|
رد: تجمع الكروشات اللي ولادتهن في رمضان 1433ه
ههههههههه من جد ياطالبة دعاء وفوق الخساير يصكونها بعين
|
رد: تجمع الكروشات اللي ولادتهن في رمضان 1433ه
نور انا قبل عندامي اشتري الغالي
والحين ماديا ماقدر اروح لتخفيضات واخذ منهم بس انسق بالوان الموضه زي كذا وندمت على كل ريال صرفته بالغالي بعض الاحيان يشوفون لبسي البنات ينهبلون عليه ويعطونه سعر فوق المعفول قبل فتره رحت زياره لهلي اخذت فستان حمل ب50وحصلت محل تخفيضات واخذت جكيت صغير قماشه لامع20 والله محد صدق هههه اهم شي ابقي مصروف لنا ومايروح يتسلف |
رد: تجمع الكروشات اللي ولادتهن في رمضان 1433ه
اقتباس:
شوفي حبيبتي خذي لك حليب باررررد مره يعني قريب يثلج ومزمزيه يعني مو تشربيه دفعه وحده لا اشوي اشوي قطره قطره كانك بتطفي نار وبتحسي براحه لان يبرد انا بصراحه دكتورتي الله يجزاها الجنه والله قالت لي استخدمي فوار فواكه بصراحه عجيب يروح الحموضه والحراره بشكل مو طبيعي |
رد: تجمع الكروشات اللي ولادتهن في رمضان 1433ه
لا وصارو البزران يفهمون بالماركات هههههه مره عيالي يبون نظارات وراح معهم ابوهم محل نظارات وشرو وجووني يضحكووووون يقولون ماما والله مانلبسها قلت وخير ان شاء الله قالو وش ذي حقت مصري دافور هههههههههه ورحمتهم قلت طيب ابشرو بجيب لكم احلى نظارات لان الاثنين فيهم انحراف بسبب الاجهزه وطلبت من واحد قالت لي وحده عنها اللله يجزاها خير يجيب لك نظارات 2012 لحد بيتك اطلبي وتخيري ماركات درجه اولى بالطبق بكل شيء والي عجبني ان العدسه ببدلها بالاخير وانهارو عيالي ماما راي بان ماما ديزل قلت يالله كل واحد ثنتين وخذو ورحت فصلتها لهم وكل من شاف قال وش هالماركات وبزران بعد ههههههههه برا قيمة النظاره بالمحل 600 وانا اخذت ثنتين ب 150 شفتو كيف الفرق
|
رد: تجمع الكروشات اللي ولادتهن في رمضان 1433ه
بالعكس احلى شيء بالموضوع الذوق وهو الي نادر تلقينه ناس تشتري والله بالالالف ولنصدم من اللبس يفشل وبقووووه
|
رد: تجمع الكروشات اللي ولادتهن في رمضان 1433ه
انا الي قاهرني المحلات يضحكون علينا بس مجبورين نشتري
|
رد: تجمع الكروشات اللي ولادتهن في رمضان 1433ه
من جد انقهر لي رحت بشتري من زارا ولقيت البس صيني ولا بنغالي خيرررر ادفع فيه اصلن شركة الحكير بكبرها نصابين واستغلال بضايع من سرلنكا والصين والبنغال بسعر خرفي خيرررر صديقتي راحت سرلنكا تحلف اغلب لبس زارا هناك على 5 ريال
|
رد: تجمع الكروشات اللي ولادتهن في رمضان 1433ه
مشكلتنا الماركه
كلن تفتخر انا البس ماركت كذا وانتي وش لبسك الكبار عادي بس احس المراهقات هم الي ينحرجون يبون زي غيرهم |
رد: تجمع الكروشات اللي ولادتهن في رمضان 1433ه
ذكرت سالفة وحده الصيفيه الي راحت
لتبسه فستان اسود ساده وبوت احمر جلد تمشي مع البنات وتسولف وبسعر فستانها ومن وين شاريته واي ماركه اول ماقامت من عندهم وكانها بصالة تزلج وتضرب الطاوله الي قدامها وانكسر كعبها بعد هههههه يانها تكذب وذنبها او معطينها عين |
رد: تجمع الكروشات اللي ولادتهن في رمضان 1433ه
احس على التربيه انا عيالي علمتهم على احترام الغير مهما كان وكيف ماكان ومن جد صارو يحترمون الكل حتى بو مر عليهم عامل يلقط شيء جو وشالو معه لابد الدين دين تعامل ودين رحمه اذا انتي الله عطاك لتتفتخرين وتتفشخرين بالعكس احمدي ربك وراعي ضروف غيرك والحمدلله قدرت اضبط عيالي رغم مجتمعنا شوي كذا بس انا ابني لبكره ولازم اربي من اليوم واذكر مره مر واحد مرررررررررره سمين وقالت بنتي ماما ترى الي سمين نقول الحمدلله ربي خلاني عصقوله ههههههههههههه قلت لا ياماما عصقوله يعني مو شيء حلو قولي يارب الصحه والعافيه
|
| الساعة الآن 04:04 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .