|
رد: تـجــمـــع حـــوامـــــل *(( الــريـــــــــــاض ))* .. حــيــاكــم
حبيبه زوجها ممكن انتي كلمتي المستشفى واستفسرتي عن السعر والدكاتره وكل شي اذا كذا قولي لي واسفه نو ثقلت عليك
|
رد: تـجــمـــع حـــوامـــــل *(( الــريـــــــــــاض ))* .. حــيــاكــم
كيفكم بنااات الله يعيننا حايسين بهالمستشفيات هذا زين وهذا شين تعرفون المشكله المستشفيات خايسه وماديه والممرضات تعاملهم زفت والطبيبات حظ ونصيب والولاده تسهيل من رب العالمين ادعوا الله الهون
|
رد: تـجــمـــع حـــوامـــــل *(( الــريـــــــــــاض ))* .. حــيــاكــم
والله خيتو ارجوان انا كلمت دله واستفسرت منهم قالوا لي الولاده تقريبا 4800 مع الخياطه والاقامه يومين بغرفه مشتركه قلت لاانا ابي غرفه لحالي وبيني وبينك اريح ليه ادفع واجلس مع احد لان كل وحده لها خصوصيتها وزوارها
المهم قال عادي بس تدفعين زياده 300 على الغرفه قلت لو ابي اجلس يوم واحد قال عادي ادفعي ليوم واحد وسئلته بخصوص الدكتورات قلت انا ابي دكتوره معينه وانا لحد الان ابحث بالنت عن الافضل محتاره بين سيده ممتازه وبين انجي ومدحوا لي بعد صبا ومياسه وكم وحده بس انا ماارتحت الا لسيده ممتازه او انجي وبفكر وبستخير وبقرر المهم قال لي لازم تجين تفتحين ملف وتسوين كشف لو مره وحده اذى تبين دكتوره معينه والا ان جتك الولاده وجيتي بدون فتح ملف او كشف قبل ترى بتولدك المناوبات والمناوبات طبعا يقول اغلبهم طالبات يطبقون قلت طيب كم الكشف مع فتح الملف قال ب100 الظاهر كاني مانسيت وقال ان جت وقت ولادتك وتبين نفس الدكتوره اللي فتحتي عندها ملف ادفعي 500 عشان تولدك هي عاد انا من حملت وانا اراجع كل حملي بعياده مثل وحده صحيه بشغل زوجي وقلت لها ماابي خساير قالت خلاص اول ماتدخلين الشهر التاسع تعالي اسوي لك تحاليل واشعه وكل شي واسوي لك ملف ووديه معك للدكتوره وببلاش احسن مايسوون ويسحبون زياده عاد انا بسوي كذا عاد الله يستر ماتقول لا لازم تسوين تحاليل عندنا بس انشاءالله ماتقول مدري انا ودي بسعوديه على الاقل تحس فيك وسيدة ممتازه الباكستانيه يمدحونها بس خايفه ماتولدني زين او تستعجل قيصريه لان عندها زحمه مووووووووووت وانا دخلت موقع المستشفى على النت وشفت صورة سيده شكلها حبوبه بس مدري عاد وصور الغرف شكلها حلوه بعد اسفه على الاطاله اتمنى افدتك واي سؤال انا حاضره وادعيلي ان الله يسخر لي الدكتوره اللي تريحني والله يسهل ولادتي والجميع يارب |
رد: تـجــمـــع حـــوامـــــل *(( الــريـــــــــــاض ))* .. حــيــاكــم
مشكوره ياحبيبه زوجها كفيتي ووفيتي الله يسخر لك الدكتوره اللي تريحك والله يسهل ولادتك يا ارحم الراحمين
|
رد: تـجــمـــع حـــوامـــــل *(( الــريـــــــــــاض ))* .. حــيــاكــم
مرحبا فيه احد هنا
|
رد: تـجــمـــع حـــوامـــــل *(( الــريـــــــــــاض ))* .. حــيــاكــم
صباح الخير ياكروشات
|
رد: تـجــمـــع حـــوامـــــل *(( الــريـــــــــــاض ))* .. حــيــاكــم
انا في مصتوصف الرياض الطبي ونا في الشهر الثاني الله ايهون على الجميع واهلاوسهلافي الجميع. انا كذلك من الرياض.
|
رد: تـجــمـــع حـــوامـــــل *(( الــريـــــــــــاض ))* .. حــيــاكــم
لآ انـآ بجده وأهلي بالريـآض بس بولد بالريـآض عند أهلي
وللحين موب عـآـآرفه بأي مستشفى بولد ولآ عند أي دكتوره الله يسهل وييسر .... |
رد: تـجــمـــع حـــوامـــــل *(( الــريـــــــــــاض ))* .. حــيــاكــم
حبيبه زوجها يعني انتي تشوري علي اولد ب دله فيه ابره تخدير واهتمام فيه احد ولد فيه تعرفينهم ردي لي تكفين عشان بستخير واتوكل على الله واولد بيه
|
رد: تـجــمـــع حـــوامـــــل *(( الــريـــــــــــاض ))* .. حــيــاكــم
والله حبيبتي انا قريت عنه بالنت اللي يمدح واللي يذم بس الاغلب يمدح خاصه بعد ماجددو قسم الولاده
وانا مااعرف احد جربه وانا اول مولود ومع هذا بتوكل على ربي وبستخير وبولد فيه لانه افضل من الحمادي من ناحيه الماده والاستعجال بالقيصريه الحمادي كنه مقصبه من كثر القيصريه والتامينات على المواساه على المشاري كثير ذموه والحبيب والمملكه والالماني غالي على لاشي انا بولد بدله بس لحد الان ماقررت اي وحده ياسيده ممتازه الباكستانيه او انجي بدوي السعوديه انا شفت صورهم بالموقع حق دله من وجيهم حبوبات بس مدري عاد من جوى وش والله يعين ويسهل علينا اجمعييييييين يارب |
| الساعة الآن 09:18 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .