|
رد: تجمع حبيباتي الكروشات اللي راح يولدون بشعبان
مرحبا يا حلوات أخباركم ؟ وأخبار الصغنونات أحس اني خليتكم كلكم توسوسون hwaml02 هي نعمه الحمدلله ولد ولا بنت بس احس مـــره عورني قلبي وحز بخاطري يعني بعد ماقالو لي انها بنت انبسطت وشريت الملابس و صرت اسولف معها على اساس بنت واناديها بـ اسمها وبحث في النت عن اغراض وخلاص كنت اليوم بطلب لها مفرش السرير واهلي من زمان ماحد جاه بنوته غير خالتي اللي توها ... كلهم مبسوطين فيها قسم اناظرالملابس اللي شريتها وتجيني صيحه بس ارجع واقول الحمدلله على كل حال هي نعمه ... غيري موب حاصل له لابنت ولا ولد أهم شي الصحه والسلامه .. وان جا ولد هالمره تجي البنت مره ثانيه والتجهيزات تتعوض كلها هالكم قطعها اللي حطيتها لكم هذي اللي شريتها ماشريت غيرها بس الشيطان شاطر موب راضي يعقل عني قليل الأدب كل شوي يشغل لي هالموال من جديد hwaml03 والله دقيت على كم عياده حق نساء هنا بشوف مواعيد اقرب شي كلها بعد اسبوع و 4 ايام فـ قلت بكره اذا رحت موعدي بكلم دكتورتي عشان تحجز لي في المستشفى اللي راح أولد فيه وبـ إذن الله بسوي الـ 4d عشان اتأكد مضبوط ويكون كل شي موجود عندهم وأضمن اني اخذ سيدي وصور كامله عشان اجهزتهم جديده وحلوه مو زي العيادات بس الظاهر انه ولد .. لأنه اول دكتوره راجعت عندها قالت لي ولد من البدايه |
رد: تجمع حبيباتي الكروشات اللي راح يولدون بشعبان
لبـنى حبيبتي
نصيحه ابتعدي عن الصيني هالفتره أغلب اكلهم نص مستوي او مسلوق حي الله سلقه وكله بهارات انا هنا مافيه مجال ناكل برا في المطاعم زي في السعوديه على كيفنا خياراتنا مــرررره محدوده ومع كذا قطعت الصيني عشان النونو مايسوى يتعبه ما اتوقع تسمم بس يمكن ثقلتي بالأكل شوي وعارفه الهضم بهالوقت بطيء فـ تعبك الأكل عشانه قاعد على كبدك مثل مايقولون <<< أمحق وصف هع |
رد: تجمع حبيباتي الكروشات اللي راح يولدون بشعبان
دندوشه حبيبتي ... الف الحمدلله على سلامتك
والله توني انتبه لمشاركتك .. راحت علي كم صفحه ماقريتها اليومين اللي فاتو ان شاء الله دوم البسط ... ويارب يتمم لك على خير وتفرح الفرحه الكبيره بشوفة القمر |
رد: تجمع حبيباتي الكروشات اللي راح يولدون بشعبان
ههههههههههههه شرحكم لأشكال الكرش عجيب انا كرشتي ماااره صغيره احسه ناحية السر بس كذا 4 اصابع تحته و 4 اصابع فوقه ماعندي نفخه من تحت وباقي فيه مساحه من فوق تحت صدري فاضيه الحمدلله مو حاسه بثقل كرشتي مو مره مأثره علي لأنها صغيره انام على راحتي واتقلب واسوي اللي ابي ماعدا نومة الظهر احس اني بختنق اذا نمت عليه مدري ليه ههههه بس ألم الظهر هذا اللي متعبني ربي يسهلها ويخلصون هالكم شهر على خير ابي اشوف البيبي حقي وابي انزل لأهلي طاقتني غلقه وكئآبه هاليومين موب طبيعيه بس قاعده وابكي مالي مزاج نت ولا لي مزاج احد .. مغير ضيقه صدر |
رد: تجمع حبيباتي الكروشات اللي راح يولدون بشعبان
مس يويو حبيبتي الله يشرح صدرك ويفرحك دووووم يااارب
بس انا مدري ليييييش احس ان معك ولد عندي احساس كبير ماابي احطمك ماعمر احساسي اخطأ يوم قلت ان معي بنت قلت الله يرزقها ماتتمنى وانا انصدمت اول مره يخطأ احساسي عشان كذا حبيبتي اتوقع الى الان انه ولد مدري ليش هههههههههه فهمتيني احساس قوي وانت قلتي فيه مساحه من فوق تحت صدرك مسافه هذا غالبا حمل الولد تحت وحمل البنت فوق لاصق بالكبد هذا الكلام دايم اسمعه من الحريم مع ذلك ربي يرزقك بماتتمنين ياااااارب ويفرح قلبك |
رد: تجمع حبيباتي الكروشات اللي راح يولدون بشعبان
صباح الخير
ياحلوات شخباركم مسس بدانا كلنا نوسوس حتى التوقيع خليه بعد الولاده ههههههههههههه دكتورتين قالوا بنت واحلامي كلها اني شايله ولد من قبل احلل او لابسه طقم ذهب او متزوجه غير زوجي >>>>فشله وامي حلمت ان زوجي لابس خاتم فضه واختي واخت زوجي حلموا اني جبت ولد ولافكرت افسرها قلت يارب طفل سليم معافى حسن الخلق والخلقه ومتعني وابوه واهلي واهله بشوفته باحسن حال من يوم قالت بنوته وانا بنهبل ع الاغراااض كل ماانزل السوق اروح لاغراضهم واخطط وش اخذ ومتى يااارب يااارب تمم لنا سولافتي طمنينا وباقي الغايبات وينكم |
رد: تجمع حبيباتي الكروشات اللي راح يولدون بشعبان
صباح الورد
كيفكم حبايب قلبي وصقيقاتي وكيف البيبيهات ان شاء الله كلو نفر تمااااام . الحمد لله انا تمام بس زي مس يويو فيني ضيقة ومكتومة ومالي خلق لشىء وأخلاقي براس مناخيري على قولتهم هههههههه <<<< وخروو عني الله يعييين على قولة صاحبتي لما قالت لي أيش بك قلت لها تعرفين مع الحمل الوحده تتغير هرموناتها وتنقلب رأساً على عقب >> أحلى يالفصحى قالت لي أساساً انا ماني طايقة نفسي وانا ماني بحامل عاد كيف أنتي الله يعييييين طولتها وهي قصيرة يالله ماعلينا . اما يابنات حتى زوجي شككني يقول يمكن ولد وانا أكلمها على أساس انها بنت ومو راضي يقتنع بكلام الدكتورة والله حيرني وخلاص قلت بأشتري لها وردي يقول لا رحتي السوق أشتري ألوان محايدة يمكن يطلع ولد . بس يا نعومه أنتي استخدمتي التحاميل كيف أستخدمها بالأنبوب والا بدون لأني قريت بالروشته ان الحامل ماتستخدم الأنبوب وأستخدمتها بدون وباليوم الثاني نزلت يعني مااستفدت منها . |
رد: تجمع حبيباتي الكروشات اللي راح يولدون بشعبان
والله بطني موتني من الوجع ولانمت كل امس
الم مو طبيعي الله يعين أنا متأكدة اللي فيني تسمم بس المشكلة مااقدر اروح المستشفى بلحالي لأني بأسبانيا ويتكلمون أسباني ماافهم عليهم يعني لازم آخذ مترجمة معي وبتجي بعد ساعة ونص الله يصبرني ويجيب العواقب سليمة دعواتكم بنات تكفون |
رد: تجمع حبيباتي الكروشات اللي راح يولدون بشعبان
السلام عليكم يا بنات ربنا يقر عينينا جميعا بحملنا واولادنا يارب
|
رد: تجمع حبيباتي الكروشات اللي راح يولدون بشعبان
اقتباس:
انا حطيتها بدون انبوب و حاولت اتعمق قد مااقدر وطبعا لازم وقت النوم علشان ماتنزل , ولا اتحرك بعدها , هي لما تذوب ينزل منها شوي . اصلا مااقدر اسوي شي زيادة ويادوب على هالطريقة |
| الساعة الآن 07:48 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .