|
رد: تجمع حوامل ليبيا
يقين هونيها تهون تعوذي من الشيطان ونحي عليك الوسواس الزايد والله ما فيه ليبي مرتاح والا فرحان في الوقت الحالي كلنا قلوبنا في ايدينا وكان على الغربة بالله شوفي حال الليبيين ياناري نصفهم في المخيمات متشردين في تونس ومصر وعالم بحالهم غير ربي واللي في ليبيا قصف ورعب وقتل انت الحمد لله في حوشك مستقرة معززة مكرمة وانت علاش تشوفي للسلبيات بس الحمد لله اهلك صحيحين وكويسين ياناري بالله شوفي مئات العايلات فاقدين احبابهم بسبب هالمشكلة شوفي حالهم في رمضان والعيد ربي يصبرهم انت الحمد لله ربي يدوم عليك النعمة والصحة وبعدين هذا اول رمضان معاك بنيتك ربي يحفظها وبتشريلها لبس العيد ربي يخليهالك وتشوفيها عروسة وتشوفي صغارها - يقين حاولي تداومي على اذكار الصباح والمساء والله تطرد الوسواس وتحسي بالراحة واقري القران تنسي هموم الدنيا (الَّذِينَ آمَنُوا وَتَطْمَئِنُّ قُلُوبُهُمْ بِذِكْرِ اللَّهِ أَلا بِذِكْرِ اللَّهِ تَطْمَئِنُّ الْقُلُوبُ) صدق الله العظيم |
رد: تجمع حوامل ليبيا
سومة هههههههههه عليك حظ المهم الوضع كويس الحمد لله مش مشكلة جنس البيبي اللي يجيبه ربي باهي واكيد تلقوا دكاترة عرب اسألوا
|
رد: تجمع حوامل ليبيا
ريم وصلك المسج
لان اول مرة نبعت مسج من الموقع فامش عارفة وصل او لا |
رد: تجمع حوامل ليبيا
وصل حبيبتي تكرم عينك
|
رد: تجمع حوامل ليبيا
|
رد: تجمع حوامل ليبيا
صباح الخير وكل عام وانتم بالف خير يااااااااارب وربي يفرج علي بلادنا
ام قصي وام الصبيان وهاتو وام اسيل وريم وميرنا وسومه مبروك عليكم الشهر وان شالله ياربي يهل عليكم بالهني والصحه انتم واماليكم وازواجكم ياااااارب وربي يخليهلكم |
رد: تجمع حوامل ليبيا
يقين هذى بس هرموناتك تحكى اسمعى حاولى انك تبتعدى عن اى شئ يأثر فيك التوتر مش كويس لاعلى بنتك وعلى البيبى وعلى علاقتك بزوجك انتى الحمد لله قوله ريم باهيه ومترايحه لاقصف ولا ملاجئ ولا شى شويه غربه تقدرى عليها
طيب اطلبى من اهلك او اهل زوجك يجوكم زياره فى رمضان منها يغيرو جو ومنها تونسى بيهم بعدين الى يصيرلك طبيعى جدا انا كل مانحمل نقعد مره نبكى ومره نخاف زى قولتك من انه تصيرلى انا او زوجى مصيبه والله راجلى يكملها بطلى وسوسه تعبتينى وفعلا لما رميت البيبى حسيت بالذنب لانى بالغت فى رده فعلى واعصابى كانو طول الوقت مشدودين احمدى الله انتى بنعمه غيرك محروم منها مش قصدى نزيد عليك بالعكس انا مقدره وضعك والله حاسه بيك بس واجبى كاصديقه انى ننصحك ونحن انشالله متواجدات كلمينا امتى تحبى |
رد: تجمع حوامل ليبيا
والله ياريم الاجازه من يوم الثوره المدراس سكرن بس المصارف لا بس زوجى توا يقدر يسافر بس هومش مقتنعنحسه يخاف علينا
انتى انشالله توفقى مع الدكتوره الجديد فعلا خوذى كم راى قبل اى شى وانشالله ما تمشيلها ننين تباركلك بالحمل ماانتى خذيتى الدوا انشالله يصير منك الشهر هذا |
رد: تجمع حوامل ليبيا
بنات كيفكم
|
رد: تجمع حوامل ليبيا
اقتباس:
|
| الساعة الآن 07:27 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .