منتديات حوامل النسائية

منتديات حوامل النسائية (https://naqatube.com/index.php)
-   إستفسارات حوامل من الشهر السابع إلى الشهر التاسع (https://naqatube.com/forumdisplay.php?f=92)
-   -   دردشة حوامل أهل جدة - دردشة بنات جدة - تجمع حوامل مدينة جدة (https://naqatube.com/showthread.php?t=89452)

Nuttela 01-25-2012 04:22 PM

رد: دردشة حوامل أهل جدة - دردشة بنات جدة - تجمع حوامل مدينة جدة
 
سلااااام يا كروشات جدة

انا حامل بكرية بالاسبوع ال16 مو عارفة احسب اي شهر بالزبط ^_^

اراجع بالمركز الطبي الدولي عند هيفاء يونس ممتازة وتعاملها راقي بس مشكلتهم التاخير في المواعيد

همسات قلبي 01-25-2012 05:02 PM

رد: دردشة حوامل أهل جدة - دردشة بنات جدة - تجمع حوامل مدينة جدة
 
أنا زيك اختي مالي خبره فب حساب الاسابيع
بس انت إش قالت لك الدكتوره أنا ماشيه ع كلامها

قالت تولدي في شهر 5 ميلادي وصرت احسب كل ماندخل شهر جديد يوم 16 يعني كملت شهر

ღ ٱم ديــــــٱلآ ღ 01-25-2012 05:09 PM

رد: دردشة حوامل أهل جدة - دردشة بنات جدة - تجمع حوامل مدينة جدة
 
الله يوفقكم اخواتي ويثبت حملي وحملكم يارب

Nuttela 01-25-2012 07:18 PM

رد: دردشة حوامل أهل جدة - دردشة بنات جدة - تجمع حوامل مدينة جدة
 
مشكورة همسات قلبي
بجرب احسب علي طريقتك

الله يتمم لنا حملنا

awatif 01-25-2012 09:37 PM

رد: دردشة حوامل أهل جدة - دردشة بنات جدة - تجمع حوامل مدينة جدة
 
مساء الخير ياحلوات ... آنآ بكريه وفي بدايه الشهر السابع حآبه آخذ رآيكم بإسم محمد .. أو آحمد ..أو عبدالله .. أو سيف

كحلوله 01-26-2012 03:42 PM

رد: دردشة حوامل أهل جدة - دردشة بنات جدة - تجمع حوامل مدينة جدة
 
السلام عليكم
الحمدلله ولدت بسلامه يوم الاحد 14\2
وان شاء الله لي عوده

المخملية 01-27-2012 04:39 AM

رد: دردشة حوامل أهل جدة - دردشة بنات جدة - تجمع حوامل مدينة جدة
 
مساء الخير بناااات وكروشااات
هذا ثاني حمل لي الحمدلله
بنتي عمرها سنتين وعشرة شهور
بالشهر الي حولد فيه حتكمل 3 سنوات بالتمام ان اشاء الله
وانا دحين بالشهر السااابع
للأن مو عارفه فين أولد
ولدت بحملي الأول في سليمان فقيه عند الدكتورة دلال بوقس
طبعا طول فترة ولادتي تروح وتجي علي وساعات تخلي احد مناوب يكشف علي لاني طولت ماولدت وهي عندها ولادات وعمليات ثااانيه غيري فتكون ساعات مشغولة
الدكتورة مرررررة آخلاق ورهيبة ماشاء الله
ورايقه وصبوورة معك
والممرضااات حنونات وطيبااات ماشاء الله
الحق ينقال الدكتورة والممرضات عسولات بس العيب كان فياا طووولت عندهم ماولدت حتي كان متوقع اولد عمليه في الاخير بس الحمدلله تيسرت لي
سعر الدكتورة مااعرف كم دفعنا لاني كنت علي التأمين
بس دحين أنا مو علي التأمين وأصلا الدكتور طلعت من التأمين خلاص
وزادت كشفيتها وولادتهاا
صارت كشفيتها من 200 الي 250
وولادتها توصل لـ 8000 أو 9000
هذا الكلام قالتو لي الاثنين الي قبل الي فات
الاثنين الثاني في الاختبارات النهائيه للطلبة
هذا السعر والتكلفه يشمل المستشفي والدكتورة
بصراحه حزنت وانقهرت لاني نفسي اولد عندها مرة حبووبة ووسيعة بااال
بس زوجي مو قادر علي تكلفت ولادتهااا
اصلا عصب يقول الآلم والدفع والطلق عليك كلو هي ماعليها غير تخيط ليش كل هالمبلغ
المهم ماما قالت روحي لأسماء شحرور
أسمااء شحرور مصريه رهيبة احسها جدتي وهي تخاصم فيني
يعني فيه دكتورات ماتتقبلين انها تخاصمك بس هدي وهي تخاصم رهيبه تحسينها أمك
بس أنا ماابغاها لاني ماابغي اقعد اخلي كل مرة وحدة تكشف علي وكمان شي نفسي فيني يقولي خليك علي دكتورة وحدة بس لللأسف زوجي يقولي مااقدر علي دلال خليك عند أسماء
اسماء شحرور رحت لها بالخاامس قالت لي ان ولادتها زادت
وصارت تولد بـ 6500 لدرجة عادية
و7500 للدرجة الأولى
للولادة الطبيعية
أتوقع القصد من الدرجات الغرفة انها تكون مشتركة أو لا
العمليه نسيت بس اتوقع بين 1300 والـ 14000
والله لا يرزقنا الا بالطبيعي
....
أما عن مشتريات البيبي أذكر ببنتي اشتريت من 3-6 وكان كبير علي بنتي وكنت أحسها ضاايعه فيها وكانت سلفتي والده قبلي بأسبوعين وتقابلت معها بأخر نفاسي عند عمتي كنت احس بنتها مرتبه وأنا بنتي رايحه حوسه بلبسها
وخايفه اخذ دحين صغيرويكون ضيق علي البيبي
فماراح اشتري الا لما اتأكد من حجم البيبي
اليوم رحت لسنتربوينت والهرم
بصراحه انا رحت قبل اسبوعين لهم بس لقيت الهرم مطلع اشياء تجنن لبيبي خاااصة للبنوتااات
بعكس سنتربوينت
يعني الي تبغى تقضي تروح للهرم وسنتربوينت الي جنب بعض وتلقي نظرة علي الاثنين وتحدد
وبنفس الوقت مانبغى نحكم علي سنتربوينت لانو بفترة تخفيضات يمكن يجيب دفعه جديدة بعد التخفيضااات
بس شنط اغراض البيبي والاسرة بسنتربوينت احلى من الهرم.....انتي روحي ولكي حرية الأختيار
أنا ماأفكر اروح لغير هالمحلين لان الباقيات غاليه وحرام اشتري لبيبي ملابس وكم شهر تصغر وهو اصلا طول الوقت باللفه
بس نصيحه سنتربوينت أطقم الفنايل والبربتوزات الي تجي 3 مع بعض او اكثر تكون سيئه ومن النوع الي تتفرط وتنشد
كمان انا مااخذت رضاعات لبنتي لاني مقررة ارضع طبيعي وتورطت لما ولدت احتجت رضاعه لليانسون ورضاعه مويه وللأسف رضاعه للحليب لاني في الاخير مارضعت
فلازم تقضو رضاعات صغيرة للأعشاب والموية وكم وحدة وسط للحليب
تستخدمي فيه الحليب وقت النوم ووقت الاسواق
ههههههه احس كثرت كلام بس دامني تكلمت بقولكم بكل الي اعرفو عشااان تستفيدون وتفيدوني
وبس حبوبااات

المخملية 01-27-2012 06:14 AM

رد: دردشة حوامل أهل جدة - دردشة بنات جدة - تجمع حوامل مدينة جدة
 
بسألكم من فين حتشترو أروآب النفاس ؟
ومفرش السرير؟
واعشاب النفاااس هل فيه عطار معين أو مشهور تشترو منو؟

حبيبت جيدو 01-27-2012 01:41 PM

رد: دردشة حوامل أهل جدة - دردشة بنات جدة - تجمع حوامل مدينة جدة
 
انا اول حمل لي كمان مره خايفه من الولاده
انا بشهر السادس ادرس براء جده المشكله اختباراتي ع وقت الولاده
ابي ارجع جده اولد زوجي خايف اولد بطريق لان المنطقه الي ادرس فيها
تبعد عن جده 700 كيلو
ساعدوني ايش الحل تكفون

المخملية 01-27-2012 05:14 PM

رد: دردشة حوامل أهل جدة - دردشة بنات جدة - تجمع حوامل مدينة جدة
 
حبيبت جيدو
أنتي قصدك أنك أذا حسيتي بالطلق وألم الولادة تسافري علي جدة
مدري أحس صعبه أخاف تولدي بالطريق
بس خليني أقولك أنا لما جاتني الولادة ببنتي
خرجت الصبح من بيتي وأنا من سكان جدة
وقعدت عندهم للمغرب وولدت بعدها
يعني لو كنت من برا جدة حأوصل على ولادتي وهذا عز الطلب
أنتي أذا خايفه تولدي بسرعه نصيحه ياتجي بأخر أسبوع بالتاسع أو اولدي بالمنطقه الي انتي فيها
أو أعتذري الترم الجاي وخليك عند أهلك أذا كانو من سكان جدة أحسن لك وعشان تطمن نفسيتك بأنك حتولدي بجدة وبالمكان الي ترتاحي فيه
ترا العامل النفسي له دور كبير بالحمل
والله يسهلك ياقلبي
وخبرينا بأيش قررتي


الساعة الآن 07:20 AM.

Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)

Privacy Policy - copyright

لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .