|
رد: ديوانية البحرين - دردشة حوامل البحرين - البحرينيات
اقتباس:
شخباركم.. انا قاعدة من الساعة ست ونص ومافيني نودة عيزت وانا اتقلب على السرير.. مادري شفيني:( حتى زوجي عباله وياي ألم روز،، سوري قمت امس بسرعة عصب علي وعلى طول صكيته.. انا كنت باسألج نفس السؤال لانه توني املاحظة هل سالفة من يومين.. طالع لي حرار صغار في رقبتي .. ورقبتي مو بس خط واحد الا خطوط وغير انها صارت سمرررة واايد غير عن جسمي .. مادري طبيعية هالسالفة من الحمل او لاhwaml5 فجورة،، الحمدلله على سلامتج ويتربى في عزكم زاايد |
رد: ديوانية البحرين - دردشة حوامل البحرين - البحرينيات
هلا فلونتي..يا صباح النور..مصحصحة اليوم :d
بس قولي ان شاء الله كل هذي الاشية اللي تصير في الحمل تروح بعدين امي تقول لج حمدي ربج ان ما طلع في ويهج..في ناس يطلع في ويههم ويتشوه شكلهم الحمد لله على كل حال اللاااااي..زوجي يقول لي استوت الطلبية اللي طلبناها من الفخار حق التوزيعات..ان شاء الله اليوم اييبهم..وبابتدي اصبغهم |
رد: ديوانية البحرين - دردشة حوامل البحرين - البحرينيات
بنت الاياويد..شكله ما بنجوفج وايد من شواخة ام الصياح خخخ
الله يخليها لج .. Roze..هذي توج..لاحقة بعدين في الاشهر الاخيرية..هذي اذا قدرتي ترقدين عدل من دبتج ومن الثقل .. فجوره..يا هلا ام زايد منورة الديوانية بوجودج..ما بغيتي تطلين علينا |
رد: ديوانية البحرين - دردشة حوامل البحرين - البحرينيات
اي روووز مادري شفيني يختج ما كنت جذي ،، احين ماتييني النودة الا بالزوور وخبرج كل دقيقة لازم نحتاج الحمام ومن اقعد خلاص طارت النودة..
انتي طلع لج تشققات في بطنج ؟؟ انا طلع لي واايد واستخدم كريم بالمرز وزيت زيتون ومافي فايدة على قولتج ان شاء الله تروح عقب الولادة والحرار الي في رقبتي كنت افكر اروح المستشفى بس طمنتيني حالج حالي يعني |
رد: ديوانية البحرين - دردشة حوامل البحرين - البحرينيات
وعلى طاري التوزيعات انا خذيتهم وللحين ما اشتغلت فيهم مولية،، على الاسبوع الياي بابتدي فيهم.. انا خايفة اشتري الجوكليت من احين مادري شاسوي وحتى بطاقات ما سويت
ووايد بارردة:(.. يلاا اشتغلي في توزيعاتج علشان تشجعيني ونضيع وقتنا |
رد: ديوانية البحرين - دردشة حوامل البحرين - البحرينيات
تصدقين فلونة.. انا اصلا من حملت ما ذقت طعم النوم اللي خبرج..يكون الواحد مرتاح في النوم..انا اتملل من كثر ما اروح الحمام.. ساعات اظل اتقلب يمين يسار ابي اروح الحمام..بس اتعاير خخخخ .. وبعدين بطني يعورني
انا ادري عن هالاشية اللي تصير للحامل عن الرقبة والسواد اللي يصير لها.. بس انا ملوع جبدي.. مو مشتهية نفسي كلش بالنسبة لتشققات..لا انا ما طلع لي غير ذي الخط اللي في البطن..هذي يقولون كلف الحمل توني ادري ان يسمونة كلف انا بعد الحمل بروح اسوي حمام مغربي اشيل هالوسخ هههههههههه ما بخلي روحي جذي |
رد: ديوانية البحرين - دردشة حوامل البحرين - البحرينيات
ههههههههههههههههههههههههههه لحوول والله حالتنا صعبة .. انزين سواد معليه بس ليش هالحرار والحكة في الرقة سالفة يديدة.. وعلى قولتج الكلف ناس حتى في ويههم يصير لهم... انا قلت حق الدكتورة عن الحكة الي تصيدني في بطني تخيلي كتبت لي اللوشن الابيض مال بوشنيتر... انا بروحي من جفته خفت.. وكتبت لي تحليل دم حق وظائف الكبد ومارحت سويته خايفة
تعالي مني انتي شمقعدج من صباح الله خير ،، واحشج الريل هاا اعترفي :p |
رد: ديوانية البحرين - دردشة حوامل البحرين - البحرينيات
بالنسبة لتوزيعات..انا متشوقة اجوفهم..يقول لي شكلهم كيوت حتى بدون تلوين..
عيل لين يابهم اليوم بالونهم وبراويج بحرج شوي علشان تشتغلين على توزيعاتج خخخ انا ريلي يبي يشتري حلاوة من الحين..بس احسه بيخترب مادري والله انتي من وين بتاخذين الجوكليت؟؟انا مادري من وين اخذه |
رد: ديوانية البحرين - دردشة حوامل البحرين - البحرينيات
بو شنيتر عاد؟؟ شدخل خخخ
ذكرتيني في الشنيتر اللي صادني وع ههههههه وانا كبيرة وعن التحليل حق وظائف الكبد ..انا ماسو لي ليش يعني؟؟شمعنى قالو لج؟؟ سكتي فلوونوو..واحشني عدل هذي ولحين ما سافر..هذي اذا سافر مادري شلون حالتي بتصير خصوصا بغيب اكثر من نص شهر :( |
رد: ديوانية البحرين - دردشة حوامل البحرين - البحرينيات
انتي ذقتي الجوكليت مال مخبز دلمون وايد احبه :d ،،، شكلي باخذ من هناك وريلي يقول خل نسوي تغيير وناخذ كافي جواهر بس احسه مايصلح فيه منه صغار وكبار ...
وليش ما خليتيهم في الفخار يصبغونهم اريح لج.. ابي اقعد ريلي جان نتريق ونروح الماتم ،، وعدني اليوم يوديني الممشى وان شاء الله الجو يصير زين لانه اذا تم بارد باقعد مكاني |
| الساعة الآن 05:26 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .