|
رد: حبيباتى سيدات ليبيا تفضلو لأعرف ما حالكم
السلام عليكم ورحمه الله وبركاته
مع اني تعبانه بس كله ورضا زوجي الغالي حاليا كملت عشاء اصحاب راجلي سفرتين كسكسي وسلايط وفاكهه ومخللات وامبطن وطاجين مع المشروب بركه توه كيف اعطيته النسكافيه والكيكه والكنافه وقبلها عصير برتقال فرش وشكلاته وبعد العشئ شاي احمر واخضر ومكسرات وربي يعاوني نص ساعه تانيه وبنسخن الكسكسي ونسقيه والباقي جاهز والمبطن والطاجين انسخنهم شوي في الميكرويف وكل شئ جاهز وبنوتاتي امدايرين الازم وحده تعيط ووحده تدلع سلامتهم ربي يحفظهم |
رد: حبيباتى سيدات ليبيا تفضلو لأعرف ما حالكم
اهلا ام فراس
كيف حالك وحال العسوله الولي والغالي فروسي ربي يحفظهم الصور روعه ربي يهنيكم |
رد: حبيباتى سيدات ليبيا تفضلو لأعرف ما حالكم
آآآآآآآخ ياضهري وعمليتي
من شوي سيقت المطبخ وكملت كل شئ ودوشت للسنفوره جمونه ورقدت حبيبتي وحاليا نشرب في شاي سخووووون يم يم مع هالصقع ومعه كيكه رنوده امخليا حوايجها بيها حااااااله مع انها ماشاء الله عليها كل من تاكل معاه ايقولي تعرف تاكل ونضاميه بس عندها الحق الكيكه كلها كراميل وكريمه خخخخخخخ تهبل حبيبة امها شكله مازال فيه حد من اصحاب زوجي لان قاعد ماجاش للحوش غريبه مع اني كل مره نسمع سياره طالعه اتلف عالحوش <<وحده قالقه وتستني خخخخخ |
رد: حبيباتى سيدات ليبيا تفضلو لأعرف ما حالكم
صباحوووو
اهلا جيجي ردي بالك ع روحك .. بجد عملية وتعب وااااجد مفروض تلزمي الراحه اقل شئ شهر |
رد: حبيباتى سيدات ليبيا تفضلو لأعرف ما حالكم
صباح الخير
كيف حالكم جميعا يوم الأربعاء بالليل وصلنا الي لوس انجلس امس مشينا الي هوليود الي استيديوهات التصوير شي فوق الخيال راح نرجع مع تقرير كامل وبالصور |
رد: حبيباتى سيدات ليبيا تفضلو لأعرف ما حالكم
السلام عليكم كيف حالكم كلكم
تسلم عليكم شموسة واااااااااجد على قولتها ومشتاقتلكم كلكم وقالت المنتدي ماباش ينتفح معاي تحسابه فيه عطل وهي كويسة وامورها تمام |
رد: حبيباتى سيدات ليبيا تفضلو لأعرف ما حالكم
السلام عليكم ورحمه الله وبركاته
كيف حالكم اليوم فاقده اثرييييييييييييييييييييييييييييييييييييييييييييييي ييييي حتي اوشي اليوم وينها ان شاء الله ايكون الكل بخير اليوم فررررررررحانه كان يوم حلوووووو لاني امشيت للغالي بوي وخوتي ضميته بكل مافيا الله لايحرمني منه استاحشته موووووت 20يوم كانهم دهر ربي يحفظه طبعا زي الكل انصدم في ضعفي والتعب الواضح عليا مع اني امدايره مكياج خفيف يخفي التعب اخديت شكلاته ومشروب وبكلاوه وتورته بنكي تهبلللللل كانت اتهدريزا حلوه مع الصقع والعاله تفحفح في الحوش والصغار يلعبوا داخل لان صقع الجنانات خواتي المتزوجات مش كلهم جو القيت 3بس ربي يحفظهم داروا العشئ مالذ وطاب علي خاطر العروسه جمونتي الغاليه وكانوا سعات من اروع الساعات ان شاء الله دوم هاللمه الحلوه |
رد: حبيباتى سيدات ليبيا تفضلو لأعرف ما حالكم
وينكم يابنات
سوسو خيرك معادش اتخشي ان شاء الله خير هذا كله صققققققع المهم انك بخير |
رد: حبيباتى سيدات ليبيا تفضلو لأعرف ما حالكم
ام نوزه كيف حالك
علي فكره حتي اني نشري من حنين وروبين اكثر ميزه حنين فيه من الي روائح واحذيه واغلب المستلزمات وروبين حتي هو خصوصا في ماركه اتشيكوا ديما متوفره عنده ولبس الحوش ولحوش بوي بناخد من ماما نازك الحق وسعره معقول والصغار ديما يبو التغير والتبديل طبعا هذا قراري من توه لان عندي امجيبت خواتي فبنشريلهم لبس طلعه كااامل هلبه وبنخلي لبس الحوش والعملي من ماما لان زي ماتعرفوا هالشهر صرفنا هلللبه من عياده ومن سبوع ووو والحمد لله كله من فضل ربي وراجلي وانا نبوا لبس كامل اكيد وراجلي قالي عادي خودي شن تبي بس بصراحه بنقتصد |
رد: حبيباتى سيدات ليبيا تفضلو لأعرف ما حالكم
طبعا مافيش حد خش بعدي
الاغلب الكل راااااااااااقد انا مواصله مع نور عيوني جمونتي ربي يحفظها ياااااااارب ترقد انحصل حتي سويعتين بس لان هادي تالت ليله مترقدت او بالاصح منرقدوووووووش ربي يحفظهم |
| الساعة الآن 01:41 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .