|
رد: تجمع حوامل ليبيا
أخواتي بالله عليكم نبي دكتورة نساء كويسة ... نمشيلها ومضمونة ووحدة منكم تعرفها لأن دورتي من ماتزوجت مش عاجبتني ... ومشيت ثاني شهر من زواجي لدكتورة وقالتلي حاجة طبيعية بعد الزواج هكي يصير وبهدخا جت في وقتها والمرتين اللي فاتوا تجيني بعد عشرين يوم بس وما ينزلش هلبة دم زي قبل ... فبنمشي لدكتورة تكون كويسة تنظمهالي ونكشف لأن بصراحة مش حنرتاح الا هكي .. كان مامشيتيش حتقعد نفسيتي تعبانة ... وإدعووولي ... نستنا فييييكم نبي دكتورة كويسة وتعرفوها وتعرفوا حد ماشيلها .. |
رد: تجمع حوامل ليبيا
عيون زوجي تسلمي ياغالية عالإقتراح
ايه مكياجهم حلو وبسيط ومش مبالغ فيه توا كيف واصلة ياعاشقة والله استمتعت واسترجعنا ذكريات الدراسة والمواقف الحلوة وضحكنا ,, كنت محتاجة لتغيرت الجو هذه مع صاحباتي ,,, متفائلة ماتشغليش روحك حتي انا صار معاي هكي لدرجة اني درت حتي اختبار حمل منزلي وطلع سالب بعد ماتوقعت اني حامل وكنت انعاني من تغير في الدورة واضراب فيها ومشيت لدكتورة وقالتي هدا شي طبيعي في اول الزواج ماتشغليش بالك ,,, |
رد: تجمع حوامل ليبيا
في دكتورة اسمها نادية يشكروا فيها البنات هنايا
اسمها نادية في عيادة النسرين خلف جامع مولاي محمد وتشتغل الاحد والثلاثاء واالخميس ولأي تفاصيل ثانية اسألي البنات |
رد: تجمع حوامل ليبيا
السلام عليكم ايش الاخبار عند الكل شكلها الشباب قاموا الله يستر نحنا فى درنه مازال ما فى شىhwaml80
|
رد: تجمع حوامل ليبيا
السلام عليكم
وصباح الخير وكيف اصبحتوا اليوم ؟؟ عيووون والله والله نزلت الصور في الجهاز وكل ما نحاول نحملهم ما يصيرش تقعد الصورة الوحدة بالساعات ،وقااااعدة نحاول و في اقرب وقت ان شاء الله انزلهم والا نقولك " يوم اطهري حمودي يوم انزل صور حوشي هههههههههههههههههههه" العاملات وينكم اليوم ؟ عاشقة / ان شاء الله حالك احسن اليوم ؟ و بوسي سورينام / حتى انتي ان شاء الله تكوني بخير انتي وصغارك وتقدري تنوضي لعزومة العريسة الجديدة ... اممممم متفائلة / تعالي نقولك في حاجة اسمها " توارية " هادي تجي للحامل في موعد الدورة وبالاخص اول دورة بعد الحمل ينزل دم بس شوية بكل ويستمر من يوم الى 3 ايام ويكون لونه بني غامق ممكن انتي صارلك هكي ، لان اني في حملي الاول صارلي هكي بالضبط ... وفي جميع الاحوال حاول تنقصي من الجماع الفترة هادي لحتى تتأكدي وشي ثاني ، نصيييييييييييحة مني ، لو دورتك وانتي بنت منتظمة وتجيك كل شهر وتغيرت بس بعد ما تزوجتي نصيحتي نصيحتي ما تمشيش تعايني لان اي دكتورة حتعطيك دواء وعلاج وهذا مش لمصلحتك بالذات توا اصبري شوية ويقولك ان تقديم او تأخير الدورة ايام ، ما فيشي مشكلة لان كلها عبارة عن هرمونات وهادي تتغير في بداية الزواج لان الجسم كله يتغير وتخش عليه " حاجات جديدة " ونفس الشي صار معاي الدورات الاولى بعد الزواج كانت غريبة ،،،، وعشان ترتاحي جربي ديري اختبار حمل منزلي مرات تكوني حامل وفي المجمل ما تزعلييييييش روحك ابدا ابدا ابدا ولو نزلت الدورة شوفي ايام الاباضة وجامعي فيها عشان يكون حمل اكيد ان شاء الله ربي يسخرك الحال ويفرحك بحمل في هالشهر ان شاء الله لان لينا هلبة في التجمع ما فيش وحدة حملت " الجماعة كلهم نوافس هههههههههه" نبوا خبر حمل ... . |
رد: تجمع حوامل ليبيا
ميمونة / حبيبتي
اولا شنو قالتك الدكتورة عالتبويض ، ؟؟ ويارب يارب يارب يا ميمونة يكتبلك الحمل من اول شهر كلوميد وتحملي بتؤام ولد وبنت آآآآآآآآآآآآمين يارب العالمين انتي وسلفتك وسلفة عاشقة .. |
رد: تجمع حوامل ليبيا
تيمو ليبيا / وينك ان شاء الله خير ، يا بنت من لما حولتي للشقة الجديدة ومعادش خشيتي
وكيف حال بنتيك ؟ . |
رد: تجمع حوامل ليبيا
السلام عليكم كيف حالكم كلكم بدون استثناء مع انه مفيش ولاوحدة فقدتنى انى حرجانة اهىء اهىء اهىء
نسرينا شن حالك اليوم |
رد: تجمع حوامل ليبيا
وعليكم السلام حبل الوصل
كيف حالك وكيف حال الصغار ، واكيد فقدناك انتي وكل الحبيبات الغايبات بس اوقات لما تجي تكتبي تنسي ... شنو الاجواء واخر الاخبار . |
رد: تجمع حوامل ليبيا
صباح الخير_نسرينا قالت كويس التبويض وطمنيتني الحمد لله بس نبي منشطات
|
| الساعة الآن 04:33 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .