المشاركة الأصلية كتبت بواسطة نسمات عطره (المشاركة 4165305)

راح اكتب لكم عن امس يوم السحب....

الساعه 8:45 دخلنا المستشفى قالت لنا السستر اجلسو شوي جلسنا تقريبا 5 دقائق وبعدها نادت علينا اول مارحنا لنا حطه على يدي اسورا مكتوب عليه اسمي ورقمي الشخصي ورقم الفايل وسالتني من الساعه كم صائمه وخلتني اوقع وعطتنا علبه للسائل المنوي واخذنا وركبنا فوق في غرفه فيها سرير وتم زوجي الانزال فيها ونزلنا عطيناهم العينه وقاست اوزانا وكتبتهم في ورقه ودخلتني غرفه فيها ست اسره وكل سرير عليه لباس العمليه الاخضر وقالت لي بدلي ملابسك وهي طلعت وسكرت الستاره وغيرت وحتى الدبله خلوني اشيلها وبعدها جت ومعها سيلان وابر ركبت علي السيلان وضربتني ابر في ساق اليد وصار اثر الابر كره صغيره حطت حوالينها دائره وكتبت وقت اللي ضربتني فيه وكان 9:45 بعد ربع ساعه تقريبا جت السستر وضربت ابر في السيلان وبعد ربع ساعه ثانيه طلبت مني اروح الحمام وانتم بكرامه ورحت رجعت جلست شوي الا هي جايبه لي نعال ابيض مكرمين وقالت لي جاهزه قلت اي وخلتني البسه وودتني غرفه العمليه دخلت وكان صوت القران يصدح وفي الغرفه سسترات وممرضات واجد وسستر ثانيه صارت تكرر علي اسمي ورقمي الشخصي دخلت وكان في ممرض مصري شايب جلس يمزح معي يحسبني خايفه خلوني انسدح على السرير وحطو على جهاز الضغط وجهاز القلب في الصدر وركبو حديد في السرير وبعدها الممرض ضربني ابر في السيلان وجاب المخدر وكان لونه مثل الحليب وضربه في السيلان ويقول لي اذكار وخلاني ارددها وغفت عيني وبعد ربع ساعه تقريبا اوتعيت واخذوني على سريري وبعد ساعه دخلو زوجي علي بعدها جت السستر وضربتني 4 ابر في العضل ثنتين وفي الفخذ ثنتين جلست عندهم الى الساعه 2 ونص وشالو السيلان وقالو لي خلاص بدلي وامشي ...

كتبو لي على 3 انواع حبوب وجل مهبلي ... و 4 انواع ابر

الاعراض اللي حسيت بها هي دم بعد السحب ... الم مثل الم الدوره و للان معي ...
دوار في الراس والى الان معي بسيط جاني وقت الصلاه

المشاركة الأصلية كتبت بواسطة اماني محمد (المشاركة 4165447)

الحمدلله على السلامة يا حبيبتي وان شاء الله ربنا بكملها معك بالخير كم بويضه سحبو؟ ؟

المشاركة الأصلية كتبت بواسطة Fatima 14 (المشاركة 4165457)

الله يتمم لك أختي ويرزقك الذرية يارب

المشاركة الأصلية كتبت بواسطة نسمات عطره (المشاركة 4165452)

الله يسلمك الظاهر 12 بويضه

المشاركة الأصلية كتبت بواسطة اماني محمد (المشاركة 4165476)

يا رب .. توكلي ع الله وظلك حطي ايدك ع رحمك واحكي ثم جعلناه نطفة في قرار مكين ظلك ردديها ويا رب تحملي ب 3 توائم

المشاركة الأصلية كتبت بواسطة ..asrar (المشاركة 4165652)

الله يرزقك الحمل وما يضيع لكم تعب يا رب ... ويرزقني ويرزق كل محروم


حبيبتي بسالك وش الحبوب الي كتبوها لك بعد السحب . .
وليه تاخذي ابر بعد السحب وش الفايده منها ..!

انا متابعه لك .. وادعي لك