منتديات حوامل النسائية - تجمع الحوامل اللاتي سيلدن بشهر رجب 1432

السلام عليكم ورحمة الله وبركاته*

كيفكم ياكروشات رجب*

يابنات وين مافيه ولاوحده ولدت وانا فاتحتلكم الطريق الله يسامحكن خخخخخ*

المهم ياحبيباتي اعرف انا مامشيت بالدور بس وش اسوي تعبت وانا استنى قلت يابنت البنات راعيات طويله بس انتي افتحي المجال وتهورت وفتحتلكم المجال ههههه*

حبايبات اليوم باقولكم اكشن الولادتي هههه حلوه اكشن*

حبيبات يوم الاثنين العصر قلت ابي اروح اخذلي اغراض ناقصتني لنفاس وبالفعل طلعت العصر ورحت فريت بالسوق وماطولت كان معي الم بس مو مره قوي وكان بطني شكله غريب جاي ع قدام من فوق منفوخ ومن تحت مافيه شي المهم بعد مارجعت البيت ع صلاة المغرب قلت ابي اصلي وانسدح واخذلي غفوه وجيت انسدح واحس تحجيرات خفيفه ماتوقعت ولاده مرررره وكل ماله يزيد ع خفيف وقعدت ع ذالحاله الين الساعه 10 ونص بالليل قلت خلني ادق ع زوجي يجي يودين اروح اكشف واتطمنى. واشوف اذا الرحم مفتوح او لا المهم دقيت ع زوجي وجاء وداني المستشفى وحطولي تخطيط الطلق وقالت الممرضه خليني اكشف واشوف الرحم مفتوح او لا وكشفت علي الله لايوريكم يدها حاره وحسيتها عورتني وجرحتني وبقيت ابكي من الكشف المهم قالت مافيه ولاده قلت كم سانتي قالت 3 سانتي يعني فتح سانتي عن الكشف اللي قبله وفرحت قلت زين المهم قالت خلاص روحي البيت والله من طلعت من عندها احس الالم زاد وجاء تقلصات عرفت انها ولاده ورجعت البيت ورحت وانتم بكرامه الحمام واشوف نزل معي دم ولونه بني قلت لا هذا عشان اجرحتني المهم واحس شي نزل ورحت اتاكد وطلعت سدادة الرحم بس هنا انا جاني خوف مو طبيعي قلت ابي احسب بين كل طلقه والثانيه وكانت منتظمه كل خمس دقايق وقته دخلت المنتدى وقلت للبنات ادعوا والله يجزاء كل وحده دعتلي بالجنه وطلعت من المنتدى وقاعدت ارقب الطلق الا الساعه 3 ونص وقت صلاة الفجر وصحيت زوجي للصلاه وقلتله بعد الصلاه باروح المستشفى علمته بالسالفه وقال خلاص انزلي بعد الصلاه اوديك والله واصحي عيالي والبسهم واطلع للمستشفى والممرضه شافتني وقالت انتي ليش جيتي قلت زاد الالم معي قلت اطلعي ع السرير وحطت حق الطلق وقعدت تقيس من الساعه 4 وعليه الين 6 وقالت فيه طلق انتي رحتي شربتي قرفه وجيتي قلت لااا انتي عورتيني بالكشف الاولى ونزل دم*
المهم جت الدكتوره وكشفت وقالت فيه ولاده وحولوني للمستشفى ثاني ع حسابهم *والله واروح المستشفى ويستقبلوني ويركبولي المغذيه واخذوا تحليل وع طول طلعوني غرفة الاستقبال واقعد الا الساعه 8 وجات الممرضه وقالت يلاه كشك الولاده واول مارحت0جات الدكتوره تكشف وقلت خلاص انا ابي انزل المويه حق الجنين عشان ولاده انا هنا خلاص بمووووت من الخوف واقولها ليه دكتوره تنزلي موية الجنين الرحم كم مفتوح وقالت 3 ونصف *بغيت انجن من الخوف طيب بدري خلي يفتحت 6 او 7 سانتي وبعدين نزلي مويه قالت لازم الحين قلت طيب حطي ابرة ظهر انا وقعت ع ابرة الظهر قالت شويه قلت لا الحين قبل تنزلي مويه قالت لازم اربعه او خمسه سانتي وتوكلت ع الله وخليتها تفتحه والله يابنات مستعجلين ع ولاده ليش مادري ويبغون يفتكون بسرعه وسبحان الله ضااااع الالم والطلق واستغربت ليه مافيه طلق قلت بنفسي يمكن حاطيلي مسكن بالمغذيه المهم كل شوي تسالني الممرضه هاه تحسي الم قلت لا انا فرحانه مافيه الم المهم صدمتني لمن قالت غريبه انتي في غرفه اسقبال في طلق حار الحين مافيه ولا شي انا هنا دوروني من الخوف احسبه حاطيلي مخدر ماحس بالالم ولا شي قلت شكلهم جابوا العيد فيني المهم اقعد من الساعه 8 وعليه الين الساعه 10 مافيه الم ونادت الدكتوره واثاريهم اتفقوا يحطولي طلق صناعي من غير مايقولولي والله وتحط ابرتين في المغذيه وابره بالوريد والله بعده بدء الشغل والالم والموووت والحمدلله وكل شوي انا اناديهم وين ابرة ظهر كل شوي يقولوا شوي شوي شوي ذبحوني بذالكلمه وانا اصيح نادوا الدكتوره ابي اكلمها وجات الدكتوره وقلت ابي ابره قالت خلاص اكشف اذا وصل خمسه انزلك غرفة التخديره يااانااااس كذابين وقعوا ع الابره وماهم نااااوين يعطونيها حراميه لانه ع حساب المستشفى الحكومي يويلهم من الله عندهم تلاعب المهم تكشف علي وقالت لا خلاص الرحم فاتح 7 الى 8 سانتي ماعد يمدينا نعطيك الابره هنا انا قعدت ادعي عليهم من قلبي المهم 20 : 12 الظهر اكشفت وقالت تسعه اذا جاءك طلقه ادفعي عشان ينزل الجنين وانا بمووووت من الالم وكل ماجاني طلقه قعدت ادفع الين وصل ولدي المهم استنها تسوي لي توسعه ماسوت واصيح عليه وسعي لي قالت شوي لسى باقي وانا ادفع واصيح والله يابنات حتى ابرة البنج حق خروج الراس ماحطوها الله ياخذهم المهم قعدت توسع بيدها هنا انا قعدت اتشهد حسيت روحي بتطلع مع يدها وخروح الراس واصيح الين طلع احلى قمر الله يخليه لي وجلست اتألم وهم ينظفون مافيه بنج مافي شي يهدي الالم وهم ينظفوا لا ولاسوا خياطه ولا شي والله لو ولدت بالحكومي احلى مليون مررررره من التأمين المستشفى فيها تلاعب ياخذوا فلوس حرااااام*

حسبي الله عليهم والنظافه مافيه ولمن اناديهم ابي مسكنات مايجون الحمدلله ع كل حال*

وهذا يابنات قصة ولادتي ونستنى الاكشن حقكم الله يسهلكم ويقومكم بالسلامه