|
رد: حبيباتى سيدات ليبيا تفضلو لأعرف ما حالكم
حتي انا عسولتي تعافر بتنوض ربي يحفظها
تصبحوا علي الف خييييييييييييير |
رد: حبيباتى سيدات ليبيا تفضلو لأعرف ما حالكم
السلام عليكم
نكتبلكم من القطار هههه قلت لزوجي زي قطار تونس بالضبط عقد يضحك كأني في طيارة مش قطار احني في البيسنس كلاس في الدور الثاني وواي فاي مجاني مع شحن للايباد هلا حبيبة خاتم ان شاء الله تكون زي اختنا واكثر امولة يا امولة ليك وحشة يابنت الباين فطومة بتاخدك منا قصتك اثرت فيا هلبة ربي أعطاك الصبر وكبرت العقل عرفتي كيف تتصرفي رغم انك صغيرة وبكرية وبكيت علي موقفك انتي وأمك انا لتوا من غير شي لما نسمع صوت لي شخص من اهلي نمسك نفسي بالغصب وينها طريقة فروسة للشيش طاووق سوسو وين كنتي غايبة ماحكيتيش كتبتلك رد طويل علي الافاد الباين ماقريتيه شن الاله اللي واخدتها للدجاج وبكم ومن وين هنايا الآلات أشكال وأنواع مفكرة ناخد قبل مانروح بعض الأشياء المميزة في اكسسوارات روعة لو شايفتهم ام فراس الخاصات بغرفة نوم تحطي فيهم اكسسواراتك علي شكل دمية وعدة أشكال شايفة منهم في ليبيا بس هنايا عدة تشكيلات |
رد: حبيباتى سيدات ليبيا تفضلو لأعرف ما حالكم
السلام عليكم ورحمة الله وبركاته
صباح الخيرات كيف حالكم كلكم أوشي كيف حالك وحال الصغار وبوهم وشن أخبار المدرسة إثري كيف حالك وحال عليوة ودودي وبوهم وماشاء الله القفيطينات يهبلوا تلبسهم بالهني ان شاء الله وحقا مرة سألتيني امتا المرواح ونسيت نجاوبك المرواح ان شاء الله في الصيف 5أو6بالكثير فروسة شن اخبارك انتي والصغار وكيف حال ميمتك ان شاء الله أحسن ومبارك ماشريتي وهيا نبيك تعطيني مقترحات شن بتهدي لأمك واخواتك والله محتارة ولو بيدي نروحلهم باللي في كندا كله هههههههههه والله صعب اختيار الهدايا بصراحة كل مانفكر في حاجة نقول لا منفكر في حاجة احسن تشوشت الحق جنودة كيف حالك انتي وزوجك وعقبال مانقولوا كيف حال وليدك والا بنيتك شن اخبار دراستكم ان شاء الله تمام مبارك ماشريتي وسفرة ممتعة ان شاء الله استغلي كل دقيقة ماتفوتيهاش في النوم راهو اربعه ايام كانهم اربع ساعات ان شاء الله موفقة جيجي الف مبروك سبوع الأمورة والحمد لله مشي علي خير وتمام التمام وألف لاباس عليك ردي بالك من عمليتك ان شاء الله ماتشوفي شر ياارب سوسو مرحبتين انستي وين هالغيبة لاباس عليك وعلي حمودي ردوا بالكم علي روحكم الشتي خش خلااااص حتي احني حالة الصقع منموت منا امولة ميت هلا وسهلا بيك انستي والف مبروك فطومة الحلوة والحمد لله علي سلامتك قصة ولادتك شبيهة بقصتي وخصوصا لما فشلت من اليبرة ومعاش قدرت ندحم وخلوني نين يمشي مفعولها بعدين الحمد لله قدرت وبمساعدة زوجي طبعا شادلي رجليا مع الممرضة ههههههههه والله حالة شن اخبار طامي الحلوة ان شاء الله هويدية ومش متعباتك ام نوزة ياهلا بجارتي كيفك وكيف نوزة وحمودي ان شاء الله تمام حبيبة حاتم اهلين انستي وشرفتي ان شاء الله ربي يكمل حملك علي خير شموسة وينك مغطسة كيف حالك انتي والصغار وبوهم وشن جو ماليزيا اكيد نو مابعدكم مانحبش النوو والصيف بكل من مازال انضني كملت خلااص سلام سوما تعيط وتنتش في رجليا وكان يخش راجلي ويشوفها تعيط واني مقعمزة عالنت يوريني ههههههههه |
رد: حبيباتى سيدات ليبيا تفضلو لأعرف ما حالكم
اقتباس:
ماشاء الله حلوووة.. هلي عندهم وحده في رمضان بالذات ديما تشتغل ههه بم ان من محبي الدجاج المحمر وموالح الدجاج |
رد: حبيباتى سيدات ليبيا تفضلو لأعرف ما حالكم
اقتباس:
رغم المصاعب والتعب يهون كل شئ بعد جت الامورة فطوم .. ضروري من التعب حبيبتي .. وكله بأجره بأذن الله تعالى موقفك مع امك أثر فينا اكيد وحتى نزل دموعي ووجعني زوجك ان داااخ . وجعني حتى زوجك ممكن هذه من بعض عيوب دخول الزوج الاهم ان فطووم نورت دنيتك وبصحة كويسه وانتي وياها في احسن حال هي اول خياطه صعبه بعدها معش تحسيها ان شاء الله ف الجيبه الثانيه والف الف حمدلله سلامتكم مرة ثانيه... وتيتي البيبي شاور ولا مازال؟ |
رد: حبيباتى سيدات ليبيا تفضلو لأعرف ما حالكم
اقتباس:
الله يسلمك وبارك الله فيك شخبارك واخبار عويلتك ان شاء الله اموكم تمام شن صار في ايفادك اكيده راقيلك مني من كثر مانسأل عليك هههه |
رد: حبيباتى سيدات ليبيا تفضلو لأعرف ما حالكم
اقتباس:
ههه ماشاء الله جنوده اي شفتي التطور ياناري على ليبيا وخلاص ما قالتها ليا الخمسية لي نعرفها هنا قالتلي تونس لي ماعندها نفط عندهم قطار مش نحن ذكرتيني بقطار لما مشينا اسكتلندا نفس الجو حتي هووو واي فاي وشحن كيف ماتبي اي شئ تشحنه خاطئ الضيافه الحلوة.. نحن حجزنا طاوله كامله واحلى شئ ف رحله كانت الريف والطبيعه من ع روشن اينجوووووي وماتنسيش اتصوريلنا صور من ال إي نفس مايقولولها بالنسبه لتحف الاكسسوارات بالهبل هنا وحاجات خيال واحلى من ليبيا\\ ميزتهن كلاسيك وحاجه اصليه شريت شجرة هكي فضة فيها كور كريستال بس جتني كبيره زي التحف كيف بنحط عليها الاكسسورارات ههههه وشريت صندوق بسيط للاستعمال هنا جلد اصلي بودري هادي ننصحك لي تعجبك خوديها من توا بشوي اشوي خير http://forum.hwaml.com/t278521-2.html وهذه طريقة الشيش |
رد: حبيباتى سيدات ليبيا تفضلو لأعرف ما حالكم
مرحبا هدوووو وينك مختفيه .؟
والله نفس حيرتك بالضبط هههه مش عارفه شن ناخدلهم بجد خواتي العرايس شريتلهن هن ال 2 مجموعه ارواب راقيه 3 كل وحده وشريتلهن من الموديل هذا نفس لي بصورة 3 اشكال وخديتلهن تحف كريستال ع هيئة عصاره برتقاااال كرستال فرنسي وخديت لعربي وماما وخالاتي منهن خوتي خديتلهم تي شيرتات راقيه وجاكات مازال كويشات |
رد: حبيباتى سيدات ليبيا تفضلو لأعرف ما حالكم
كاويشات لي هنا اسبيدروااات
وماما نفكر ناخدلها كيب فرو راقي واختي الصغيره ف 3 ثانوي طلبت نقال ههه خدينالها جالاكسي 3 وخويا الكبير محتاره مازال ممكن سورية من الدفة من بيت العود والعنبر ومعاها جاكة لان مايلبسش ف افرنجي |
رد: حبيباتى سيدات ليبيا تفضلو لأعرف ما حالكم
,والوالد نبو ناخدوله جاكة راقيه هك بمواصفات جاكاته واحلي هذه مخليتها ع ذوق زوجي
طبعا مع اشياء بسيطة زوجي قال هلك لازم نااخدولهم حاجات كويسه لانهم عمرهم ماقصروا ف ابسط شئ وهذا الاستايل لي قتلك عليه خديت منها لخواتي العرايس لاصق ف بعضها زي القامجووو |
| الساعة الآن 11:37 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .