|
رد: حبيباتى سيدات ليبيا تفضلو لأعرف ما حالكم
السلام عليكم
كيف الحال توا مروحين كان جووو مش عادي |
رد: حبيباتى سيدات ليبيا تفضلو لأعرف ما حالكم
اهلااااااااااا اثري نورتينا
حتي اني الشبكه دارت فينا حاله البارح شن جو المطر جنبكم تبارك الرحمن الدنيا غرقت ماما فيه اكثر من فرع دكتور جمعه بن يوسف دكتور العائله الا انا خخخخخخ ماعمري امشيتله نذكر في قصه راجل بنته لما مات وهي عروسه شهر وحامل سخفي قعد شهور مخدمش وتقريبا حسب مسمعت ربي يعينها جابت ولد مش طبيعي وياااارب ايكون توه كويس واموره تمام والله الوحده ماتحمل ويتم حملها وولادتها علي خير والنونو بخير الباقي ماتبي شئ ياااااارب ارزق كل محرومه الذريه الصالحه وتمم علي كل حامل بالخير وتمام الصحه يااااارب |
رد: حبيباتى سيدات ليبيا تفضلو لأعرف ما حالكم
اقتباس:
الحمد لله كان السبوع مرتب وكل شئ زي مانبي ومشكوووووووره ياغاليه عالمساعده كل من يعجبه العشئ ويسالني انقوله اخت في النت ماشاء الله عليها نعتتني عليهم وبالنسبه للسؤال انبصر عليك عارفاتك مش حتسالي وربي يجمعنا في يوم عالخير ياااارب الحق عزومه الرجاله ماكانتش متعبه الا الماعين وجمونتي البكايه بس والحق ماقلتش لخواتي حتي ان عندنا ضيوف عارفتهم والله اول وحده اتجي لكن حبيت نعتمد علي نفسي وندير حاجتي شوي شوي وهما مش عزومه كبيره لا اصحاب زوجي اربعه وراجلي وخوه مانقدرش اندير سفره وحده فدرت سفرتين انا انطيب بروحي من بعد ماروحت ب6ايام بس وراجلي والله يطلب فيا ومايبيش والحق والله مقدرني ويجيي كل شوي بلكي تبي حاجه وحتي هديتي اني نضت انا وبنوتنا بالسلامه ماجابش يبي ايخلي يوم علي حسابي قالي انخلو الصغار مع امك وخواتك وانا تحت امرك وزيدي هديه علي هالعزومه الحلوه يااااااارب احفظلي زوجي وبنوتاتي وكل احبابي يااااااااااااااااارب |
رد: حبيباتى سيدات ليبيا تفضلو لأعرف ما حالكم
تصبحوا علي الف خيييييييييييييييير
|
رد: حبيباتى سيدات ليبيا تفضلو لأعرف ما حالكم
اكيد الكل راقد
كيف وصلنا من لوس انجلس مشينا يوم الاربعاء مع الساعة 3 بالقطار وكان مسافة ساعتين ونصف القطار ماشاء الله كانه طيارة مع الخدمة داخله روعة لاننا حجزنا علي البيسنس كلاس وصلنا الي فندقنا ... وحتي هوا كويس بس مشكلته كان بعيد شوية او ان الاماكن اللي قررنا نزوروها بعيدة علي بعضها مش زي سانديغووا كل قريب انوضوا كل صبح بكري شوية وفي فطور صباحي حتي هوا جوه حلووو كل مايخطر علي البال من دحي وزبادي وكاكاو وعصير وشاهي وفواكه وتوست واشياء والله مانعرفها ماجربتها مشينا اليوم الاول الي هوليوود بالضبط الي universal studios رااااائع جدا هذه خاصة بالانتاج السينيمائي والافلام عارضين فيها كل اللي مستخدمينه بالافلام والله ماتوقعت انهم في اشياء صانعينها مثلا الرجل الالي صانعينه فعلا والا سيارة متاع العصر الحجري فليستون يابادابادووووووو عرفتوه والمنازل كلها موجودة وكيف يديروا في المطر في الافلام فتحوها لينا كانها مطر فعلا ودارولنا فيضان ومثلونا مشهد من فيلم ولد يغرق وجاه القرش وكلاه وكيف انحرق القارب مع التاثير يعني انحرق القارب وحسينا بحرارة واضح الإبداع في السينما وأكثر شي ابهرني الانيميشن في transformer حسيت كأننا احني تحاربوا في الرجال الآليين وإلا tour في أماكن تصوير الأفلام حاجة لاتصدق وخصوصا الزلزال في محطة الميتروااااا والمنازل اللي مصورين فيها مسلسل ديسبرت هاوس وايف تمنيت ننزل حتي شوية تشوفهم من الداخل وانا Disney land رجعتني الي عمر6 سنوات خيااااااال فلة والأقزام السبعة وحتي منازل الكرتونية تمنيت معادش نطلع بجد روعة عيشوني جووو سندريلا والاميرات طبعا انا تمنيت معادش نطلع كل شوية نقول هيا نزيدوا شوية مهما حكيت مش راح نقدر نعبر ولا نوصف شن شوفت ان شاء الله انزل ليكم الصور وطبعا مشينا الي هوليود بوليفارد وبفرلي هيلز وwalk of fame بس كل مانشوف شي خصوصا في ديزني لاند نتحسر علي اطفالنا كم محرومين من الاستمتاع بطفولتهم |
رد: حبيباتى سيدات ليبيا تفضلو لأعرف ما حالكم
بعد وصولنا من لوس انجلس قالي زوجي هيا نتعشوا في مطعمنا المفضل لان كل الايام الماضية كله فاست فووود
لين كرهته بيتزا خضروات ولا مكرونة بصلصة طماطم والبارح خدينا من ماكدونلز بالحوووت مش حلووووو بكل ولما دخلنا للمطع العراقي كان فيه شابين يشتغلوا مش نفس الشخص اللي بالعادة وكانوا حايسين في بعض ويعطلوا قلنا الباين ماليهم فترة يشتغلوا في المطعم ويجروا استغربنا بعدها واحد منهم كلمنا بالعربي قال شفتوا الفنان يتعشي برا واحني دخلنا ميتين جوع ماركزنا المهم قال عبد الله الرويشد مع عائلته طبعا لا انا ولا زوجي مهتمين بالاغاني ولا الفنانين |
رد: حبيباتى سيدات ليبيا تفضلو لأعرف ما حالكم
السلام عليكم ورحمه الله وبركاته
|
رد: حبيباتى سيدات ليبيا تفضلو لأعرف ما حالكم
اقتباس:
تسلمي اثــري ,, وكيف نظام ريجيمك بالضبط ممكن تحكيلي عليــه ؟؟ انا موقفه حاليا بس نراقب في معدل السعرات الحراريه الداخله لجسمي طبعآ .. مع تمرينات بسيطة يوميآ .. واااو الديبنهامز مانقاومش حتى اسمه قعدت ههههههههه اخر مشيه مشينا للمترو سنتر لي انزلت صور احتفالات عيدهم كانو جاينهم مصممين راجلين ومراه يوقعوا ع تذكارات او ورق مقعمزينعم ف الاستقبال .. عندهم جهة ملابسة النساء للطلعات كالكيب وشالات روعه وكذلك الاكسسوارات روعه .. و ساعات والاطفاااااااااال ومستلزمات وديكور واثات البيت الحق كله روعه يا سعدودكم به خخخخخخخ وموفقة في الريجيم ان شاء الله بصراحه تبيلها اصرار واراده ومقاومه للمغرياااات .. وصحة الكباب .. واي شئ مشوي ماتخافي منه اكيد .. لو كان هكي الكباااب .. وماشاء الله اللهم بارك ع امطار طرابلس شفت صور غارقات للسيارات ؟؟ اين انتم منها ...؟ |
رد: حبيباتى سيدات ليبيا تفضلو لأعرف ما حالكم
اقتباس:
الله يبارك فيك ويخليــك .. ياااااه ذكرتيني بالنت عندنا فــي ليبيــــا ,,, البطء وحرق الاعصاب في التصفح لدرجة تقضي وقت ع الابيض وانتي تستني وهذا رابط مشاركتي http://forum.hwaml.com/t276349.html |
رد: حبيباتى سيدات ليبيا تفضلو لأعرف ما حالكم
اقتباس:
واااو روعه رحلتك ياجنوده عشت معك اللحظه خصيصا ديزني لاند .. قديش خاطري نشوفها .. كان عدينا فرنسا ان شاء الله وكان هذا نلحق عليها في لنــدن وصدقتي اطفالنا محرومين من هالاشيااء مش غــير وعجبني جو استديوهات هوليود بصراحة حاجة عالمية .. راك تقوليولي ماصوريتيش جنب سياره فيليستون خخخخخ واكيد شفتي النجمات ع الارض اللي فيهن اسماء الممثلين العالمين .. |
| الساعة الآن 02:24 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .