رد: دردشة اهل القطيف والي حواليها اتمنى اثبيث
 

هلا اختي نورانيه .. اخبارش .. اي اني بعد في الرابع .. ان شاء الله نولد مع بعض ^_^
الله يسهل علينا ياربي .. تصدقي حتى اني رجع لي الوحام مرة ثانيه من اخر يوم من رمضان ومتعبني مرة .. واخدت لي حبه حديد وجاني امساك مو طبيعي ومرة متضايقه ونفس الشي احس بطني كله انتفاخ وغازات ولا ادري وش اسوي ..
بالنسبه للأشعه الرباعه سويتها يوم اني حامل بفطوم قبل 4 سنوات تقريبا لما كنت في السابع سويتها في الرياض اذكر بس ماطلعت واضحه زي ماتخيلت هي واضحه بس مو ملونه وحركات زي ماكنت متوقعه وحسيت ماليها داعي وحتى عطوني شريط فديو للذكرى على قولتهم ما شغلته الا مرة بعد ماسويته ولا عدت شغلته مرة ثانيه حتى اذكر من ديك الفترة كانو مطلعين برنامج في ام بي سي عن رحله الحمل وكنت متوقعه باروح اشوف الجنين بنفس الوضوح بس كان اللون كله اصفر مادري بيج انصدمت يعني وهم يقولو ملون وملون .. == كني هدرت وايد مو كني الا صج هههههه .. مو تقطعي اختي خليش ويانا على طول ^_^

رد: دردشة اهل القطيف والي حواليها اتمنى اثبيث
 

هلا وغلا بالغالية

um fatima أسعدني ردك وان شاء الله نتواصل دايما وكثري الهدرة ترى هدرة الحوامل ماتنمل

تصدقين حتى أنا أعاني من الإمساك في شهر رمضان لكن لقيت الحل (التين المجفف) بصراحة رهيب كلي منه بعد كل وجبة
صدقيني راح ترتاحين أنا استفدت عليه واذا مليتي من التين مثلي أنا مليت منه بصراحة كلي خيار على الريق تراه مجرب جربته ونفعني مرة ولو ماكنت تعانين من الحموضة كلي برتقال بين الوجبات
أنا اكثر شي تاعبني انتفاخ القولون والغازات والنعناع يريحني لكن ساعة أو ساعتين وترجع الآلام الله يعين
جربت اليانسون والبابونج حسيت نفس الشي أرتاح ساعة أو ساعتين وترد ترجع لي الحالة لابد من التعب ولازم نصبر الحمد لله على كل حال ، الله يأجرنا على تعبنا ويعوضنا ويسهل ولادتنا وتكون ان شاء الله ولادة سهلة وميسرة
بالنسبة للأشعة الرباعية جاني إحباط ههههههههه كنت متحمسة أسويها بعد نهاية الشهر الخامس وكنت أعد الأيام والليالي ودي أشوف البيبي لكن تصدقين ريحتيني حتى لاأحاتي لكن راح أعمل الأشعة وأقولكم النتيجة ان شاء الله
أم فاطمة أتوقع وضوح البيبي يعتمد على نوعية الجهاز المستخدم ، كل مستشفى أجهزتهم متفاوتة من ناحية الجودة والصنع والله أعلم .......فيه موقع لدكتور أردني شفت مقاطع فيديو للأجنة للي كان مسويها للحوامل كانت واضحة
إلا وين باقي الكروووووووشات الظاهر الحمل تاعبهم ومالهم خلق يسولفون
ياللا نشوفكم على خير ياقمورات hwaml7

رد: دردشة اهل القطيف والي حواليها اتمنى اثبيث
 

وحشتوووني

عيدكم مبارك < متأخره حدددي

فرحانه ان عيدنا كلنا مع بعض

في تطورات ولا ماتغيرتو ؟ انا اتوقعني دخلت الثامن

على الوحام يابنات انا للحين نفس الحال ماتغير ارجع وطول اليوم لوعه والحموضه والانتفاخ والغازات في الرابع والخامس طبيعيه اذكرني مره كنت اتضايق منها بس خفت الحين وايد

ام فطوم انا بعد توقعت ان هالتصوير حماس باشوف ملامح البيبي وواضح بس شكلها هالتكنلوجيا ماوصلتنا بس انا ماسويتها

كفايه علي السونار ب200 ودخول الاخصائيه ب100 واذا فيها تحليل

رد: دردشة اهل القطيف والي حواليها اتمنى اثبيث
 

هلا نانا اخببارش مختفيه هاليومين كل ذه مشغوله في العيد .. مادري اني ماحسيته حاجة حليوه هالرباعي عادي يعني مااتذكر بكم سويته يمكن ب 400 او 300 وشوي ..

رد: دردشة اهل القطيف والي حواليها اتمنى اثبيث
 

قاعده اشوف فديويات ال 4d للأجنه .. اتذكر لما سويته فطوم كانت نايمة ولا سوت ولا شي حتى الدكتورة ماخلت شي ماسوته عند بطني علشان تتحرك او ترفس بس ماكو فايدة اذكر جابت حاجة تطلع صوت عند بطني يوم مافاد وياها قامت تضرب بطني بعدين قلت ليها اني خلاص مو لازم ههههههه خفت على روحي .. نانا خلص مشوراش مع الحمل تقريبا تقومي بالسلامة يارب ..

رد: دردشة اهل القطيف والي حواليها اتمنى اثبيث
 

هلا اختي نورانيه .. اخبارش واخبار البيبي .. حسيتي بالحركة ولا ؟؟
التين المجفف مااحبه اني العادي يالله اكله واحس اني صايرة ماقدر على الاشياء الحاليه متومحمة عليهم شكلي باسوي نصيحتش في الخيار ..وهذاني رايحه جايية اكل برتقال .. زوجي يقولي ليي انتين ماتشربي ماي واجد .. احس اني ماحب الماي وش اسوي هههههه ..

رد: دردشة اهل القطيف والي حواليها اتمنى اثبيث
 

يو خسارة اني بعد يمكن الشهر الجاي انزل البلد وقلت ابغى اسويها
يعني حتى الدمام والخبر مافيها؟
باشوف اسمع رجلي ناوي يوديني جدة باشوف وين فيه في جدة
لازم اسويها

الله يعينكم غناتاتي ويعطيكم العافية يارب
اني الحمدلله ماويايي امساك لكن ماآكل عدل وياليت بعد على شبع كلا جوعانة

رد: دردشة اهل القطيف والي حواليها اتمنى اثبيث
 

نآنآ
هلا بالغالية وعساج من العايدين السعيدين
دخلتي الثامن يعني جهزتي للنونو صح ؟؟ التجهيز متعة ..... ربي يتمم عليك حملك وتولدين بيسر وسهولة بحق محمد وآل محمد


um fatima
هلا وغلا
أحس بحركة خفيفة مرة وأحيانا أقول يمكن من الغازات وأحيانا يتحجر بطني في جهة لكن تصدقين من آخر الشهر الثالث
وأنا أحس بحركة البيبي مثل الرفرفة لكن مو متأكدة 100% كله بسبب الغازات شككتني
اذا ماتحبين الماي كثري من أكل البطيخ والجح لأنه فيه نسبة كبيرة من الماي ويفيد في حالة الإمساك لاتقولين ماأحبهم
باين عليج ياأم فطوم حامل بولد ....... الله يتمم عليج بخير وصحة وسلامة


Om Zahra
هلا وغلا ماشاء الله تبارك الله أنا وانت وأم فاطمة في الشهر الرابع ياسلام روعة كأنا في مدرسة في نفس الصف
ربي يتمم علينا حملنا وييسر أمورنا جميعاً ان شاء الله
حاولي تاكلين ترى اذا ماأكلتي زين بيأثر عليج أكثر من البيبي لأن الجنين عادة بيسحب كل اللي يحتاجه من المخزون الأساسي اللي في جسمك واذا جسمك مافيه بعض المعادن والفيتامينات اللازمة بيأثر عليه انتبهي
أنا أكلي مو ذاك الزود بسبب هالحموضة والغازات الشهية فاقدتها حتى لما آكل آكل من غير نفس لكن أحاول قدر الإمكان ,أغصب على نفسي لأن الهيموجلوبين عندي كان نازل وصرت أبتعد عن الشاي والقهوة والمشروبات الغازية من حملت وأنا أحاول يكون أكلي صحي ومنوع حتى لو كان قليل
نشوفكم على خير ربي يعافيكم جميعاً ويشفيكم من كل ألم وتعب .......

رد: دردشة اهل القطيف والي حواليها اتمنى اثبيث
 

ايه والله عجبتني سالفة المدرسة :d
أني المشكلة للحين ماسويت تحاليل عشان اشوف الحديد زين ولا نازل موعدي تقريبا بعد اسبوعين
في حملي الماضي كنت ماآكل في بداية الشهور ونزل وزني 8 كيلو وصل وزني تقريبا 38
وكان بعد الحديد مرة نازل كانت تقول ليي الدكتورة كل يوم آكل لحوم
وهالمرة أحس أرحم من قبل أكلي بس بعد ماأحس آكل زي الناس

رد: دردشة اهل القطيف والي حواليها اتمنى اثبيث
 

ام فطوم اييه ماصدقت يصير ريلي اجازه بالذات في رمضان جنني ينام النهار كله الين اذان المغرب ويجلس نعسان وتعبان الين وقت نومنا


نورانيه يب جهزت مره حماس التجهيز وجنوون كل شي اشوفه اشفي اخذه وكل شي عندي منه وايد اكثر شي البجامات ان شاءالله تلبسهم كلهم

صورت شوي من تجهيزي حطيته في موضوع مااذكر وش اسمه بس كان في هالقسم

وش اخباركم بقايا البنات