|
رد: ديوانية البحرين - دردشة حوامل البحرين - البحرينيات
طفلوو ،، من قعدت وانا راسي امعورني حتى الغدى للحين ما سويته وانا ترى من بداية حملي اذا احلم في البيبي يكون كابووس ،، حماتي تقول المفروض العكس الحامل كله تحلم بأشياء حلوة على قولتها خضرة وحديقة واشياء تشرح الخاطر ليش انا غير :(
احلام ام ،، انا في الالتراسوند اخرتني اسبوع عن موعد الدورة .. انا ابي اسألكم امتى ابتدي امشي يعني مادري امتى ادش الشهر التاسع على اي حسبة فيهم وعن الاحلام انا قبل ماكنت اتذكر احلامي في النوم ،، بس مادري يمكن رقدت وانا افكر في شموس واهي تولد تخيلت روحي مكانها .. وان شاء الله باسوي اللي قلتي عنه واللهم اجعله خير يارب.. عندي سؤال قط مرة انتو حلمتو في البيبي الي في بطنكم .. انا وايد احلم مرة احلم في بنية ومرة احلم في ولد مادري شسالفتي:( |
رد: ديوانية البحرين - دردشة حوامل البحرين - البحرينيات
عاادي من ألحيين أمشي حبيبتي على قد إستطاعتش مو تجهديين روحش ،علشان تسهل الولادة والبيبي يلتحم بعنق الرحم عرفتين
والله يجيرنه من هالأحلام ويكفينه شرها أني أحلم بأطفال مو لي ولا مرة حلمت إن الياهل لي بس ساعات بنية وساعات صبية وهذا راجع لتفكيرنه في نوع الجنين الله يكفينه شر الأحلام أني ليين نفسيتي زينه أحلم بخضرة وليين شينه أحلم أشياء تخووف وأقعد أحاتي وينعفس يومي وتدخليين الشهر التاسع 35 إسبوع و4 أياام حبيبتي ماباقي شي عن إذنش حبيبتي وصلوا اليهال من المدرسة وأبوهم بحط الغذى ويمكن بعديين أشوفكم في أماان الباري |
رد: ديوانية البحرين - دردشة حوامل البحرين - البحرينيات
احلام ام ،،يلا الله يعديها على خير،، وشكلي من الليلة بابتدي امشي .. عليكم بالعافية ما قلتي لنا شنو غداج :p،، انا عقب شوي بيوصل الحجي وللحين ما ابتديت في الغدى باقوم اجوف شنو الله يكتب لنا من رزق وباسوويه..
وقصدي عن الحسبة يعني احسب على تاريخ الدورة الي اهو نفسه في التيكر او احسب على تاريخ الالتراسوند والفرق بين التاريخين اسبوع فهمتي شلون :p وطفلوو ام السنافر تغط مرة وحدة ولا تتحجى حضرتها ،، يأمرون الناس بالمعروف وينسوون انفسهم روحي مناك بس .. باروح اسوي الغدى برررب |
رد: ديوانية البحرين - دردشة حوامل البحرين - البحرينيات
اني اقول هذي اضغاث احلا وكل واحد يحلم بالشي اللي يفكر فيه ويحاتيه وهذا شي جدا طبيعي خصوصا انتين فلونه ماتعرفين وشفيش وتحاتين هالسالفه وتحاتين التجهيزات فمخش وايد مزحوم ويترجم على احلام بالعكس بتشوفينه جنه البخت وجميل وسليم وطلعي صدقات وتوسلي بأهل البيت يحفظونش ويى البيبي
وحطي في اعتبارش لاتهتمين لحلم ابدا اني احاول كثر ماقدر ماهتم ولا اعور راسي لان المقدر الله سبحانه والصدقه تدفع البلاء |
رد: ديوانية البحرين - دردشة حوامل البحرين - البحرينيات
اني والله شفت الغدا شكله حليو وبغيت اصوره احرش بس قلت بتتطفل وبتقول شلون الطريقه لكن خلها على مرقها ماتفهم شي وتغديت ورجعت وخلي قرآن تحت راسش يابشة الديوانيه
|
رد: ديوانية البحرين - دردشة حوامل البحرين - البحرينيات
دخلت أدندق شوي ورايحه أشوف شنطات المدرسة ويش مغبريين بعد
فلونه شوفي غذانه ياطويلة العمر مجبوس لحم وعن حسابش للحمل حسبي على هوى السونار لأنه أضبط وهو يقدر عمر البيبي والولادة بيد الله ناس تقدم وناس إتأخر وساعات حساب السونار أو الدورة مجرد تقدير والمشي لازم الوحدة من الشهر الثامن تمشي علشان البيبي ياخذ وضع الإستعداد للولادة راسه تحت وملتحم بعنق الرحم يعني مابتولديين إذا كثرتيين مشي ولا السونار ولاموعد الدورة بحدد لش يوم ولادتش بالضبط ناس تقدم إسبوعيين وناس إتأخر إسبوعيين وناس بالضبط نفس موعد السونار والدكتورة والله يتمم للجميع وتقر عيونهم بشوفت كل غاليhwaml7 |
رد: ديوانية البحرين - دردشة حوامل البحرين - البحرينيات
مساء الخيـــر للحلوات
انا خلاص..حزمت امتعتي..وانا الحين في بيت ابوي لين ما اولد واليوم موعدي..قالت لي الدكتورة اذا مارتفع دمج عقب ثلاثة اسابيع بعدها ..بنقرر ننقل لج دم اما خلال فترة الحمل..او بعد الولادة..الله يستر يا رب ويسهل علي.. اي وحبيت اقول لكم خالتي ولدت الساعة 2 الصبح بفطوووم واتوقع شموس بعد ولدت تصدقون تاريخ حلوووو 11-1-2011 يلا انا الحين باخذ لي غفوة اريح جسمي شوي بعدين اجوفكم |
رد: ديوانية البحرين - دردشة حوامل البحرين - البحرينيات
اهلا روزاتي
الحمدلله على سلامة خالتش وربي يحفظها ويحفظ فطومتها وماعليش شر روزاتي سوي اشياء ترفع دمش له اخذي حبوب اللي قالت عنه ام شيخه اكلي كيوي وااااااااايد ويارب يرتفع وشموس يحفظها الله ويسهل امرها ان شاء الله ولدت يارب |
رد: ديوانية البحرين - دردشة حوامل البحرين - البحرينيات
طفلووو ،،، لا تيلسين تفتين واايد ،، امسوية روحج مفسرة احلام .. كل يوم لج شغلة انتي
وبعدين الحمدلله صدقتي اني ماعرف شنو فيني,, وليكون حسبالج انتي افنان الزياني والله منال العالم.. انا سويت غداي واحين بانجبه بس انطر سي السيد ... وانتي شنو مسوية غوووزي :p احلام ام ،، يعني حساب السونار اضبط .. باغير التيكر عقب اشوي انا بروحي على كل شي اوسوس.. وعليكم بالعافية المجبوووووس والله يعينج على واجبات اليهال المفروض احين ابتدت امتحانات نهاية الفصل .. والمشي بابتدي من اليوم وعلى الله الي يكتب لنا فيه صلاح ومتى ما يبي يطلع هالبطل خل يطلع نحن في انتظاره :p |
رد: ديوانية البحرين - دردشة حوامل البحرين - البحرينيات
روز،، الحمدلله على سلامة خالتج وان شاء الله شموس تيسرت ولادتها بعد
انا باروح اتغدى وباخلي طفلوو بروحها تهذر :p |
| الساعة الآن 06:00 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .