|
رد: حبيباتى سيدات ليبيا تفضلو لأعرف ما حالكم
امس كان يوم شاااااق ..
خخخخ لانه كله عدا ف المطبخ طبعا نضت ف الصبح دوشت وبعدها دوشت لفرااس ومن ثم لولي عدوة الماء والصابون خخخخخخ ودرنا فطور عائلي لاول مره ع الارض ههههه ملينا من جو الطاوله حنينا لفطورات الوطا ايامات الشتا نا وزجي وجنبنا الكانون مع الشاي والقهوة الفايحات-+ فطرنا .. وبعدها بشوي بديت ف الغداا رز اصفر وبطاطا مبطنة وكيكة حاره خلاص بعدها اتصلوا اصحاب زوجي ال 2 قالو بيجوا يقرو مع بعض جونا ساعه 3 ونصف درتلهم الشاي والقهوة طبعا العصير والشوكلاته والمكسرات والفواكه ع طاولة المربوعه بعدها درت العصيده لان واحد منهم خاطره فيها ودرت شاي بعدها من جديده يموتوا ف الشاهي الاخضر وختمت ع عشاء درتلهم مكرونه شعيريه مبوخه ع خضرة وحطيتلهم كيكة وبطاطا من لي فضلن ودرت شاهي من جديد وحاست عليا وكرعيايا ساتر اخر اليوم ههههه |
رد: حبيباتى سيدات ليبيا تفضلو لأعرف ما حالكم
صباح الخير
كيف حال الجميع حاضرين وغايبين للأسف ام فروسي ماصورتش جنبها لأنهم عارضينها جنب. مباني والمنازل الخاصة بالأفلام مدينة كاملة للأفلام مستشفي ومحكمة ومدارس قرية كاملة وبحيرة وهذه مش فاتحينها للناس الا من خلال الباص الي يرفعنا ويبدأ يشرح فيه تلفزيونات في السيارة نشوفوا مقطع من فيلم لما نمروا جنب مكان اللي صوروا فيه المشهد وانا خلاص بنمووًوووت تمنيت ننزل أندير دورة في المنازل من الداخل انتي أكيد عارفة كيف شكلهم فيه منهم علي الشكل البريطاني حتي نتخيلي انهم في بريطانيا مصورين ولو تتفكري في فيلم فيه تحطم طائرة حتي هيا موجودة طيارة كاملة وسيارات مدمرين هل ولما نمورا يجنبها يبدأ فيه دخان ونار كأنها كيف طايحة وفي نفق متاع ميتروا مثلونا فيه زلزال بدت الباص تهتز وعلي جنبنا اليمين واليسار طاح السقف وبدت فيضان امياء وطاحت شاحنة من السقف وبعد شوية كله يرجع لمكانه وهدا كله مع التأثيرات لو فيه نار نحسوًوا بالحرارة او إيماء يبخوا علينا أمية ولما مارينا جنب سيارات هلبة من ضمنهم فليستون كنت مصدومة ومالحقتش نصور وحتي انا ماكنتش من جيهتها يعني في الباص صعب التصوير اااااااااااه وبعدين خشينا نفق لبسنا نظارات وبدت الباص تهتز وشفنا فيلم 3d متاع الغوريلاااا العملاقة وديناصورات علي أساس انه الغوريلاا أدافع علينا الديناصور يهجم علينا حسينا كأننا فعلا معاهم لما أيد الديناصور قريب توصل لوجهي والباص تنقلب بينا جووووو وكل المقاطع اللي شفناها حتي متاع الترانسفورمر مش من الافلام مدايرينها خاصة للعروض هذه وراح نحكيلكم شن صار فيا في دار المومياء والرعب |
رد: حبيباتى سيدات ليبيا تفضلو لأعرف ما حالكم
تسلم أيديك ام فراس
ماشاء الله عليك قائمة بالواجب وزيادة والله يجبر بخاطرك زي ماجبرتي بخاطر الشاب في ميزان حسناتك احبيبه شن صار في ايفادك تعالي ونسينا في امريكا |
رد: حبيباتى سيدات ليبيا تفضلو لأعرف ما حالكم
هيا سلامات بنوض نجهز روحي بنمشي
ومن غدوة بترجع افتير نوووون الصبح نروح بكري صح بس ماساعدنيش في القراية بس زوجي راح يمشي صبح وانا عشية |
رد: حبيباتى سيدات ليبيا تفضلو لأعرف ما حالكم
اقتباس:
اقتباس:
ايوة شخلعيني ودلعيني واعمليلي هيلة وهليلة ... كاتبة ومؤلفة مرموقة علي اساس ... كيف حالك حبيبتي انستي التجمع وشن حال سنافرك وبوهم نعم يافراشة العاصمة .. الحمد لله اموري بخير ونعمة من ربي العالمين سوا في الحوش او العمل والمدير الحق ديما يشكر فيا للمدرسات وحتى لزوجي لما يجي يدير اجازة او اي شيء خاص بي في المدرسة واهم حاجة يقول فيها اني انا مؤدبة . وخلوقة خخخخخخخخ والسنة هذي ياودة دارو علي عركةhwaml4 مدير الصبح ومديري امتاع العشية قالهم ابدا مانفرط فيها ماهو انا جوهرة غالية هههههههhwaml02 المهم صدعتك ... انا ماسكة منهج علوم سنة رابعة ابتدائي والحمد لله في الامتحان رفعو راسي درجاتهم كلها حلوة اغلبهم جايب 8/8 والباقي 7/8 و6/8 وحدة بس جابت 5/8 واخرى جابت 4/8 وبنت سبحان الله وحدة معيدة وجابت 3/8 hwaml15 اقتباس:
ماشاء الله الله يبارك ويزيد رحلة ممتعة ومن الاخر ربي يوفقك واهم شي انك رجعتي لايام الطفولة البريئة وحسيتي فعلا بطعم الرحلة ربي يهنيك ويوفقك |
رد: حبيباتى سيدات ليبيا تفضلو لأعرف ما حالكم
وتوة كيف حالكن ياحلوات نفرة نفــــــــــــرة
|
رد: حبيباتى سيدات ليبيا تفضلو لأعرف ما حالكم
فروستي تستاهلي الترتيب الاول تجهيزا رائع جدا
والف مبــــــــــــــــــــــــرووووووك |
رد: حبيباتى سيدات ليبيا تفضلو لأعرف ما حالكم
السلام عليكم كيف الحال
اخ نحس في روحي تعبانة امس عازمين ستة أشخاص عالعشي عزابة أصحاب راجلي درتلهم كسكسي بالبصلة ومحاشي كوسا وفلفل وامبطن وأصابع دجاج وسلايط ومشروب وفواكه تعب لأنه كله درته امس ماوتيتش من اليوم الاول لكن الحمد لله ربحنا اجرهم مساكين قاعدين علي ايكال المط اعم والايديروا في خفيف بروحهم واليوم صابحة متكسرة وسوما مزكومة وقالقه ومقلقتني حتي عازمتني صاحبتي ليبسة عالفطور شوبت هي بعيدة عليا ماخاطريش في ركوب الباص والاالقطار وتشحوير مع سوما والعربه عموما ليكم وحشه كلكم ان شاء. الله تكونوا كلكم بخير |
رد: حبيباتى سيدات ليبيا تفضلو لأعرف ما حالكم
السلام عليكم ورحمة الله وبركاااته
|
رد: حبيباتى سيدات ليبيا تفضلو لأعرف ما حالكم
يامرحبا بالغوالي
اوشتــي وهدوووو |
| الساعة الآن 02:36 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .