتطمني امك حواااء الحمدلله يارب تكون بخير دايما وابدا وبكرة بتطمني عنها بنت الضفتين ولولو حمادة...أنا بيت حماي من رفح كل الصبايا الحاضرات والمختفيين سلام عليكم |
رد: دردشة بنات فلسطين, دردشة حوامل فلسطين, تجمع بنات فلسطين
مرحبا يا كل صبايا
انا ولادتي بكر صباحا هلاء رجعت من مستشفى الشفا عشان اجهز اغراضي وارجع تاني على مستشفى بالليل وباذن الله تعالى بكرا الصبح عمليتي من مبارح من بعد العصر وانا بالمستشفى رحت وانا تعبانه كتير وماعد اقدر اتنفس منيح المهم وصلت مستشفى وفحصوني وكان ضغطي طالع كتير وسخونة عالية فقرر الدكتور انه يتم دخولي المسنتشفى وتوليدي واليوم من صبح على تحليل وفحوصات وتخطيط للجنين والحمد الله خلصت كل الامور وحجزت غرفة ورجعت على البيت اخد شنطتي واغراض لزوم المستشفى وان شاء الله بكرا الصبح عمليتي دعواتكم يا بنات وان شاء الله برجع بخبركم شو بيصير معي بس بالله ما تنسوني بدعواتكم لي وان شاء الله انا ماراح انساكم بدعائي لكم جميعا طبعا عمليتي راح تكون بنج موضعي يعني راح اكون صاحية وقت العملية هيك احسن على اقل بطمن على بنوتي واشوفها يارب يارب يحميها ويحفظها لي واشوفها على خير وسعادة سلامي لك صبايا غالييات على قلبي ان شاء الله برجعلكم على خير انا وبنتي جنى لا اله الا الله محمد رسول الله |
رد: دردشة بنات فلسطين, دردشة حوامل فلسطين, تجمع بنات فلسطين
صباحكم فل جميعا
بالسلامه ان شاء الله ياسهى لا تخاف ربنا معك باذن الله وحتشوفي بنتك بين ايديكي يارب وانتو وهيا بتمام الصحه والعافيه ادعي واتوكلي على الله ... ربي يقومك بالسلامه... قلوبنا معك |
رد: دردشة بنات فلسطين, دردشة حوامل فلسطين, تجمع بنات فلسطين
ياروحي يامرت خالو ان شاء الله بتقومي بالسلامة انتي وجنى
يعني ان شاء الله بنات خالي هيزيدوا بنوته ماشاء الله ادعيلنا وما تنسينا وان شاء الله بشوفك عن قريب |
رد: دردشة بنات فلسطين, دردشة حوامل فلسطين, تجمع بنات فلسطين
ربنا يقومك بسلامة يا سهي وتشوفي جنى بخير وبصحة كويسة
|
رد: دردشة بنات فلسطين, دردشة حوامل فلسطين, تجمع بنات فلسطين
سهى
الله يقيمك بالسلامة يارب وما تخافي بدون ما تقولي بندعيلك وقلبنا معك انتي وجنى...وربي يقومك بالسلامة انتي وجنى ويسهل لك أمورك يارب العالمين وبس تصحلك فرصة بتيجي تطمينيا عنك |
رد: دردشة بنات فلسطين, دردشة حوامل فلسطين, تجمع بنات فلسطين
مساكم سعيد
وييييييييينكم يا بنات والا وحدة مبينة يارب يكون غيابكم خير تعوا يللا طمنوني عنكم |
رد: دردشة بنات فلسطين, دردشة حوامل فلسطين, تجمع بنات فلسطين
مرحبا صبايا شو اخباركم مالكم كسلانين اليوم حبيت افريكم لحاف بنتي رهوفه الله يجيبها بالسلامة احكولي رايكم بصراحة طبعا التطريز شغل اديه وحياة عنيه http://forum.hwaml.com/imgcache2/hwa...957215_648.jpg طبعا هاي صورة للحاف http://forum.hwaml.com/imgcache2/hwa...957217_923.jpg وهاي صورة للحاف مع المخده تبعته http://forum.hwaml.com/imgcache2/hwa...957219_509.jpg وهادي للمخده لوحدها هااا شو رايكم |
رد: دردشة بنات فلسطين, دردشة حوامل فلسطين, تجمع بنات فلسطين
مرحبا حبوباتي تسلمولي عنيكم الحلوة شفت كل ردودكم عئبال سلامتكم جميعا و عوض كل اللي بدهم يا رب
بالنسبة للرضاعة الحمد لله طبيعي بس أول يوم جبت الها صناعي و أنا بالمستشفى و ما قبلته و حاولت أسند حالي و رضعتها بس الحمد لله رضاعتها طبيعي و بالنسبة للي خطبوها ههههههه جوز أختي كلمني و انا بالمستشفى بعد ما ولدت و قال لي مليش دعوة حمزة طول الليل صاحي بيستنى ببنت خالتو و قال لي خلاص خطبناها موافقين ههههههههه و في وحدة قريبة جوزي و صديقتي بنفس الوقت ولدت معي و الله أعطاها ولد و خطبوها مني ههههههه و بالنسبة لجارة الأمر وافقت على هويدة يعني ضمنت لبنتي حماة منيحة هههههههههههه و الله وحشتوني مووووووووووت يا صبايا و بدي أحط صورة لهويدة و هي مفتحة عنيها |
رد: دردشة بنات فلسطين, دردشة حوامل فلسطين, تجمع بنات فلسطين
بينك روز
حبيبتي ما شاء الله حلوين و مبروكين انشاء الله طبعا هذا شغل ايديكي يسلمو ايديكي انشاء الله بتعيشي و بتعملي لكل خواتها يارب حبيبتي |
رد: دردشة بنات فلسطين, دردشة حوامل فلسطين, تجمع بنات فلسطين
سهى
يا عمري ربي يقومك بالسلامة انتي و جنى ياااارب حاسة حالي راح أبكي عليكي لأني جررررررررربت الولادة بعملية آآآآآآآآآآآآآآآآآآآآآه بينك روز بتطمنينا عن سهى حبيبتي |
رد: دردشة بنات فلسطين, دردشة حوامل فلسطين, تجمع بنات فلسطين
يا بنات بدي أسألكم في مشكلة لو حممت هويدة كل يوم مهو الدنيا نار و بيتي بيكون شوووووووووب بالنهار
أنا امبارح حممتها بس اليوم بدي أمسحلها من تحت أباطها و من رقبتها و أشطفلها جسمها من تحت وخلاص هيك ماما قالتلي أعمل يوم حمام و يوم تشطيف و تمسيح شو رأيكم؟؟؟؟؟ |
رد: دردشة بنات فلسطين, دردشة حوامل فلسطين, تجمع بنات فلسطين
اقتباس:
|
| الساعة الآن 06:53 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .