|
رد: دردشة حوامل أهل قطر - دردشة بنات قطر - تجمع حوامل قطر
صباحوووو..
عسى دووم الدردشة عامرة بوجودكم.. الجو بررررع .. استغفر الله.. من كم يوم رحت انصار جاليري في الستي خذت لي طقم مواعين حق المستشفى.. تقريباا خلصت تجهيزي بس باقيلي تناتيف. |
رد: دردشة حوامل أهل قطر - دردشة بنات قطر - تجمع حوامل قطر
اقتباس:
أسعد الله مساكم حبيابتي و بوجودكم يارب عساها عامرة الدردشة اي والله يا حرم المالكي صدقتي الجو استغفر الله ,, مع اني احب البرد واعشق الشتا بس مب قادرة امشي على راحتي ماعرف شاسوي ,, حدي نص ساعة واتجمد مع اني البس ستين الف شي لكن الهوا لاعب لعبة ,, ماعرف وين اروح امشي ! حلااااااااااه عالمواعين ,, ياحبني لهاههههههه وش خذتي من عندهم حق الضيافة يعني ؟ تستخدمينهم وتكسرينهم بالعافية يارب hwaml7 |
رد: دردشة حوامل أهل قطر - دردشة بنات قطر - تجمع حوامل قطر
بنيات
بسألكم اذا تعرفون وين أحصل طقم فرش/لحاف / ستارة حق سرير البيبي ؟ حق السرير الكبير ,, اللي هو سرير البيت مو سرير النفاس رحت مذر كير ماعندهم الا ويني ذا بوه لونه بيج ماعجبني والباقي كله مخلص على قولته رحت تشيكو أغراضهم مغبرة مساكين بيبي شوب ماعجبني اللي عندهم جاكادي ماعندهم الا موديلين حسيتهم عاديين وين بعد ؟ احس خاطري في شي ملون بس ألوان محايدة أو شي أبيض ستاندرد كلاسيك عشان يناسب الغرفة بما أن السرير بيكون في غرفتي ,, مابي أزرق كامل ولا وردي كامل .. اذا مالقيت شكلي بطلب من النت ,,,,, أفيدوني اذا تعرفون جزاكم الله خير |
رد: دردشة حوامل أهل قطر - دردشة بنات قطر - تجمع حوامل قطر
ياهلا حبوبتي شوكولاطه
الصالون الازرق عنده اسره و توابعها الي قلتي تدورينهم روحي لهم وشوفي الي عندهم و اسأليهم عن الالوان الي تبين |
رد: دردشة حوامل أهل قطر - دردشة بنات قطر - تجمع حوامل قطر
السلام عليكم.. شخباركم فديتكم..
انا الحمدالله بخير امس كانت عندي مراجعه و كل شي تمام الحمدالله.. الاسبوع الجاي بدخل التاسع بإذن الله. شوكولاطة: فديتج ما عندنا الا هالمحلات اللي قلتي عنها hwaml15ماعندنا خيارات وايد.. |
رد: دردشة حوامل أهل قطر - دردشة بنات قطر - تجمع حوامل قطر
اقتباس:
هلا هلا حبيبتي صباح الخير صج ؟ ماخبر شفت عندهم ولا يمكن مانتبهت لهم بمر عليهم ان شالله تسلمين الغالية |
رد: دردشة حوامل أهل قطر - دردشة بنات قطر - تجمع حوامل قطر
اقتباس:
هلا الغالية حرم المالكي بخير يامال الخير انتي شلونج الحمدالله ان كلو تمام والله يتممه على خير يارب اي والله صدقتي ماعندنا الا هالكم محل* شرايكم نسوي لنا بزنس هههههه*hwaml02 الواحد يتعب لما يحصل شي عدل فالدوحة للاسف مع ان ماشالله كثرت المجمعات بس اغلب المحلات مكررة * انا اخباري اني فالمستشفى انطر الدكتورة على حظي طلع عندها عملية يارب ما ينقعوني hwaml15 |
رد: دردشة حوامل أهل قطر - دردشة بنات قطر - تجمع حوامل قطر
شوكولاطة:
بشري شسويتي في الموعد؟ و مع من تتابعين؟ |
رد: دردشة حوامل أهل قطر - دردشة بنات قطر - تجمع حوامل قطر
اقتباس:
الحمدالله كلو تمام نقعوني الاشوي .. زحمة عقب سوو لي تخطيط القلب اللي حق البيبي طلع مقطع هههه يقولون الجنين يتحرك من جذي قالت نعيد قلت لها المرة الجاية هههههه مافيني ارقد عشرين دقيقة بعد الدكتورة اسمها سجادة مادري سجاذة فالاهلي .. هندية .. اول مرة اشوفها بس مثل ماقلتلكم دكتورتي سافرت وحولتني عليها قالو لي ضغطج شوي مرتفع قلت في قلبي من النطرة حتى اخر مرة قالت لي دكتورتي مرتفع شوي قالو لي تعالي بعد يومين قيسيه وسوي تحليل اذا كان مرتفع بنولدج عاد شلون بيولدوني ماعرف .. اسألها تقول لا خل نشوف وبنقرر الله يستر |
رد: دردشة حوامل أهل قطر - دردشة بنات قطر - تجمع حوامل قطر
اقتباس:
اتوقع بيعطونج طلق صناعي يمكن اذا تم ضغطج مرتفع.. الله يسهل عليج يااااارب ادعي لنــا |
| الساعة الآن 04:09 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .