|
رد: تجمع حوامل ليبيا
شن اخباركم بنات ميمونة واضواء
تعرفو شن اندير انطيب في الخبزة توا .. ايه في الوقت هدا ماتشتغربوش قريب ننفجر من الضغط النفسي طلعت لحوش عمي ورجعت غيرت جو شوية حتي زوجي صايرة مش متحملة كلمة منه اي كلمة نقولها نزعل منها |
رد: تجمع حوامل ليبيا
انا اسفه نخش ونطلع بسرعه وننسى نسلم عليكم والله رايفت على جونا بس الظروف تحكم
ميمونه حبيبتى ماتزعلى منى بس لما شفت ناس تعز عليا ماتو شباب صغار وجعونى وتميت ما نحمل احد يغلط فيهم عشوقه الغاليه تمنيت لو انك عطيتينى رقمك انا الوحيده الى قدرت نطمن عليها ام سعد وهى بخير وسعودى احواله تمام اضواء لك وحشه وانشالله ما يجى لبلاد الا كل خير والله المسأله مش فلوس بس انا نفسى لما قامت الانتفاضه راجلى سألنى نحنا شن ناقصنا الحمد لله بيت وسياره وعلاج على حساب المصرف ومتريحه بس مش حاسه بالحريه الحمد لله ونسأل الله ان يحفظ بلادنا من كل شر |
رد: تجمع حوامل ليبيا
ام اجنادين غيرتى اسمك طيب مبروك التغيير وانشالله ربى يرزقك اجنادين بس شن معنى الاسم
|
رد: تجمع حوامل ليبيا
اهلين ام قصي
ايه واخيرا غيرته هدا اسم معركة بين المسلمين والروم |
رد: تجمع حوامل ليبيا
ان شاء الله يارب
|
رد: تجمع حوامل ليبيا
السلام عليكم كيف حالكم كلكم وربي يهدى البلاد وينصرنا ويفكنا من هالناس اللي مش حامدة ربها على النعمة الدنيا مش كلها فلوس وبعدين تو يشوفو شن يصير فيهم وحتى هما مش كلهم اصحاب حق والله نعرف ناس في بنغازى والمرج قالو اللي يقول انى مع معمر يقتلوه وقاتلين بنت في المرج ومزقوها وقالو هذوم مرتزقة ربي ينصرنا عليهم وبعدين وين بيردونا لعهد المملكة وجايبين ولد ادريس ويقولو ولي عهد ليبيا اما اصلاح اللي يحكو عليه والله كله فساد ومن اولها دخلولنا امريكا اللهم من اراد بلادنا واهلنا بسوء فاجعل كيده في نحره واشغله في نفسه
|
رد: تجمع حوامل ليبيا
والله من هالحال حتى حملى ماخلونى نفرح بيه 5 سنين نستنى وامتى عرفت بالحمل بعد انقلبت البلاد
|
رد: تجمع حوامل ليبيا
اهلين حبل الوصل كيف حالك الف الف مبروك والهي خشت فرحه لقلبي لما عرفت انك حامل الله يفرحك زي مافرحتيني حبيبتي يبو ايقنعونا انهم بخير وعايشين في امان والهي ال صايرلهم نفس سيناريو العراق تعرفي حارقين دمنا عليهم وهما يهينو فينا والهي البلاد ماخربها الا ها مفرخ صغار وماعندهم كبير اقسم بلله ال ماتو في طرابلس اغلبهم سكارا ويقولك شهيد تدوي كلام الحق تطلعي كافره احني نبو نهدو الوضع باش الامريكان يرجعو علي قراراهم وهما شي اتقولي كان ايخشلهم في حياشم ويقتل فيهم الله فضحهم في اليبيه جابو ناس من عندهم قالو الحق وهاتي مني ايصدق منهم توا لما ايخشو الامريكان تو ايشوفوه الامان حسبنا الله ونعم الوكيل
|
رد: تجمع حوامل ليبيا
صحيتي ياتيمو والله فرحة ناقصة لكن انى والحمد لله عندى ايمان كبير بربي ومتفائلة بان بلادنا بترجع زى قبل واحسن وكلامك كله صح وانى معاك في كل كلمة قلتيها لكن هاتى من يفهم
شن حالك انتى وبنوتتك |
رد: تجمع حوامل ليبيا
مساء الخير /كيف حالكم يابنات كلكم بون أسثتناء والففففففففففففففففففففففففف مبرررررررررررررررررررررررررروك حبل الوصل وأن شاء الله ربى ايتمملك على خير وتشوفى بين أيديك ويارب ينصر بلادنا
|
| الساعة الآن 10:21 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .