|
رد: حبيباتى سيدات ليبيا تفضلو لأعرف ما حالكم
|
رد: حبيباتى سيدات ليبيا تفضلو لأعرف ما حالكم
شموسة وينك احبيبة الباين روحتوا
ان شاء الله تكون سفرتك حلوة وتوصلوا بالسلامة سوسو اللي غاطسة غطسة مش طبيعية اثري كيف حالك وحال سنافرك وشن جديدك |
رد: حبيباتى سيدات ليبيا تفضلو لأعرف ما حالكم
السلام عليكم
كيف حالكم اخواتي الغاليات وباااارك الله فيكم جميعا ع المشاعر الطيبة وساااامحوني ع التقصير في الرد عليكم فطومتي بسلامتها خلتني جعااااانه نوم في النهار ترقد نبدا مستاحشتها وانوض فيها باش نلعبها ماتبيش على مانحاول معاها وفي الليل العكس تبدا فاتحه عيونها وتبي تلعب وجوها مليح واني نبي نرقد خلاص ومشكلتي نومي صعب نبي ساعه او ساعتين من الهدوؤ التام باش ياخدني النوم وطبعا ماخداني لين ناضت هي ربي يحفظها لكن الله مانحسبتش الضنا غااااالي هكي ومانحسبتش بيجي حد نحبه اكثر من امي وبوي وزوجي هذا وين حسيت بقيمة امي مزبوط سبحان الله تبدي في عز التعب لكن راحة طفلك اهم من راحتك الحمد لله وان شاء الله ربي مايحرم حد من هالشعور الحلو والي يخوف في نفس الوقت |
رد: حبيباتى سيدات ليبيا تفضلو لأعرف ما حالكم
امل ربي يخليلك فطفط وتشوفيها عروسه الله شهتيني ف البيبي نتمني يمرو بسرعه هالشهور ونشوفه ونحس بهالاحساس بالله عندي استفسار امس مشيت للدكتوره دارتلي سونار شافت كيس الجنين لكن الجنين مابانش قاتلي مازال صغير عباره علي خيوط رفيعه بانلها قاتلي انتي ف الاسبوع الخامس ارجعي الاسبوع الجاي يكون بان الجنين وتسمع حتي النبض قاتلي اذا نديرلك جهاز مهبلي نشوفوه ونسمعو النبض لكن انا خفت رفضت هل كلامها صح ان مايبانش توا الجنين
|
رد: حبيباتى سيدات ليبيا تفضلو لأعرف ما حالكم
بارك الله فيكم لكل من تأثرت بقصتي لكن بجد اول مرة نحس روحي محتااااجة امي هكي حاااسة بفراغ للاسف توقعت اهتمام اللليبيات الي نواصل فيهم افضل من هكي لكن الي هذا لاهي في حالة واني حسيت بالوحدة بجد تمنيت من يفرح معاي ويدير حمام لبنتي ويساعدني فيها ويحضرلي مأكولات خاصة للنافس يعني نذوق شويا من الدلع الي النافس عندنا نديرولها في جو معين اني فقدته وطبعا بديت حساااااسه شادتها بكا لزوجي ونبي نروح نبي نروح وخلاص وهو مسكين يساير فيا
وام زوجي مدايرتلنا نكد وزعل تبينا نسمو بنتي على اسمها وكان زوجي ماكلمهاش يوم تبعتله رسايل شفت بنتك نسيتني وطول النهار شادتها رسايل تلقيح لتوا لقيتها باعتتلي صباح الخير يا ام ..... "اسمها هي " وحمواتي لحد الان ماتصلوش باركولي تخيلو! الصغيرة فيهم بعتتلي مبروك ع النمبيز و التانيات لاحس لاخبر مع اني كان نعطل عليهم شويا ديرلي جو والاصول والاصول وتوا وووووين الاصول ؟ الحق تعبانه ومظاااايقه منهم وفالحين غير كل شويا يبعتوله اشريلي المكينة الفلانيه اسألي ع الجهاز الفلاني وخلاص اني زوجي انسان طيب وحنين وشاريني ويحبني وواثقه من الشئ هذا والحمد لله لكن نحس علاقتي باهله للاسف كل يوم تسؤ لدرجة ماعنديش رغبه نروح لحوشي ونسكن جنبهم وخايفه علاقتي باهله تأثر علينا وخاصه اني مانقدرش نكمت في خاطري اي موقف منهم طول يأثر فيا ويبان عليا والله غالب للاسف ماتجيش السعادة كاملة اسفه ع الفضفضه لكن خاطري ظااااايق بس الحمد لله الي رزقني بوجه لما نشوفه ننسا كل همومي والابتسامه لا اراديا ترتسم في وجهي |
رد: حبيباتى سيدات ليبيا تفضلو لأعرف ما حالكم
طبعا بنوتي درتلها اول حمام بروحي وتقول حرب عالمية لدرجة خديت للحوسة صورة باش تقعد ذكرى
غير البانيو فيه مكان تحطي فيه البيبي ساعدني في غسلها وبالنسبة للرضاعه الاسبوع 5 ايام رضعت صناعي لاني ماكانش عندي جهد ليها لكن بعدها نحاول مابتش تشد مني لين طلعنا وعطلنا البرا وهي جاعت مسكينة قريب 6 ساعات لما روحت شريت حلمة صناعيه وقعدت نساير فيها لين رضعت مني بس في الاول نستعمل في الحلمة رسمي وتوا بديت نشفط في الشيشه ونعطي فيها طبعا الشيشه ع اساس نوعيتها زي حلمة الام ماركة افنت حسيتها كويسه وبس مش عارفه عادي نقعد ديما نشفط والا نزيد نحاول معاها؟ وسبحان الله كل مانجي بنرضعها صدري يضييييييييق ونكره روحي ونظايق ع الاخر مش عارفه شن السبب تقعد حاجة كاتمه عليا لين نكمل!! |
رد: حبيباتى سيدات ليبيا تفضلو لأعرف ما حالكم
اقتباس:
ههههههه اكيد امولة مش زي ماكنتي بروحك زي معاك بيبي بيقلب كل روتينك بس كله يستاهل ومش خسارة لو مااهتميتي انتي من بيهتم واحمدي ربي انك ماتقري ومتفرغة لزوجك وبنتك بس وفعلا في هالاوقات هذه بتكوني حساسة جدا وبتتفكري كل احبابك اللي كانوا راح يقفوا معاك ومش راح يخلوك مش معقولة الليبيات ماجوكش ولا حتي طيبولك حاجة والله لما سمعت بيك تمنيت نكون جنبك لكنت ماروحت من عندك حتي انا مانعرف شي بس اقل شي نسايرك ونساعدك حبيبتي معادش اتعدلي اللي حسبك احسبيه وكان هدا معادش ادوري منبيش انقولك عاملي بالمثل بس والله الا توجع الحماوات مايتصلوش شن بتكلف 20 او 30 دينار شن المشكلة علي مرة في السنة وانتي بكرية وبروحك وصغيرة يالله ان شاء الله ربي يخليلك زوجك وبنيتك |
رد: حبيباتى سيدات ليبيا تفضلو لأعرف ما حالكم
السلام عليكم ورحمة الله وبركاته
|
رد: حبيباتى سيدات ليبيا تفضلو لأعرف ما حالكم
اقتباس:
والله انا كل يوم نتعلم منكم يابنات الكل من دون استثناء ام فراس اوشي اثري وحبيباتنا الغاليات رغم صغر سنكم بس تبارك الرحمن عليكم جيجي وسوسو هدية امولة امولة مش معقولة يتصلوا علي خاطر ألة ومايتصلوا يسالوا عليك انتي مرة مرة قولي لزوجك انه خاطرك واجعك يعني قوليها بأسلوب وبهدوء انهم كيف ماسالوا عليك حتي يعرف انهم غالطين ماتسكتيش علي الغلط ومع هدا ماتخلي هالشي يبين لزوجك انك مضايقة هلبة منهم لدرجة كبيرة واكيد زوجك متعود من قبل هكي يطلبوا منه وهوا يجيب بما انه الكبير في العيلة بس بنقولك انك لما بتروحي الي ليبيا الناس مش راح ترحمك والمشكلة هذه اكثر من وحده من المغتربات متخوفة منها بتروحي بديري عزومة وبتزيدي تأثثي حوشك يعني كله يبي فماتخليش زوجك يصرف هلبة مش راح يرحمك ولا شخص واول ماتوصلي راح يجوك الناس |
رد: حبيباتى سيدات ليبيا تفضلو لأعرف ما حالكم
اقتباس:
هلا حبيبة حاتم ان شاء الله ربي يكمل حملك علي خير وتشوفي بنيتك او وليدك بين اديديك وتحسي باحساس الامومة |
| الساعة الآن 08:07 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .