|
رد: .·¤ تجمع الحوامل اللي ولادتهم في محرم¤·.
ام نور انا موجوده
كيفك وكيف عيالك ونونتك |
رد: .·¤ تجمع الحوامل اللي ولادتهم في محرم¤·.
صباح الخير. ....
يابنات وش سالفة الابلال هذه هل هي طبيعيه ولا فيها خطوره بجد قلقانه ملابسي الداخليه فيها بلل وانا خايفه ولا عندي احط اروح للطوارئ الحين لها اسبوع معي انا فالبدايه خفت انها موية الجنين بس خواتي قالو لا لانها لا لون ولا ريحه زي المويه العاديه شي يخوف ويقلق بالله يأهل الخبره طمنوني. .. يلزمني اروح للمستشفى ولا لا مع ان ولله الحمد مافي الام والاوضاع مستتبه |
رد: .·¤ تجمع الحوامل اللي ولادتهم في محرم¤·.
بنات شلونكم ،، وحشتوني ،، الحمدلله عدى زواج اخوي على خير ،، شوي تعبت من الوقفه ،، واليوم رجولي تنفخت وظليت رافعتها لين المغرب ،، الحمدلله الحين اخف ،،
شخباركم !؟ وشخبار دبيبكم ؟ والنونوات شخبارهم ؟ |
رد: .·¤ تجمع الحوامل اللي ولادتهم في محرم¤·.
انا المستحيل ،، مشكوره حياتي ،، ربي يبارك فيج يالغاليه ،، وماعليج شر يالغلا حاولي تتصبرين على حبوب الكالسيوم لانه مفيد ،، واشربي حليب لانه مهم ،، عشان ما تتغربلين بعدين مع البيبي ،، طلعي واستانسي ،، وربي يهدي لج زوجج واولادج ،، ويسخرهم لج يارب ..
ههههههه فديتج ،، اما احط صورتي ههههه اتخيل ،، ياويلي ،، بس الكل قالي طالعه كيوت مع المكياج الناعم وفستان الحمل :$ وقالوا ان الحمل محليني ،، وعليج يالعافيه على الجوال الجديد،، |
رد: .·¤ تجمع الحوامل اللي ولادتهم في محرم¤·.
روح الورد ،، احنا بخير يالغاليه انا والنونو بتاعي ،، انتي شخبارج ؟ وشخبار النونو ؟ ربي يبارك فيج حياتي ،، الزواج كان حلو ،، وظلينا لين 3 الفجر ،، دخلت البيت مع اذان الفجر هههههه ربي ستر ان زوجي نام لان وراه دوام ،، لكن الحمدلله ما قال شي ،، لانه زواج اخوي ،،
ربي يفتحها عليكم يارب وتفرحين بالتجهيزات ،، شعور حلو تجهزين للنونو ،، ما تملين من اغراض وملابس البيبيهات ،، وكلام الناس صج يقهر ،، ضيوفج ثقال دم ياربي ههههه اعوذ بالله ،، حاطين البال عليج ،، حصني نفسج يا عمري ،،. ماعليج شر يالغاليه من الكحه ،، وصج تقهرني لما تجيني اوقات راحتي او في اوقات غلط هههه ام يارا ،، ماعليج شر يالغلا ،، ممكن لانج تاكلين حبوب الحديد على خلاوه ،، حاولي تاكلينها بعد الاكل بساعه ،، وعلى طول ارتاحي لا تتحركين عشان ما تتعبين ،، او ممكن تقولين للدكتورة تغير لج الحبوب يمكن انها قويه عليج ،، هههههههه اما سالفة الغدا هذي قصه ثانيه ،، ههههه مسكينه عمتج ،، والحمدلله انه ما عصب ،، وعدت على خير ،، تروحين وترجعين بالسلامه ديري بالج على نفسج ،، ربي يرزقج اللي في بالج يارب وتفرحين بها ،، |
رد: .·¤ تجمع الحوامل اللي ولادتهم في محرم¤·.
دلع ،، ربي يبارك فيج يالغاليه ،، ويتمم لاختج على خير يارب ،، صار خاطري بتين ،، جبتي طاريه ههههه،، ربي يطمنج بموعدج وتطمنينا ان شاء الله ،، وعليج بالف عافيه الملابس ،، تلبسنهم يالعافيه يارب ،، وعقبال ماتشترين للنونو ،، الكالسيوم يعطونج الحكومي لو طلبتيه،، انا طلبته واعطتني الدكتورة اياه ،، كبسوله خضره فاتحه وريحتها فانيلا ههههه احبها حيل ،،
تكفي 5000 ريال ،، انا وزوجي مخلين 7000 مع التجهيزات والتوزيعات واللي بيعطيه لأمي بولادتي ،، بس قضيت اغراضي واغراض النونو من السعوديه وماكلفنا الا 3000 ريال بس !! مع طقم النفاس كامل ،، وطقم صغير !! وملابس لي وله ،، يعني الحين اللي باقي علي شي قليل وراح اخلي له 2000 ريال بس لانه شوي مو كثير ،، احس مافي داعي نشتري شغلات مالها لزمه ،، لان حرام الاسراف ،، وممكن تحصلين نفس مستوى بضاعة مذركير في سنتر بوينت او ردتاق او طابا ،،! يعني حلو تنوعين بمشترياتج ،، روعه شغل اختج ،، يممممممي شكله لذيذ ،، تسلم ايدها |
رد: .·¤ تجمع الحوامل اللي ولادتهم في محرم¤·.
نبعة الحب،، ماعليه شر سعودي وربي يقومه بالسلامه ربي يحفظه لج ويبلغج فيه ،، وماعليج الا العافيه يالغلا ،، جربي يسخني ماي وتحطي فيه ملح وتسوي مضمضه فيه ،، ينفع للانفلونزا ،، واشربي عصير ليمون وفلفل اسود شوي ،، ربي يشفيج ،،
انا جهزت اغراض النونو الاساسيه ومفرش النفاس ،، بس باقي اغراض الصيدليه ومواد التنظيف من شامبو وكريمات وعطور وغيره ،، وهذا راح اخليه لين السابع او الثامن باذن الله ،، واحس افضل اني جهزت وهل لان بعدين بصير ثقيله وما راح اقدر اطلع وامشي ولا راح اخذ اللي في بالي ويعجبني ،، وخصوصا اني كثير خايفه من الولاده المبكره الله يبعدها عننا ،، لان صديقتي من دخلت السابع جاها طلق وقالت لها الدكتورة ارتاحي ومافي طلعه ولازم تاخذين ابر توقف الطلق ،، وفعلا مسكينه ماجهزت ولا شي ،، زوجها وخواتها جهزوا لها على مزاجهم وذوقهم ،! وبسم الله عليج من الصداع يالحلوة جربي تمسحي مسحة خفيفه من الفيكس على جبهتج ونامي ،، ربي يطمن قلبج ،، راح انتظر انا بعد للاسبوع العشرين وان شاء الله احس بحركه صريحه من البيبي بدل الرفرفات ودقات القلب بس ،، ربي يحفظ كل اجنتكم يارب ،، |
رد: .·¤ تجمع الحوامل اللي ولادتهم في محرم¤·.
عيش الحياة ،، اطلعي حاولي تغيري جو شوي عن جلسة البيت ،، تراها تقصر العمر ،، وحاسبي على نفسج من سكري الحمل ربي يبعده عنج وعنا،،. بسم الله عليج حبيبتي من الدوخه ،، حاولي ترتاحين شوي لما تجيك الدوخه لان البيبي يسحب دم منج ،، على كلام الدكتورة ،،
والحمدلله انج تطمنتي على البيبي ،، وان شاء الله بجد تطلع بنوته حلوة ،، اثري ،، انتي لج وحشه اكثر يالغاليه ،، بخير دامج بخير فديتج ،، ههههههه ربي يعينج على ولدج ،، فديته مو قد كلامه ،، ربي يحفظه لج يارب ،، ويبلغج فيه ،، |
رد: .·¤ تجمع الحوامل اللي ولادتهم في محرم¤·.
اهلين مراااوي مبروك زواج اخوك
يالله انا قلت لك اذا جيتي من الزواج سولفي علينا مشتاقين لسوالف الزواجات كيف الطق حلو والتقديمات والعشا وكل شي فاضين وش ورانا |
رد: .·¤ تجمع الحوامل اللي ولادتهم في محرم¤·.
اللهم سترك ،، ربي يطمن قلبج وتجين تطمنينا يارب ،،
وربي يبارك فيج يالغاليه ،، ويخليلج اخوانج وخواتج ،، ويبلغج بافراح اولادج يارب ،، ومشكووره على النصيحه فديتج ،، وعليه بالعافيه ولدج الملابس ،، وربي يعينج على تربيته وترتاحين من الحفاظ ،، انا راح اسوي فور دي ان شاء الله برمضان او بعد رمضان بكون بالسادس او بداية السابع ،، بس احس مافيني صبر ودي اسوي برمضان ،، وردة الجوري ،، ربي يبارك فيج يالغاليه ،، والله وناسه استانسنا حيل ،، بس تنفخت رجولي الله يعزج من الوقفه ،، و اهلي كلهم يحاسبون لي وبالدقيقه يخلوني اقعد ،، حتى اخوي الله يحفظه يأشر لي وهو على الكوشه اقعدي ولا تمشين ولاترقصين ههههه لاني اخر العنقود وهو حيل يحبني ويداريني فديته ،، الحمدلله تطمنتي على البيبي فديتج ،، جنان الورد ،، ماعليج شر يالغلا ،، الحرقه هذي تذبح ،، انا صرت اخلي دوا الحرقان جنب راسي عند السرير ،، اول ما يبدى اشرب منه ،، الحمدلله ان مامنه ضرر ،، والا كنت تغربلت ،، جربي تروحين الصيدليه وتاخذين هالدوا ،، اسمه (موكسال) ترجينه وتشربين منه غطا ،، او تقدرين تاخذين مصاص تمصين واحد باليوم ،، ومفعوله حلو وينباع بالصيدليه ،، مسكه ،، فديتها شبيهتج الحلوة ،، ربي يحفظها لج وتشوفينها بين احضانج واحضان ابوها يارب ،، موون ،، شخبارج ؟ شلون النونو ؟؟ احب دادو ،، ماعليج شر وان شاء الله بنات تبوك يفيدونج ،، |
رد: .·¤ تجمع الحوامل اللي ولادتهم في محرم¤·.
اعز الناس ،، ههههههه حالي من حالج والله ،، باليوم 3 مرات امر الغرفه اللي حاطه فيها تجهيزات النونو ،، واقعد اشوفهم واطل عليهم ،، والا كلش كلش اطل من بعيد ههههههه يعني اتطمن ! والله اوقات احس روحي تخبلت ،، بس معذورين والله بكريات وانتظرنا كثير لعيونهم فديتهم انا ،، ربي يتمم لنا على خير ويعطينا على قد نيتنا يارب ،،
وهذي هي طريقة حساب شهور الحمل يالغلا : كيف يتم حساب شهور الحمل ؟ الشهر الأول من أول يوم في الدورة الشهر الثاني 4 أسابيع و4 أيام تدخلين الثاني الشهر الثالث 9 أسابيع تمام تدخلين الثالث الشهر الرابع 13 أسبوع و3 أيام تدخلين الرابع الشهر الخامس 17 أسبوع و6 أيام تدخلين الخامس الشهر السادس 22 أسبوع و2 يوم تدخلين السادس الشهر السابع 26 أسبوع و5 أيام تدخلين السابع الشهر الثامن 31 أسبوع و1 يوم تدخلين الثامن الشهر التاسع 35 أسبوع و4 أيام تدخلين التاسع |
رد: .·¤ تجمع الحوامل اللي ولادتهم في محرم¤·.
*
* نوقا ،، ربي يبارك فيج فديت قلبج ،، وربي ما الومها امي فديتها ،، ربي يحفظها ،، ام اسكندر ،، مبروك سنون اسكندر ربي يحفظه ،، وبسم الله عليه من الاسهال وعليج بالف العافيه الاغراض اللي اشتريتيها ،، المها ،، ماعليج شر يالغلا ،، لا تكثري من الزنجبيل تراه حار ،، ام التوينز ،، الحمدلله على سلامتج ،، وربي يعطيج الصحه والعافيه ويعينج على اولادج يارب ،، ربي يسهل امورج .. شولولي ،، عادي فديتج ،، انا احس نفسج .، وخواتي والدكتورة قالت طبيعي ،، والحامل من تدخل الخامس او السادس تبدي تتعرق بكثره في المنطقه الحساسه ،، وانا كنت افكر انها ماي الجنين بس الحمدلله تطمنت ان طبيعي ،، لا تخافين يالغلا ،، ان شاء الله ماعليج شر ،، ولو خايفه روحي لدكتورتج واستفسري منها ،، |
رد: .·¤ تجمع الحوامل اللي ولادتهم في محرم¤·.
اقتباس:
ومثل ما قلت لج رجولي صارت تألمني من الوقفه عند الباب واستقبل المعازيم ،، لما دخل اخوي ياخذ عروسته قاموا خواتي يرقصون قمت معاهم وامي تقول لي هي هي ههههههه اقول لها صبري شوي شوي ههههه واخوي فتح عيونه ويضحك يقول مب صاحيه انتي بقول لزوجج ترا ههههههه التجهيزات كانت حلوة وراقيه والحمدلله كل شي مرتب وصار كامل والكامل الله ،، مانقص المعازيم شي الحمدلله ،، كان دي جي لكن رووعه يخليج غصب ترقصين والله ان المسرح شوي ويطيح من كثر اللي رقصوا هههههه استغفر الله ،، ولما دخل اخوي مع الرجاجيل كانت فرقة شعبيه تدزه من عند الباب بره لين داخل وكان شي حلو وقعدنا نبكي ههههه (قلبناها مناحه) بس كان ودي ابوي الله يرحمه يشوفه معرس فديته وهو كاشخ ،، ربي يبلغكم باللي يعز عليكم يارب ،، وتفرحون باعيالكم واخوانكم ،، |
رد: .·¤ تجمع الحوامل اللي ولادتهم في محرم¤·.
الحمدلله اخيراااااااااا خلصت الرابع ياطوووله الله يستر من الخامس مبرروك مراوي زواج اخوك الله يسعدهم يارب
|
رد: .·¤ تجمع الحوامل اللي ولادتهم في محرم¤·.
صباح النور والسرور اخباركم يابنات؟؟قول امين الله يسهل امورنا ولا يحرمنا شوفت البيبي لكل واحدة منا،يالله الواحدة مع التعب والثقل يقول اتحمل بس اهم شي يكون سليم معافى يارب
بنات اكثرو من قرات القران لان البيبي يحس فيك ويحفظ منك حتى يكون باذن الله عبد صالح |
رد: .·¤ تجمع الحوامل اللي ولادتهم في محرم¤·.
مراوي الف مبروك زواج اخوك وعقبال العازبات والعزاب يارب
ان شاءالله بسال عن دواء الحرقان وباخدة على خير شولولي مو تسكتي عن نفسك لازم تروحين المستشفى وتتطمني يمكن صابتك بكتريا وانتي ماتدري والبكتريا مضرة ترى تسوي تسريب لماي الجنين طنينا ايش يصير وياك والله يسهل عليك يارب |
رد: .·¤ تجمع الحوامل اللي ولادتهم في محرم¤·.
مــــــرواي يسعدلي صباحك ومبرووووووووووووووووووووك زواج اخوك الله يوفقهم مع بعض مشكوره ع النصايح وانا موعدي بعد اسبوع وبقولها غيريها ان شاء الله العنود مبروووووك دخول الخامس انا وانتي مع بعض الله يتمم لنا ع خير |
رد: .·¤ تجمع الحوامل اللي ولادتهم في محرم¤·.
صارلي شهرين اروح المسشفى ويقولون انتي في بداية الرابع
مرررررررررررررررررره طويل بجد ياكروشات عادي اسافر بطائره ويكشفون عليه بجهاز لاني خايفه ومو عارفه؟؟؟؟hwaml7 |
رد: .·¤ تجمع الحوامل اللي ولادتهم في محرم¤·.
مساء الخير حبوبات
مرررره مقهوره وماقدرت انام امس تخيلوا ابني دايم يعجزني يبغى يروح لاهل زوجي وانا اخليه يروح اذا ابوه هناك ولا امس بالليل احسس راسه ولقيت ورمه بارزه قدام قلت من ايش هاذي ياماما قال هذي راما ضربتني بحديده (بنت عمته بصف رابع ابتدائي)ومن القهر ماقدرت انام ولمت نفسي اني خليته يروح لهم وابوه مو داري عنه والمشكله عمته عيالها شياطين واللله يهديها ام زوجي كانوا بيستأجرون برى بالصيفيه وهي مسكت فيهم بالاضافه ان ولدي الصغير امس يلعب وهو ولد عمته الثانيه تحت بالتلفزيون راحت ضربته على ايده بقوه بالريموت وانا ماتكلمت انا من النوع الي مايسكت بس عشان ما اسوي مشاكل كتبت رساله لزوجي الصباح وقلت على الي مضايقني وهو شاف راس ولده بالليل وتضايق وناويه ان شاء الله ولادي مايروحون هناك نهائيا بصراحه اهل زوجي جدا بشعين مع الاطفال حتى اطفالهم يعانوا كيف عيال الناس |
رد: .·¤ تجمع الحوامل اللي ولادتهم في محرم¤·.
مراوي الحمدالله ع السلامه حمستيني لزواج.اختي بالعيد نفسي في فستان ناعم ابيض
شلولوي اتوثع طبيعي انا لحضت نفس لما ابذل مجهود يجيني.رطوبه اتوقع عرق لاغير انا المستحييل يؤ عادي.يكبر وياكل غيرها شدعوه بتحاسبين نفسك عسان ورمه بس تدؤين خوااي عندهم طريقه سحرية عسان الورمه تروح.بسرعه اول مايطيح البزر وتحسين بفلعته على طول حطي سندويش قطعه صغيره وقسمات اليوم الثاني ماتشوفين الورمه بس لزوم اول مايطيح البزر تسوينها مادري وش هالسر هههه |
رد: .·¤ تجمع الحوامل اللي ولادتهم في محرم¤·.
السلام عليكم
كيفكم اليوم انا التهاب البول لاعب بحسبتي الله يكفيني شرررررررررره |
رد: .·¤ تجمع الحوامل اللي ولادتهم في محرم¤·.
وردة الجوري
بصراحة في البداية كنت اروح عند دكتورة ثانية وانا في بداية الثالث قالت ولد اما دحين اروح عند وحدة ثانية وكان الطفل وضعية السجود وقالت صعب اعرف ماني قادرة بس احتمال بنت والاراء اختلفت في الحالتين وكل الحالات كانت توقع يعني مو اكيد عاد انا ما يهمني اهم شي سلامة البيبي وسلامتي بس فضول مراوي تسلمي على كلامك الجميل الله يسهل عليكي شلولي انتبهي الرطوبة اعتقد تكون بكتريا او فطريات طبعا كنت اعاني منها احس نفسي اتبلل نقطة او نقطتين واسأل البنات قالو عادي بس ما اطمنت لما سألت الدكتورة وقالت لازم تحليل وبجد طلعت فطريات واعطتني تحاميل مهبلية مدة ثلاث ايام والله بعدها تحسنت بالمرة ما عاد شفت رطوبة زي اول وطبعا وقت العلاج مافي جماع وخلتني اعيد التحاميل مرة ثانية ثلاث مرات للاطمئنان والزوج لازم يتعالج وطول فترة العلاج مافي جماع ابدا والتحميلة قبل النوم لازم تتعالجي من بدري افضل والموضوع سهل مع ان كثير قالو لي احتمال ترجع بس خايفة واقول ربك المسهل يارب ماترجع اتمنى افدتك |
رد: .·¤ تجمع الحوامل اللي ولادتهم في محرم¤·.
اللهم سترك
الله يشفيكي بس ايش اعراض الهاب البول؟؟؟؟؟ |
رد: .·¤ تجمع الحوامل اللي ولادتهم في محرم¤·.
انا المستحيل
لا تقهري نفسك في بعض ناس تهمل الاطفال وعادي لما احد يتعور وانا ما يعجبني كدا بس انتبهي لولدك لا يوم يعورو عينو او شي الله لا يقدر وخلاص لا تخليه يروح والسكوت افضل انا زيك ما احب اتناقش مع اهل الزوج عشان ماتصير حساسية بيننا |
رد: .·¤ تجمع الحوامل اللي ولادتهم في محرم¤·.
عيش الحياه
تسلمين ياقلبي البارح حسيت انو البول كرمتي زايد عندي حتى لوماشربت شي مثانتي احسها مليانه والبول شوي على اصفر وكمان تنزل مني افرازات شفافه غليظه مررررا وكثيره رحت لدكتورتي البارح سوت تحليل قالت التهاب بسيط واعطتني مطهر للمسالك البوليه تحاميل للافراز الله يشفي الجميع ويتمم حملنا |
رد: .·¤ تجمع الحوامل اللي ولادتهم في محرم¤·.
آلسـَلآم عليـكـَـَم وَرَحْمــَـہ آللًـہْ
|.:[گـّيَفْ الـّحـّال إن شـْاءِ اللـٌہ بَخـّيَرٌ]:.| انابخيرالحمدلله... تسلمووولي اللي سألووعني .... بس وانااشتغل اليوم بالمطبخ جاني ضغط وشد ببطني وبعدالغداجاني ترجيع ....ماعرف متى يخلص ساددنفسي عن الاكل .... امس طلعت ملابس بناتي للنونو وغسلتهم وطلعت عندي مجموعه حلوووه ثياب وبدلات وبربتوزات .... فعرفت وش الناقص لاشتريه بكتبهم لكم... المفرش ثنين لبيت اهلي ولشقتي لفات وقماط ومهادبقبعه بربتوزات مقاساات مختلفه بدلات بيجاماات طقم فوط احجام للسبوح وللخرجات وللتنشيف مريلات اهم شي خصوصااالبيبي دايم يرجع باول الايام بيعدم ملابسه ... شربات قبعات قفازات طقم مدس ومفرش وشنطه للخرجات غطاالرضاعه اوشال واغراض الصيدليه شاش ،قطن ،شامبو،زيت،بودره،سودوكريم،مسحات طبيه.. لي للنفاس ، بيجامات ،ارواب مفتوحه اقل شي ثلاث زراير شال،شرابات،ملابس داخليه للنفاس وبعده، ملابس للاستقبال اغراض الصيدليه فوط صحيه حجمين وللصدر غسول ،كريم للالتهابات،قطن، الشامبوللسعروالجسم،وبودره،وزيت،ديودرانت،عطر المعجون |
رد: .·¤ تجمع الحوامل اللي ولادتهم في محرم¤·.
اللهم صلي على محمد وال محمد
روح تتهني بس نسيتي ماكتبتي كريم للجراحه عشان ماتلتهب مادري شسمه ميبو على ما اعتقد |
رد: .·¤ تجمع الحوامل اللي ولادتهم في محرم¤·.
تسلمين كتبته
دلع يوم رحتي سنتر شفتي اغطية الرضاعه عندهم اشياحلوووه ولالا |
رد: .·¤ تجمع الحوامل اللي ولادتهم في محرم¤·.
نسيت اكتب البانيو للنونو
وعدة النظافه بتلقوهامجموعه مشط ومقلم و.... |
رد: .·¤ تجمع الحوامل اللي ولادتهم في محرم¤·.
ليش محد يرد علي؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
hwaml4hwaml4hwaml4hwaml4hwaml4hwaml4hwaml4hwaml4hw aml4hwaml4hwaml4hwaml4hwaml4hwaml4hwaml4hwaml4hwam l4hwaml4hwaml4hwaml4hwaml4hwaml4hwaml4hwaml4hwaml4 hwaml4hwaml4hwaml4hwaml4hwaml4hwaml4hwaml4hwaml4hw aml4hwaml4hwaml4hwaml4hwaml4hwaml4hwaml4hwaml4hwam l4hwaml4hwaml4hwaml4hwaml4hwaml4hwaml4hwaml4hwaml4 hwaml4hwaml4hwaml4hwaml4hwaml4hwaml4hwaml4hwaml4hw aml4hwaml4hwaml4hwaml4hwaml4hwaml4hwaml4hwaml4hwam l4hwaml4hwaml4hwaml4hwaml4hwaml4hwaml4hwaml4hwaml4 hwaml4hwaml4hwaml4hwaml4hwaml4hwaml4hwaml4hwaml4hw aml4hwaml4hwaml4hwaml4hwaml4hwaml4hwaml4hwaml4hwam l4hwaml4hwaml4hwaml4hwaml4hwaml4hwaml4hwaml4hwaml4 hwaml4hwaml4 |
رد: .·¤ تجمع الحوامل اللي ولادتهم في محرم¤·.
العنود ،، ربي يبارك فيج يالغاليه ،، ومبروك دخولج الخامس ،، عقبال التاسع يارب ،،
ام يارا ،، تسلمين حبيبتي ،، ان شاء الله تغير لج الحبوب وترتاحين ،، احب دادو ،، صح الرابع طووويل احسه دهر ،، الحمدلله عديته على خير ،، بس الخامس احسه خفيف وحلو ،، بالنسبه للسفر راجعي دكتورتج ،، افضل ،، وبالنسبه للجهاز خبريهم انج حامل ،، لان بالجامعه كان عندنا نفس الجهاز تبع المطار وكاتبين بجنبه الحوامل ما يعبرون من تحت ،، لانه خطر عليهم ،، تأكدي اكثر احسن لج يالغلا ،، انا المستحيل ،، يؤ يؤ يؤ عاد حديده !! الله اكبر عليها ،، وش هالنظام اللي عايشين فيه هالعايله !! ربي يهديهم ويهدي اعيالهم ،! واحسن لج لا تخلين اعيالج يروحون لهم الا وانتي معاهم ،، ولا تطولين بس شوي ،، بعد موزين تعلمينهم من الحين على قطع صلة الرحم ،، خليهم يتزاورون بس شوي لا تطولين عندهم ،، وربي اجرام هذا ،، ماعليه شر ولدج ،، دلع ،، ربي يسلمج فديتج ،، حلو الفستان الناعم على الحامل ،، وتطلعين كيوت وحلوة،، انا اخذت فستان وردي فاتح جاي على المشمشي شوي ،، بس حلو مخبي الكرشه وبنفس الوقت مبين اني حامل ،، ربي يتمم لاختج على خير يارب ،، وفساتينكم بالحسا ماعليها كلام ،، شغلاتكم حلوة بالسوق ماشاء الله ،، اللهم سترك ،، ماعليج شر يالغاليه ،، كثري من شرب الماي ،، وحاولي ما تحصرين روحج اول بأول روحي الحمام (الله يعزج) ،، ولو زاد روحي المستشفى ،، روح الورد ،، بسم الله عليج يالغلا ،، ماعليج الا العافيه ،، والحمدلله الاغراض اللي باقيه لج تشترينها قليله وخفيفه ،، تقدرين تقضينها على الشهر السادس او السابع ،، مو كثيرة ،، والحمدلله حصلتي ملابس وشغلات حلوة لبناتج عشان تلبسين النونو ،، ملبوس العافيه ومثل ما قالت دلع ،، كريم (ميبو) للجراحه ينفع والكل يمدحه ،، وحتى لتشققات حلمات الصدر ينفع ،، واغطية الرضاعه موجوده في سنتر بوينت شفتها بفروعنا في البحرين ،، والوانها حلوة وغامقه شوي ومتدرجه على حسب ذوقج ،، |
رد: .·¤ تجمع الحوامل اللي ولادتهم في محرم¤·.
روح مارحت جهت البزران في سنتر
|
رد: .·¤ تجمع الحوامل اللي ولادتهم في محرم¤·.
مراوي خلاص شكلي فستاني الي للعيد بخلية لعرس اختي
لان شريت بلايز ولجد للعيد وبلبسها اما الفستان ماشريت الا اثنين واحد بخلية لعرس اختي والثاني بخلية لتبريكات يوم ثاني العرس بس المشكله اثنينهم بنفسج هع |
رد: .·¤ تجمع الحوامل اللي ولادتهم في محرم¤·.
صبح صببح يآحلى كراريششhwaml7
شخباركم شمسوين لكم وحشه افتقدت التجمع هاليومينhwaml13 انآبخير ولله الحمد ,,شولولي , انابعد احس برطوبه احيان واحيان معقوله التهاب ؟؟ السبت موعدي بسأل دكتورتي العنود .. مبروك دخولك الخامس عقبال التاسع يارب المستحيل ..ياشيخه عادي طوفي لازم البزارين هيك كل يوم هوشه ومشكله بس اهم شي اهو لايتعور ويطيح طيحه قويه احسن حل انك ماتخلينه يروح الا اذا رحتي عشان تكون عينك عليه اللهم سترك ,, ماتشوفين شر ياقلبي اسألي دكتورتك احسن روح,, ماعليك شر ان شاء الله وترا سنتر بوينت فيه كل شي انتي روحي وبتلقين اللي تبينه ^^ دلع ومراوي شخباركم hwaml51 هههه بقول لكم شي جاني احباط اليوم في بيت اهلي اخوي يسألني صار لك كم شهر قلت الخامس فتح عنونه وقال من زمآآآن وانااكل ماسألتك قلتي الخامس قلت العداد موقف هع شسوي الشهر ططويل hwaml9 ولاام الاحباط يقول شكلك ماكنك بالخامس هههه ماكنك حامل تهقون لادخلت السادس بتبان كرشتي اكثرر ابي احس بالحمل صصدق مشيتي تغيرت بس كرشتي ماتبان |
رد: .·¤ تجمع الحوامل اللي ولادتهم في محرم¤·.
اقتباس:
ياقلبي عليه صغنون ربي يخفف عنه االوجع ويكون في عونك انا سألت الدكتور نفس السؤال عن الانجاب قال لا عادي حيتزوج ويشتغل مية مية وقال لي ان في اطفال انعواج كرهم لفوق وفي لليمين وفي لليسار وابني نوع انعواجه لاسفل خليقة من ربنا وربي يسهل امورك |
رد: .·¤ تجمع الحوامل اللي ولادتهم في محرم¤·.
ماشالله تبارك الله يادلع
شغلها مذهــــــــــــــل محد يصدق انه شغل يد |
رد: .·¤ تجمع الحوامل اللي ولادتهم في محرم¤·.
الله يسهل علينا حملنا يارب
|
رد: .·¤ تجمع الحوامل اللي ولادتهم في محرم¤·.
دلع ،، زين تسوين ،، تستغلينهم ،، وملبوس العافيه فديتج ،،
اعز الناس ،، بخير ربي يسلمج ،، عساج دوم بخير وصحه وسعاده ،، وان شاء الله تروحين موعدج السبت وتتطمنين وطمنينا معاج ،، انا موعدي الاربعا الجاي بسأل الدكتورة عن هالرطوبه لان صادني وسواس لما قريت الردود ! هههههههههه اممم الاحباط ،! انا احس الخامس بعد اهون من الرابع ! الرابع وايد ظلمنا ههههههه حسيت روحي عشت فيه دهر ! ان شاء الله السادس يطلع خفيف ولو شكله ثقيل دم ههههه اتوقع خلاص من السادس بتبان الكرشه ،، لا ماله مجال البيبي يتحرك بعدين ،، انا شوي بانت ،، امي كل يوم تمسكها وتقول (حياتي انا ) هههههههه وزوجي مستانس عليها يقول وايد حلوة ههههه ام اسكندر ،، ربي يحفظ لج اسكندر والحمدلله تطمنتي على مستقبل الولد ههههه كل شي ولا هالشي والله |
رد: .·¤ تجمع الحوامل اللي ولادتهم في محرم¤·.
بنات بديتو تجهزون للبيبي؟؟
من مثلي ماتحس بحركة الجنين والله خايفة وعلى اعصابي فيه شي يخلي الجنين يتحرك طمنوني الله بخليكم |
رد: .·¤ تجمع الحوامل اللي ولادتهم في محرم¤·.
غايتي الجنه اني للحين ماحسيت بحركة الجنين
اخدت اسبوعين من الخامس ولا حسيت بس عادي اكيد هالوضع يمكن لساته شويه |
| الساعة الآن 10:53 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .