|
رد: ¤ô§ô ~أحلى تجمع حوامل التوأم 2011~ ô§ô
maha8181 اقتباس:
أحس بخفة ونشاط يمكن لأني بودع الشهر السادس وبستقبل السابع بريك قبل المعاناة والدوام الحمدلله خلصت كل درجاتي باقي امتحانات نهاية الفصل يعني الدوام بيكون أخف لين آخر شهر مارس والله يعينا على شهر ابريل تصدقين ما احاول اطلع وايد جدام باقي المعلمات تلقيني من الغرفة للكلاس وارجع بس عشان ما الفت انتباه المعلمات لكرشي اللي جدامي يمشي بنص متر ههههه ومع ذلك كل من شافني لازم يعلق اللي تقول حملج هذا غير احسه أثقل عن آخر حمل واللي تقوول بطنج كبير ليكون فيج توأم وأنا اضحك وقولها هيه اثنين واللي تقولي هاي أيامج "تقصد أني على وش ولادة" عاد هني hwaml15انصدمت قلت لها لا أنا في السادس!!!! واللي تقولي وحده من هلي يابت توم وما دري ليش اتذكرتج؟؟؟ أنت فيج توم؟؟ وأنا أغير السالفة غير جذي صعبة أني ادخل من الدوام مع انه النت متوفر، بس الله يهديهم ويسامحهم ملقوفين يوم يشوفوني يالسة على الاب توب على طوول ايووون يشوفون شو اسوي وشاكه في وحده تفتح الاب توب من وراي عشان جذي قررت أني ما ادخل في الدوام أنا في مجتمع الله يعيني عليه بس هذربت وااايد عن دواميhwaml03 |
رد: ¤ô§ô ~أحلى تجمع حوامل التوأم 2011~ ô§ô
رضاك ربي هلا والله فيج، أخبارج وأخبار الماما والتوينز، ومنورة الثالث، عقبال ما نشوف اسمج في امهات التوأم 2011مhwaml7 وثانكس على الأطراء الجميل أحب الأبتسامه لأنها تعطي إيحاء بالسعادة والتفاؤل وعسى السعادة ما تغيب عن سما دنياج وله طلعتي في الحلقة الأخيرة دودة ههههههه شكلنا كلنا دووود وبالعين ليمونه ههههه الله يتمم لج على خير ويسعدج دنيا وآخرة |
رد: ¤ô§ô ~أحلى تجمع حوامل التوأم 2011~ ô§ô
الياه
هههههههههه مو بالاشهر الاخيره لاتعدين السابع معهم ... من الثامن لين الولاده التاسع عاد هذا شكل ثاني ... يعني لاتسوين شي .. فاصبر لحكم ربك .. ولاتكن كصاحب الحوت والناس صدق كثيرين كلام ... انا على ان عيلتنا مليانه توائم الا انهم مااشكوا بي ... انتي اقري على نفسك يوميا وانفثي على بطنك .(.وجعلنا من بين ايديهم سدا ومن خلفهم سدا فاغشيناهم فهم لايبصرون) ومثل ماقلتي اللابتوب امسحي كل المحفوظات قبل تقومين .. مثل حالتي هع هع مره اخذ اخوي اللابتوب تبعي .. وجلس على راسي الوسواس الخناس ... لاني نسيت صفحة الجدول مفتوحه والباقي قفلته على اني ماخليته يطول بس شكله قرى الموضوع والقهر انه مافتح معي الموضوع بس ان اخوي الثاني صار يلمح بموضوع التوأم ويلا ياوساويسوووو اشتغلي براس غروم ... ههههههههههههههه |
رد: ¤ô§ô ~أحلى تجمع حوامل التوأم 2011~ ô§ô
بنات ايش اخباركم من زمان مادخلت التجمع ان شاالله الجميع بخير .. بنات حبيت استشيركم انا دحين حامل 14 اسبوع و5 ايام وقبل فترة تقريبا نزل علي دم بسبب تجمع دموي بس الحمدلله الان اموري تمام والدم مااستمر الا يومين تقريبا بس طبعا انا قلقت لاني حملت عن طريق الحقن المجهري يعني مو طبيعي بس الحمدلله علي كل حال ودحين انا حابة اسافر ارجع السعودية ابغي اكون عند اهلي خلال دي الفترة لاني في غربة والرحلة تقريبا 5 ساعات ونص ايش رايكم؟ في وحدة سافرت وهيا حامل بتوام وامورها تمام؟ انا الدكتور طمني وقلي عادي يمديكي تسافري بس والله خايفة ومترددة ايش رايكم؟
مايا |
رد: ¤ô§ô ~أحلى تجمع حوامل التوأم 2011~ ô§ô
اي والله يا الياه حاسه بشعورج انا هنا ذابحيني كل شوي يسالوني بيبي ولا 2
وانا اقولهم واحد وكلن عينه على كرشتي واذا مشيت شوي يقولولي بعد امشي المشي زين علشان الله يهون عليك يحسبوني بالتاسع |
رد: ¤ô§ô ~أحلى تجمع حوامل التوأم 2011~ ô§ô
زود الغلا اقتباس:
هلا والله الغالية، شخبار بنوتاتج اللذيذين بيزيدون لذه على الخامس والسادس بس لا تهورين وتاكلينهم ههههه الله يحفظهم ويبارك لج فيهم تصدقين ما جهزت لنفسي ولا شي أبد وللتونز خذت بس افرولات وملابس داخلية ووقفت مب عارفة ليش مب قادرة اسير اجهز أبد مالي خاطر على شي؟؟؟؟ أبى تشجيع حد يشجعني أم دحوم اقتباس:
سبحان الله مثل ولدي يوم أصلي ما يحلاله العب الا جدامي وما اقدر اسجد أو فوق ظهري لو سجدت كافي علينا ثقل التوينز أي هو ماشاءالله بثقلة بعد ويوم اطلعه فديته يقول بصلي ماماه ينكسر خاطري وخليه بس عقب ما طلع على ظهري يحلم يصلي عندي ههههههههه الله يحفظهم ويخليهم يارب |
رد: ¤ô§ô ~أحلى تجمع حوامل التوأم 2011~ ô§ô
غرووومه يعني مايفيد معاك الواسطه
اقولك تساهلي شوي وحطيني بالثامن |
رد: ¤ô§ô ~أحلى تجمع حوامل التوأم 2011~ ô§ô
أول غرام اقتباس:
بس القافة في ناس بشكل مب طبيعي مره كنت اكتب للمنتدى وييت معلمة وقفت في ظهري ماعرفت شو اسوي اقفل الاب توب!! نزلت الموقع باستغراب وواثقة انها انتبهت الله يهديهم كنت امسح كل شي من المحفوظات بس لازم كل مره ادخل الباسورد والنك نيم وأخاف انسى الباسورد لأنه الذاكره آيلة للزوال والله يعينا ويتمم لنا على خير maha8181 سوي مثل ماقالت أول غرام اقري على نفسك يوميا وانفثي على بطنك .(.وجعلنا من بين ايديهم سدا ومن خلفهم سدا فاغشيناهم فهم لايبصرون) والله يحفظ الجميع فالله خير حافظا وهو ارحم الأرحمين |
رد: ¤ô§ô ~أحلى تجمع حوامل التوأم 2011~ ô§ô
مهاوي
صدقيني ... انا اتمنالك الخير مابيك تجربين تعب الثامن والتاسع ههههههههههههه خليك بالسابع تراه ازين لك لاتستعجلين التعب انتي مقررينلك الدكاتره قيصري ...؟! وين ناويه تولدين باذن الله ...؟ |
رد: ¤ô§ô ~أحلى تجمع حوامل التوأم 2011~ ô§ô
غرررومه لا تكفين ابي اخلص ما ابي افحط بالسابع
والله انا على تامين زوجي في سعد لانهم يعرفوني من ايام العلاج والدكتوره زينه تعوت عليها والله كريم |
| الساعة الآن 10:09 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .