منتديات حوامل النسائية - تجمع الحوامل اللاتي سيلدن بشهر ربيع الاول 1432 ‏

السلام عليكم ............

كيفكم حبيباتي ......

بعد التفحيط والبحث الطووووويل في مشاركات الأخت قشر قهوه ....

عملت لي نظام وحبيت إن اختي قشر قهوه تقيمه أول بعدين أشوف الأخطاء إذا فيه واستخدمه ....

أول شي ((بسم الله الرحمن الرحيم)):
اللهوم العشرين يوم الأولى:
الحلب وهو الحلبه -الماش -حبه سوداء-حبه حلوه-قرنفل-طبعا 2ملعقه على الريق وفي الليل زيهم وإذا معاك مويات لايستخدم أكثر من أسبوعين وحتى لو بغيتي الحلبه مع الأكل أوكي بس بدون طحن بس بعد20 يوم الأولى لايتوقف

أعمل 3ثلاجات :
1-قهوه بدون هيل وتأخذي كوب تحطي فيه من دواء القهوه تقريباً ملعقه وصبي عليها القهوه وسمي بالله مع التمر المعجون ....(((ملاحظه)))):دواء القهوه هو :مره-رزنه-شوي عنزروت-مقل))وإذا ماعندك دواء قهوه حطي مع فنجان القهوه كسرة مره..وبالنسبه للتمره :أضيفي معها كمون مطحون- رشاد حب-سمن بري أو زيت زيتون-حبه سوداءمطحونه-فلفل أسود-وحطيها بكيس تبع اللحمه علشان تبقى لينه

2-الثلاجه 2:

حليب أضيف إليه هذا السفوف((حلب-ماش-فلفل أسود))ويحلى بالعسل وبالعافيه

3-الثلاجه 3:
شاي أعشاب ((أبسط شاي إللي هو)) :كمون-دارسين-شمر-قيصوم-حزاه-فوه..هذي الأعشاب لاتطحن بس تكسر وتغلى غلي بسيط

الغداء :زي ماتحبي بس تضيفي له((الفلفل-ماش-حبه سوداء))بدون طحن (أكلي راح يكون خبزه ومرق ولحم بأصبر لأن(من بغى الدح ماقال أح)خخخخخ

والعشى والفطور نفس الشي
بس الفطور يكون الصبح يعني بعد صلاة الفجر وأرجع أنام وأهم شي مااحس بالجوع أبداً

المنقوعه:أحط بعلبه موية صحه ((مره-محلب-شوي عنزروت-مباركه)ماأدري بالمنقوعه شاكه فيها تكون في شي غلط
أحطها بالثلاجه وقبل لاأشربها بنص ساعه أطلعها وإذا الجو بارد زي عندنا مايحتاج تنحط بالثلاجه بس كل ماجت بتخلص زيدي مويه ..والعصييييييييييييرات خارج النطاق

الكبو:وهو عباره عن ((قشر بصل-مره-كمون-حلتيت يابس-خواجوا-قرن بقره-حزاه-ترنج-فلفل هوا-محلب-مقل-رشاد-))كلها تطحن معاد الرشاد ((ماأدري هو كذا صح...أخذت الصعب وإذا في أسهل ماراح تقصرين ياقشوره

طبعاً الكبو قبل النوم وألبس فوطه أحط فيها حلتيت رطب علشان الشمم والكبو يستخدم آخر عشرين يوم (يوم يه يوم لا)وإذا معك شمم أبدئ بأستخدام الكبو قبل العشرين يوم الأخيره

سفوف العشرين يوم الأخيره :

محلب-رشاد-حبه حلوه -قرنفل-فلفل أسود-وتؤخذ ملعقتين الصبح وزيهم في الليل

الأكل الممنوع(برتقال-باميه-ملوخيه-جلي-خيار-طماطم-كوسه-بطاطس-الخضار إللي فيها مويه-البطاطس والجزر ممكن إذا كانت مع مرقوق والتفاح حلو بعد))

الترويش :لاتوقفين تحت الدوش والمويه تضرب راسك ...الترويش لشعر ومش كل يوم ضمي رجلينك وكبي المويه على نفسك شوي شوي وقفلي مروحه الشفط .....

الغسول ...:::
في الأيام الأولى ::ماء وملح
في الأيام الأخيره::أرطا-وقشر رمان

ملاحظات هامه:::

إذا معك صوت شوي الكروشه (بالكرشه أو بالدجاج أو بالخبزه)
تحاميل البوثيل تأخذ قبل الجماع ب4 أو5 أيام....والجماع مايصير إلا إذا خلصتي الأربعين حتى لو وقف الدم
الخمس فناجيل لاتنسيها تؤخذ في الأسبوع الأخير مرتين في اليوم وهي((محلب-كمون-عويدي-رشادحب-فلفل أسود-))وطريقتها بموضوع الغاليه....
وفي طريقه للقشر وهي((قشر-3عيدان قرفه-3تمرات-سنوت اخضر-حبه سوداء-وسكر إذا تبين-وزنجبيل إذا مافيك مويات))

ملاحظه((ياكثر ملاحظاتي)):القيصري ماتفرق عن الطبيعي أبداً إلا أنها ماتربط وماتشرب حليب في الأيام الأولى ..

وربط البطن يكون بالشماغ ويدهن البطن بجوزة الطيب اوزيت الزيتون ....

وهذا هو النظام أنتهى بحمدلله ....

ياكروشات هاذا نظام نسخته لكم وان شاء بتستفدوون
كل الي تستفيد من نظام ادعولي بالشفاء وتسهيل ولادتي وربي يرزقني طفل معافى ويشافي ابوي ويفرج لي كل هم
وهاذا منقول انا ماجربته يعني ماعرف صح او خطا بس كل من شافه مدح فيه