|
رد: تجمع سيدات ليبيا الغاليات..
باقي البنات أن شاء الله تكونوا كلكم بخير
أني خلاص راسي بينفجر اليوم ما لقيت ما ندير قلت لراجلي ساد من الباص نبي نتمشى ديما واني متكسله حتي الرياضة معدش اندير فيها زي قبل امشي مشاني مشوار باهي لين رجليا تكسروا والجو صقعععععععع بكل معني الكلمه قلتلهم حتي السنه اللي فاتت ماجاش صقع هكي قالوا لا نفس الشي غير كنتي حامل وعندك سخونيه مش حاسة بالصقع هلبه وفعلا والله السنه اللي فاتت زي هالوقت الرواشن مفتوحات عالآخر والله يبست راجلي في جرتي مسكين يروح من الجامعه يجي يجري للروشن يسكره يقولي ما تحسيش في الصقع والا شني والسنه هادي الشخشير ما يتحولش من رجليا سبحااان مغير الأحوال هي سلامات في أمان الله القاكم غدا باذن الله |
رد: تجمع سيدات ليبيا الغاليات..
صباااااااح الخير ,,
صباح الورد ياوردات ,, باهي ياهدهد باهي ,, ألإحساس هذا جاني منك أنت ,, مش أنت مرة قلتي منطقتنا تعتبر منطوية ومافيهاش هلبة محلات والبضاعة محدودوة,, ونتعتبرو بعاد شوية عالسنتر ونمشو مرة في ألأسبوع لوسط اللمدينة ,, مشوار بعيدة علينا ,,, باش ناخدو قضيتنا ... |
رد: تجمع سيدات ليبيا الغاليات..
سلمك ياجيجي ياغالية على طريقة كنافة جبنة الكيري,,
حلوة ويللي عجبني فيها إن نقدر ندير كمية بسيطة نجربها يعني .. وسونة سلم يديك على التشيز كيك روووعة ,, أوشي سلم يديك عالحاجات الحلوة يارب,, فروسة ربي يعاونك اليوم العزومة صح ,,, ربي يعاونك ونصيحتي يللي تقدري عليه باهي ويللي ماتقدريشه فوتيه طبعا ,, الوضع صعب مع الصغار أكيد.... وحبيبتي كيف قصدك شربة عدس ,, وطبيخة حوت .. يعني حاجتين ولاكيف.. |
رد: تجمع سيدات ليبيا الغاليات..
اقتباس:
إنتي كان تلاحظي كل مرة طالعتلي بإحساس مرة انطوائية وماتحبيش اللمات والجمعات ومرة ماتطلعيش ووماتشريش ومرة مش عارفة شني اني مش لازم نهدرز ونقول درت وفعلت وشريت باش تصدقي !!! |
رد: تجمع سيدات ليبيا الغاليات..
هدهد أنا أسفة على أي شىء ,,
مافيش حاجة تستاهل أننا نفهمو بعض غلط أو نجرحو بعض .. أسفة ,, وأنا ماعاركتش وضحت بس ,, وانا نحبك وقلبي صافي من ناحيتك ,, خلاص صافي يالبن .. وفعلا أسفة لو ماضايقاتك بتعليقاتي.. |
رد: تجمع سيدات ليبيا الغاليات..
صباح الخير عالجميييع
تعرفوا مش جايني نوم امبكري رقدت بعد روحنا طول قيس صلاة العشي حسيت روحي فاشلة ونعسانة ومانقدرش نقاوم لوقت النوم علي اساس مناخد غفوة ربع ساعه بالكثير مشيت فيها ساعه والا اكثر ودفعت الضريبة توا قاعدة نفنص وراسي بيتكسر |
رد: تجمع سيدات ليبيا الغاليات..
السلام عليكم كيف حالكم اليوم
|
رد: تجمع سيدات ليبيا الغاليات..
ام ورد تسلم عليكم وحالها الحمد لله امس طلعت عند امي وبنوتاتها الحمد لله
|
رد: تجمع سيدات ليبيا الغاليات..
هد هد الصفحة هدي نص الكﻻم طاير المهم انت كيف حالك وحال سوما سوسو شن الجو وكيف الحال الصغار
|
رد: تجمع سيدات ليبيا الغاليات..
السلام عليكم
كيف حالكم اليوم شن اخباركم وشن امدايرين الله يبارك فيكم جوهرة ليبيا الف لاباس علي بنوتك وردي بالك منها ولبسيها كويس اوشي الحساسيه في بدايه الحمل طلعتلي علي صدري حكه هلبه وبعدين مكانها قعد اسود امشيت لدكتوره جلديه قتلي عادي هدا من الحمل قتلي في نساوين يطلعلهم في وجهم اني حسيت انها اتهدرز علي الكلف وتوا طلعتلي علي بطني و جنابي امبهدلتني اسبوع جايه بناخد موعد وبنمشي لدكتوره تانيه و انشاء اللله خير |
| الساعة الآن 06:45 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .