|
رد: تجمع الولاده القيصريه
اختي الاميرة الحائرة.. كل شي ممكن يصير وممكن يقلب البيبي ولكن الاحتمال ضعيف جدا في وقتك هذا.. البيبي كبر حجمه وعادة من بعد دخول التاسع ما يقدر البيبي يغير وضعيته.. لا تخافين من القيصرية ترا كلها شق وخياط سواء من تحت ولا فوق.. شوفيني لي اسبوع من سويت عمليتي والحمدلله يارب اقوم واقعد مافيني الا العافيه وبعض البنات اللي مخيطين من تحت لهم اسبوعين والدين وللحين يعانون من الام الخياط والجرح..
اختي ليالي حب.. ماقدر اجاوب كل استفساراتك لاني والدة بكندا وانتي بتولدين بالسعوديه يعني بعض الاشياء بتكون مختلفه.. لكن بالنسبه للتروش عادي انا جتني الدكتورة ثالث يوم بالمستشفى قبل اطلع وفكت اللزقة اللي على الجرح وبقا لزقات ثانيه قالت بفكها لك بعدين ومن اليوم تقدرين تتروشين عادي بس لا تفركين المنطقه بالصابون ولا تجينها بيدك بس عادي يمر عليها المويه والصابون يعني اوقف تحت الشاور واتروش عادي بس ما اغسل المنطقه فهمتي.. وحرصتني بس اني اذا خلصت انشفها زين ما اخليها مبلله بشويش طبعا.. وتروشت مرتين من سويت العمليه عادي بالمرة.. وبالنسبه للعنايه بالجرح الدكتورة قالت ما تحطين عليه ولا شي ولا تقربينه خليه زي ماهو لين تجيني افك لك اللزقات الباقيه وبس.. بالنسبه للمسكنات كانو يعطوني اول يومين بالمغذي مسكن وبعدين اخر يومين يعطوني حبوب ولما طلعت صرفتلي حبوب اكلها كل ست ساعات تسكن الالام.. والحين بكمل اسبوع واقوم واقعد عادي بس طبعا ممنوع اشيل اي شي غير البيبي.. الثقيل ممكن يفتح لي الجرح لا قدر الله.. ايه ونسيت اقولك اهم سبب في سرعة شفاء العمليه هو المشي انا من اول يوم خلوني امشي بالمستشفى.. كل يوم امشي خمس او عشر دقايق والحين امشي ربع ساعه.. امشي بشويش طبعا.. بس قالو لي المشي هو اللي يساعد بالشفاء السريع.. والله يهون عليك يارب.. والله العمليه ابد ابد ما تخوف ويمكن صارت اهون من الطبيعي اذا كان شق العجان كبير والعرز كثيرة.. |
رد: تجمع الولاده القيصريه
شاركونا في مسابقاتنا الرائعه |
رد: تجمع الولاده القيصريه
ليالي الحب مافي عدد محدد للقيصريات ومافي احد يقدر يحددلك الا دكتورك اللي بيعملك العملية ومايقدر يعطي رأيه الا بعد مايفتح بطنك ويشوف اثار العملية السابقة
لأنه ع حسب بيقدر يقلك تمام تقدري تجيبي عشرة ولا اثنين ولا واحد ولا لاعاد تحاولي حتى بعيد عنك طبعا وبالنسبة لأسئلتك طبعا بيكتبولك عالمضادات و المسكنات سواء حكومي او خاص ماعليك الفرق بالعناية وقت وجودك هناك فقط وتحاولي ماتجي موية عالجرح اول خمس ايام .. بعدها عادي جدا بدون فرك وصابون طبعا ماتحطي اي خلطات ولا اي شي بس تمسحي كل يوم عليه بكحول طبي اللي هي مسحات طبية تلقيها بأي صيدلية وبس امشي من اووول يوم مهما كسلتي اضغطي ع نفسك وامشي نصيحة انتي بنفسك راح تلاحظي اول ماتمشي بتتحسني اسرع وامشي مستقيم عشان تتمدد الخيوط لما تتشد وتلتئم وهي مرتخية فيصير بعد الشفاء ماتحسي فيها وهي مراجعة وحدة تشيك لك عالجرح وتفك الغرز او اللزقات وخلاص والكبس افضل اللي هي الليزر .. الخياطة تكون فيها تحت الجلد فمايكون فيه غرز تتعبك او تتفك .. وكل ماتركتي فترة اطول بعد العملية كل ماكان افضل لكن اقل مدة لازم تتركيها ستة شهووور لكن مرة انصحك تزودي قد ماتقدري |
رد: تجمع الولاده القيصريه
انا هذي قيصريتي الثالثة بعد ايام بتكون ..
جربت في الثنتين اللي قبلها البنج الكامل واللحين ودي بالنصفي عشان يقولون اريح وابغا اشوف طفلي لما يخرج للدنيا وابغا ابقى فايقة واطمن امي واهلي .. مو اقعد ساعة بالافاقة والكل قلقان علي .. فإيش نصيحتكم لي |
رد: تجمع الولاده القيصريه
السلام عليكم
انصحك بالنصفي مع اني للامانه بكريه ومومجربه بس الكل يمدح النصفي ، ولحظة بكاء طفلك لاول مرة لحظة ماتتعوض ، اضافة الى ان البنج الكامل متعب مره اناداخله هدا التجمع لاني ناوية اولدقيصري ببنج نصفي اذا كان في ذلك الخير لي ما أحس باستعداد لعذاب الطبيعي من ساعات طلق وشق عجان وخياطة وانعدام المنطقه وكشف العورة احسها فشيله مرة الطبيعي وربنايجيب الخير نصايحكم يامجربات النوعين |
رد: تجمع الولاده القيصريه
وبصراحه سمعت مؤخرا حاجه محرجة مرة اتمنى تجاوبوني عليها
وهي خروج اشياء اخرى الله يكرمكم اثناء الولادة الطبيعيه وقوة الدفع وانتوبكرامه هل دا الشئ صحيح hwaml78hwaml78hwaml78 |
رد: تجمع الولاده القيصريه
جونة انا معاك ان القيصري يكون احيانا اهون من الطبيعي بس مو دايم.. على حسب الولادة تتعسر ولا لا البيبي حجمه كبير ولا لا وهكذا..
وفعلا شق العجان والخياطه ازمة.. انا بكرية وولدت قيصري واكتب بالتجمع مع البنات كلنا والدين حول بعض واغلبهم والدين طبيعي.. ولاحظت اني خفيت وعمليتي طابت وهم لسا يعانون من خياطة العجان ويتشكون.. طبعا زي ما قلتلك يختلف من وحده لوحده اعرف بنت لها عشر شهور والدة قيصري وللحين الجرح متعبها.. انتي وحظك وشطارة دكتورتك.. بس اذا قصدك على كشف العورة.. ترا حتى بالقيصري يكشفون العورة!! ترا الفتحه اللي يفتحونها اخر البطن عند المنطقه اللي تحت وماتدخلين غرفة العمليات الا وانتي شايله الاندر وير ويرفعون لبسك يطلعونك بطنك واللي تحته عشان يفتحون الفتحه ويشتغلون.. ايه وبعد يحطون لك قسطرة من تحت قبل يبدون بالعمليه!! عشان اخراج البول.. وبعد العمليه اذا خفيتي وتحركتي يشيلونها.. يعني العورة فيك فيك هههههه والبنج النصفي انا جربته.. روعه ما تحسين بالم ابدا وتسمعين صياح طفلك اول ما يطلع ويجيبونه لك على طول تشوفينه وتصورين معاه وتضلين صاحيه طول الوقت.. وبعد العمليه بعد تكونين صاحيه مع البيبي وترضعينه.. |
رد: تجمع الولاده القيصريه
اقتباس:
|
رد: تجمع الولاده القيصريه
اقتباس:
|
رد: تجمع الولاده القيصريه
بنات انا والد قيصري بسألكم عدة اسئلة
متي نبدأ نشرب الحليب ؟ وعادي نلبش مشد بعد العشرة ايام واذا لا متى؟ والي تعرف الارطا هل ممكن نستخدمها؟ وايش تستخدمون للمنطقة التحتية بعد الحمل الولادة ؟ |
| الساعة الآن 05:01 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .