منتديات حوامل النسائية

منتديات حوامل النسائية (https://naqatube.com/index.php)
-   المـنـتـدى الـعـام (https://naqatube.com/forumdisplay.php?f=3)
-   -   ••●ركن استفسارات الديكور والإجابة عن اسئلة الديكور ●•• (https://naqatube.com/showthread.php?t=64186)

°• ღ لمسة فن ღ •° 07-11-2011 02:49 PM

رد: ••●ركن استفسارات الديكور والإجابة عن اسئلة الديكور ●••
 
ألأجابه على أستفسارات الجوري

هالدزاين كثير حلو وعجبني بس المشكله مرايه المغسله كبيره ومرتفعه جدا والمبه تحت السقف مباشرة والمرايه تحتها بالضبط اتوقع بتصير كثير بعيده الاضاءةولو نزلت المرايه شوي راح تصير المسافه من محل الكهرب الي فالمبه للمرايه بعيداتمنى تكوني فهمتي عليه

أختي,,غيري المرايه..خذي مرايه دائريه أو مستطيله أو بيضاويه بفريم

http://forum.hwaml.com/imgcache2/hwa...520622_517.jpg

وجيبي الكهربائي..يطلعلك من اللمبه نفسها واير أضافي

للديزاين اللي فوق المرايه..سهله الشغله حبيبتي..

***********

أوكي رفعيها أو أستغني عن الرف اللي تحت..خلي بس رفين....

***********


وهذي سويت مثلها وحطيتها امام البانيو لكن للاسف طاحت لاني فتحتلها بين السيراميك الي بالجدار لكن ماثبتت وش الحل ياقمر
الحل
تتثبت بالدريييل...أنا عندي ماطاحت أختي..

واللون البرتقالي راح اعتمده باذن الله لانه عجبني مررررره بصراحه وعلى فكره انا عندي 4حمامات وانتي بكرامه ومساحتها صغيره 2في2ونص تقريبا اعتمد هالدزاين لها كلها لانها كلها نفس الشي

أعتمدي الديزاين..بس كل حمام خلي مرايته غير..واللمبه اللي فوقه غير..والستاره والأكسسوارات غير

مثال.....

أعتمدنا اللون البرتقالي لحمام..

نختار واحد بيج مع اكسسواراته

http://forum.hwaml.com/imgcache2/hwa...386219_783.jpg

واحد لأطفالج بحري

http://forum.hwaml.com/imgcache2/hwa...386220_552.jpg

واحد وردي

http://forum.hwaml.com/imgcache2/hwa...386219_914.jpg

روحي هوم ار اس عندهم تنزيلات..

أنا عني أشتري وأخبي ما أروي زوجي شي

يوم يروح أرتب وأغير

ويوم يرجع يفرح بالنتيجه

أفضل تتبعين طريقتي

لأن أزواجنا ماتهمهم هالأمور كثر ماتهمنا نحن الحريم

أسعدني تواجدك
وطيبة قلبك..

تسلمين


°• ღ لمسة فن ღ •° 07-11-2011 03:46 PM

رد: ••●ركن استفسارات الديكور والإجابة عن اسئلة الديكور ●••
 
الأجابه على أستفسارات ألماسه


أختي الغاليه..

بأمكانج تشترين مفرش طويل واحد من نفس مفرش الصاله..

وتفصلين ستاره رومانيه ساده رملي..ويركبلج عليها يخيط المفرش في النصف بحيث هذا المثلث اللي بآخر المفرش يتدلى من الستاره..عرفتي..بتطلع روعه..

فكره ثانيه..

بأمكانك تشترين 4 من المفرش..ويخيطهم مع بعض ويفصلها روماني من دون أي أضافات,,

http://forum.hwaml.com/imgcache2/hwa...703336_400.jpg

والحركه اللي مقابل الكرسي الكبير..بأمكانك وضع كونسول

http://forum.hwaml.com/imgcache2/hwa...390576_109.jpg

بيطلع راقي وهادي المكان

اما عن البراويز اللي خذتيهم بامكانك اذا غيرتي مكان التلفزيون للمكان اللي حددناه تركبينه على الزاويه اللي فيها الاضائه الطويله,,

وشكرا"

Almasah 07-11-2011 05:52 PM

رد: ••●ركن استفسارات الديكور والإجابة عن اسئلة الديكور ●••
 
واو
حركات ورق الجدران بجد تحسين كأنه طبيعي

يسلمو لمسة فن على ادراج لمساتك الفنيه

الجوووري 07-12-2011 03:11 AM

رد: ••●ركن استفسارات الديكور والإجابة عن اسئلة الديكور ●••
 
يعطيك الف عاااافيه ياقمر والله يوفقك ويرزقك من فضله ومعليش اشغلتك معاي مشكوره يالغلا

الغلا2020 07-13-2011 05:20 AM

رد: ••●ركن استفسارات الديكور والإجابة عن اسئلة الديكور ●••
 
السلام عليكم و رحمةاللة وبركاته....اختي لمسة فن اتمنى تردي علي باسرع وقت بقولك فكرتي اول شئ وبشوف تشجعيني عليها ولا..
انا قريب بنقل لبيتي الجديد كل شئ إن شاءالله تمام بس عندي غرفة الجلوس اخترت لون الارضية لون اسود عليها شوية كلين منثور وابغى رائك بالبوية انا مقررة من زمان احط لونها ثلاث جدران اسود و واحد احمر والجدران السودا بحط فيه اكسسوارات يعني مو مخليتها سادة يعني بحط نجف بالنص ع شكل معين بحيث يعطي فيها إضاءة او احط ستارة من الخرز تكون بشكل حلو اهم شئ إن الاكسسوار يكون فضي والكنب منفصل يكون بلون الاحمر والخشب حقة يكون بلون فضي اقصدحدود الكنب انا اموت ع شئ لونة اسووووود وكنت مرة مقررة ه الديزاين بس زوجي يقولي اللون يصير كاتم وترددت ولما شفت موضوعك فرحت قلت مافي إلا لمسة فن بتحلها..

انتظرك بفارغ الصبر..hwaml7

°• ღ لمسة فن ღ •° 07-13-2011 10:50 AM

رد: ••●ركن استفسارات الديكور والإجابة عن اسئلة الديكور ●••
 
رد على أستفسار الغلا

هلا وغلا..أختي الغلا..

أول شي قوليلي رايك بالصوره..


http://forum.hwaml.com/imgcache2/hwa...543442_778.jpg


تأمليها..تأمليها......!!




شو حسيتي؟؟.....






أنا عني حسيت بأن المكان حلو..بس ما أقدر أجلس فيه كثير..بطبيعة الألوان تسبب أكتئاب..وبعد ترى الألوان تأثر على النفسيه..


تبغين نصيحتي..مابحرمك من ألوانك اللي تحبينها..بدخلها لك بس بطريقه جديده..


أولا" الجدار أوف وايت..زوايا الجدار خطوط مقلم..دخلي الأسود والأحمر والسيلفر((فضي))..دخلي خطوط رفيعه بيج..كأنه ظل..

صوره توضيحيه..
http://forum.hwaml.com/imgcache2/hwa...543441_328.jpg

أو جهتين خطوط فقط على الزوايا..وبينهم صبغ أوف وايت..وباقي الجدران هاللون..


http://forum.hwaml.com/imgcache2/hwa...543441_773.jpg


*******************************


أو جدار واحد فقط بالطريقه هذي..


http://forum.hwaml.com/imgcache2/hwa...543442_369.png


أو هذي

http://forum.hwaml.com/imgcache2/hwa...544109_964.jpg

وجدار البلازما بالطريقه هذي ورق او رسم
أحمر وبأمكانج الرسم تخلينه سلفر أو أسود..أذا انتي من الأمارات بعطيك رقم رسام درجه أولى..ممتاز..
والاكسسوارات احمر وفضي والكوشنات احمر واسود وفضي

http://forum.hwaml.com/imgcache2/hwa...543442_460.jpg


وحركه مميزه دائما"

مثلا" مكان الأضائه السبوت لايت اللي في الزاويه..بنحط اضاءه متدليه..وطوييييله..تغير المكان..

http://forum.hwaml.com/imgcache2/hwa...544108_971.jpg

والسجاد أذا الكراسي حمر نختار سجاد أوف وايت..

أتمنى عجبك ذوقي..

أي أستفسار حاضره أختي..

▂▃ سوسو القمر ▃▂ 07-13-2011 11:44 PM

رد: ••●ركن استفسارات الديكور والإجابة عن اسئلة الديكور ●••
 
شسمووه يالغلا مااعطيتيني اقترااحتك بنسبه للشبابيك الي باخر الاسياب
لانه نااويه افصل شبااك المجلس قلت بالمره افصل لشبابيك كلها
انتظر ردك بفاارغ الصبر

Almasah 07-14-2011 01:39 AM

رد: ••●ركن استفسارات الديكور والإجابة عن اسئلة الديكور ●••
 
:)
لمسة فن
مشكوره وماقصرتي
ترى رديت عليج من ذاك اليوم
بس اللحين مااشوف ردي اختفى >> جني ههههه

انا قبال الكراسي عندي المطبخ كاونتر مفتوح ع الصاله
ماأقدر اركب اللي قلتي عليه " كونسول " ...>> مدري اذا اسمه كذا
عباره عن طاوله ومرايه وشمعدان
الحركه حلوه بس مو لايقه
عندي بين الغرفتين حمام لكن باب الحمام على جنب
وتنااااااااسب جداً جداً اركب مرايه ورف واحط شمعدان واشغلهم بليله رومانسيه
لكن للأسف
عندي بهالمكان عداد الكهرب صندوق اسود بارز
حتى امي تقول مشوه المكان هذا
اذا عندج لي له حل
وشكراً جداً لج

°• ღ لمسة فن ღ •° 07-14-2011 12:43 PM

رد: ••●ركن استفسارات الديكور والإجابة عن اسئلة الديكور ●••
 
اقتباس:

المشاركة الأصلية كتبت بواسطة قلب نوافي (المشاركة 1268596)
شسمووه يالغلا مااعطيتيني اقترااحتك بنسبه للشبابيك الي باخر الاسياب
لانه نااويه افصل شبااك المجلس قلت بالمره افصل لشبابيك كلها
انتظر ردك بفاارغ الصبر


هلا وغلا قلب نوافي.....

بما أن السيب عندك ضيق..فما أنصحج بالستائر المتدليه((نفس ستارة المجلس عندك))..

أنصحك بالستائر الرومانيه..أنظف وأرتب..حتى طفلك مايقدر يتعلق فيها..تقدرين ترفعينها فوق..

أختي تقدرين تختارين الرأس اللي بيعجبك من هالديزاينات..وتركب الحركه سقف الجدار((من أول الجدار فوق))..

وتقدرين تختاري ديزاين من غير الرأس في كلا الحالتين الروماني راقي..

شوفي هالرأس للستاره..وطبعا" تحت بنخليه روماني شيفون فقط..
فقط الرأس..من دون زم الستاره على طرف والوسط..

http://forum.hwaml.com/imgcache2/hwa...636618_762.jpg

وهذا رأس خفيف..

http://forum.hwaml.com/imgcache2/hwa...636618_168.jpg

يعني بيكون أختيارنا نفس هذا..رأس وروماني,,أرتب..

http://forum.hwaml.com/imgcache2/hwa...636617_861.jpg

http://forum.hwaml.com/imgcache2/hwa...636617_552.jpg


أو من دون رأس ....شوفي ..تختارين قطعه نقش بسيط ومودرن,,وتحديد ساده خط واحد..وكرستال..

http://forum.hwaml.com/imgcache2/hwa...636617_188.jpg

أتمنى عجبك ذوقي..

وأتمنى أشوف التغيرات بأذن الله..

بالتوفيق..

وشكرا"..




°• ღ لمسة فن ღ •° 07-14-2011 12:48 PM

رد: ••●ركن استفسارات الديكور والإجابة عن اسئلة الديكور ●••
 
قلب نوافي ..وهذا ديزاين آخر....

http://forum.hwaml.com/imgcache2/hwa...054177_168.jpg


الساعة الآن 02:40 AM.

Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)

Privacy Policy - copyright

لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .