| ميمونة |
02-23-2011 06:07 PM |
رد: تجمع حوامل ليبيا
اللهم إني نستودعك أهل ليبيا فاحفظهم يا من لاتضيع ودائعه اللهم كن معهم ولا تكن عليهم اللهم انصرهم اللهم انصرهم اللهم انصرهم
اللهم من أرادهم بسوء فاشغله في نفسه ورد كيده إلى نحره واجعل تدبيره تدميره
يارب العالمين
·
|
| ليبياقلبي |
02-23-2011 10:52 PM |
رد: تجمع حوامل ليبيا
يارب ارحم موتنا واعطينا الصبر واحفظ بلدنا
|
| أم نورين2012 |
02-23-2011 11:59 PM |
رد: تجمع حوامل ليبيا
الحمد لله أنكم بخير
علي فكره مش بس الجزيره شوهة سمعت ليبيا ومصر كانت قبلها والحمدلله كدنا نار الليكره مصر وأنتصرنا
|
| ام مرزوق |
02-24-2011 01:57 AM |
رد: تجمع حوامل ليبيا
الله ينصركم على الظالم الطاغي
ويرحم شهداكم ولا تستسلمون وحنا معكم بالدعاء
|
| صعب تنساني |
02-24-2011 02:04 AM |
رد: تجمع حوامل ليبيا
الله يعينكم ويصبركم على الطاغي القذافي ويرحم موتاكم قلوبنا معاكم
|
| ليبياقلبي |
02-24-2011 03:57 AM |
رد: تجمع حوامل ليبيا
يارب ساعدنا والطف بي حالنا
|
| تيمو ليبيا |
02-24-2011 08:21 AM |
رد: تجمع حوامل ليبيا
بارك الله فيكم علي مشاعرك بس علي فكره بنقول كلمة حق في القدافي وربي يشهد عليا عمري ماكان يعنيلي شي الا مجرد رئيس بس ليبيا من غيره دمار والهي لو تنحا القدافي حنعيشو عصر الفقر والدل وهو والهي انسان طيب ومش طاغيه ال حوليه هما الطغاه اتباعه صح وكل ريس عنده اخطائه بس بصوره ال مطلعينها عليها عيب والهي عيب عليهم الخير ماشوفيشي الا في عهده
|
| ميمونة |
02-24-2011 11:47 AM |
رد: تجمع حوامل ليبيا
السلام عليكم
اولا نبي نقول على قناة الجزيرة بالله عليك يزي من الكذب باش تشوفها قداش تكذب قالت ان القذافي توا في فنزويلا وبعدين قالوا ان منطقة فشلوم وعدة مناطق اخرى قصفتها طيارات حربية ومدينة بنغازي ومدينة غرب طرابلس اللي هي منطقة الجميل وهذا كله كذب لاني والله العظيم انا في طرابلس وقت لما قالو الخبر وقال والله العظيم كله كذب ونفس الشي اتصلت بأقارب في مدينة الجميل وقالوا والله العظيم ماهناك حتى حاجة واحنا راقدين وامورنا كلها تمام وبعدين القذافي طلع في حوشه وقاللهم انا قاعد في طرابلس مش في فنزويلا
وان شاء الله يارب ترجعلنا ليبيا زي قبل امان واستقرار وتنتهي هادي الازمة على خير يارب
|
| ام روفيدة |
02-24-2011 05:12 PM |
رد: تجمع حوامل ليبيا
اقتباس:
المشاركة الأصلية كتبت بواسطة تيمو ليبيا
(المشاركة 785465)
بارك الله فيكم علي مشاعرك بس علي فكره بنقول كلمة حق في القدافي وربي يشهد عليا عمري ماكان يعنيلي شي الا مجرد رئيس بس ليبيا من غيره دمار والهي لو تنحا القدافي حنعيشو عصر الفقر والدل وهو والهي انسان طيب ومش طاغيه ال حوليه هما الطغاه اتباعه صح وكل ريس عنده اخطائه بس بصوره ال مطلعينها عليها عيب والهي عيب عليهم الخير ماشوفيشي الا في عهده
|
أختي بارك الله فيك شن اتقولي القدافي مش طاغية قصدي سامحيني إنتي وين عايشة ليبية ولا مش ليبية القدافي طاغية وأكبر طاغية في عصرنا وكااااااااااافر بإجماع علماء المسلمين وهدا كلام علماء مش كلامي أني وبعدين اتقولي ما شفنا الخير إلا في عهده وين الخير اللي تتكلمي عليه العلم ولا الطب اللي عندنا ولا الاوضاع المعيشية الكويسة والله الدي لا إله غيره شفت ناس عايشين في حفر ومسقفينهم بالزينقوا وليبيا دولة نفطية يقدر دخلها السنوي من النفط 50 مليار دولار ومنظمة الشفافية لما دارت بحث على دخل البلدان العربية لقت بأن دخل الفرد الليبي شهريا مفروض يكون 13 الف و800 دولار شهريا وإنت مقعمزة في حوشك لكن وين تمشي فلوسنا يا ترى تمشي للعاهرات والفاسدات امتاع القدافي واولاده وللأفارقة اللي والدهم ا لقدلفي وناسيهم وافتحي النت واتفرجي كويس على فضايح القدافي واولاده وتقولي القدافي طيب وينها الطيبة ومنظمة حقوق الانسان العالمية سجلت ضد القدافي 45 الف جريمة خلال 42 سنة من الحكم وجرائم القدافي هلبببببببة حتى الصغار يعرفوها لكن والله العجب من بعض الليبين القدافي عافس على رقابيهم ويقتل في خوتهم ويقولو القدافي كويس وطيب والله عجب مابعده عجب صراحة وبعدين انحب إنقولك كان إنتي القدافي معيشك أحسن عيشة فيه غيرك شرده القدافي وقتله وشنقه في الساحات قدام الناس من غير شفقة ولا رحمة هو واللجان الثورية الكلاب |
| ام روفيدة |
02-24-2011 05:20 PM |
رد: تجمع حوامل ليبيا
اقتباس:
المشاركة الأصلية كتبت بواسطة ميمونة
(المشاركة 785732)
السلام عليكم
اولا نبي نقول على قناة الجزيرة بالله عليك يزي من الكذب باش تشوفها قداش تكذب قالت ان القذافي توا في فنزويلا وبعدين قالوا ان منطقة فشلوم وعدة مناطق اخرى قصفتها طيارات حربية ومدينة بنغازي ومدينة غرب طرابلس اللي هي منطقة الجميل وهذا كله كذب لاني والله العظيم انا في طرابلس وقت لما قالو الخبر وقال والله العظيم كله كذب ونفس الشي اتصلت بأقارب في مدينة الجميل وقالوا والله العظيم ماهناك حتى حاجة واحنا راقدين وامورنا كلها تمام وبعدين القذافي طلع في حوشه وقاللهم انا قاعد في طرابلس مش في فنزويلا
وان شاء الله يارب ترجعلنا ليبيا زي قبل امان واستقرار وتنتهي هادي الازمة على خير يارب
|
أختي بارك الله الجزيرة مش كدابة وتنقل في الواقع والحقيقة بحدافيرها وبعدين انحب انقولك الجميل مش في طرابلس وما ليهاش علاقة بطرابلس الجميل جنب الرقدالين قريبة من الحدود التونسية وبعدين الجزيرة ما دكرتش اسم الجميل ولا جابت سيرتها تكلمت على فشلوم وتاجوراء وسوق الجمعة وهده المناطق فعلا تم فيها قصف بالطائرات الاباتشي لكن مش بالصواريخ إنما بالرصاص وفيه فيديوهات مسجلة للشيء هدا وكان تبي نعطيك الرابط ما عنديش مشكلة وبالنسبة لخبر هروب القدافي إلى فنزويلا الجزيرة نقلته عن وزير الخارجية البريطاني ولم يكن خبرا من الجزيرة بداتها وإنما نقلا |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
Privacy Policy - copyright
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .
