رد: حبيباتى سيدات ليبيا تفضلو لأعرف ما حالكم
 

رد: حبيباتى سيدات ليبيا تفضلو لأعرف ما حالكم
 

السلام عليكم
اخواتي الغاليات ام فراس\اوشي\شموسه\سوسو\اثري\جنودة\جيجي\هدوشه\ام نوزة\ام معاد\ام ورد

كيف حالكم وحال اهلكم واحبابكم ان شاء الله تكونو بخير وعافيه وبارك الله فيكم ع سؤالكم والله يسلمكم ويبارك فيكم ع تهانيكم ربي يحفظكم




وحبيبتي الغاليه جيجي الف الف مبروك جمونة الغاليه وان شاء الله تتربى في عزكم ودلالكم والف الحمد لله ع سلامتك
وان شاء الله ربي يرزق الجميع الذرية الصالحة يارب


اعذروني ماقريتش الصفحات الي فاتو ان شاء الله مايكون صار معاكم الا كل خير

رد: حبيباتى سيدات ليبيا تفضلو لأعرف ما حالكم
 

ماشاء الله عالصفحات والهدرزه

الحلوه جوج شكلها الليله صباحي ربي يحفظها


سوسو وين غطستي هالمده

والماكينه هادي شريتيها او من النت

بصراحه ماركة نيدا تعجب فيا

رد: حبيباتى سيدات ليبيا تفضلو لأعرف ما حالكم
 

اموووووووووووول الله يبارك فيك

كيف حالك وحال صحتك وحال العروسه فطوم ربي يحفظها

تتربي في عزكم ياااارب وان شاء الله من حملة كتاب الله وربي يحفظها

رد: حبيباتى سيدات ليبيا تفضلو لأعرف ما حالكم
 

هلا حبايب
نبدا بي ام فروسي الحمد لله عالسلامته وخيك خيرا شن صار والله قلبي معاكم هل بنغازي توجع فيا الحق
جنودة ربي يوفقك في سفرك
اوشي شن اخبارك
اتري و
وسوسو تهبل ماكينة
امولة وووووووووووووووووووووينك
سوما ليبيا هلا \
وين بنت بلدي بنت الخمس

رد: حبيباتى سيدات ليبيا تفضلو لأعرف ما حالكم
 

جيجي الحمد لله عالسلامتك والف مبروك اسبوعك حبيبة ومشا علا خير بس عندك علم لي صالك صارلي دم منزليش هلبة قعد متكتل في رحم لين شربت سخون انا لابعد العملية بي 10 ايام وصارولي التصاقات بس انا الله لايوريك بالمضاد مشا دارولي كانيلويا وتشردت كل يوم تتحرك ننزل نضرب والحكة ومخشيتش الحمام بكل بس نفس عمليتي سبحان الله القلوب عند بعضها ربي يعطيك صحيحتك ويخليك لي بنايتك

رد: حبيباتى سيدات ليبيا تفضلو لأعرف ما حالكم
 

امس طبعا كنت في طربلس دهوراي شريت للصغار حوايج طبعا محلي انا ياجيجي بما انك من طربلس حنين لي في فشلوم هدا نمشيلا ناخد منه في كل شي
ومشيت لي روبين خديت لنوزة قفطان لي لمة مرة خالو الاسبوع الجاي جايبة بديرا في صالة بس انا عمي ماشي للمغرب وصيته علا قفطان مغربي من غادي واحتمال بنحني

رد: حبيباتى سيدات ليبيا تفضلو لأعرف ما حالكم
 

هذه قصة ولادتي للحلوات


ليلة السبت الساعة 2 نص الليل بديت نحس بلية منتظمة تجيني تقريبا كل ستة او سبعة دقايق المهم قعدت نراقب فيها باش نتأكد انه طلق وطار النوم من عيوني للصبح قلت لزوجي وقلي خلي نمشو للمستشفى المهم مشينا درتلي الممرضه كشف قتلي 1 سانتي بس جاني احباط توقعته اكثر المهم قتلي روحي وماتجيش الا اذا نزلت منك مية او دم او بدت الوجعة كل 3 دقايق روحت ولقيت في الثلاجة معدنوس وكوسا وحاجات محاشي واني خاطري فيهم قلت غير بتفسد خلي نديرهم <<<توا بالك فيه
المهم لما تجي الوجعة نوقف شويا وبعدين نواصل لين كملتهم وتغدينا وبعدين كلمت امي ع السكايب قتلي خيره صوتك هكي قتله شئ غير نعسانه ربي يحفظها حست بيا تعبانه المهم لما جاء الوجع زاد وبدا كل 5 و 4 دقايق وبديت نمشي في الحوش ونشرب في مية زمزم وقعمزت في مية سخونه ونقول في اذكار تسهيل وبعدين نزل عليا دم مادورتاش قلت اكيد زي المرة الاولى المهم المغرب خلاص معاش قدرت نتحمل صلينا ورجعت للمستشفى تاني لقيت نفس الممرضة الحق ايدها خفيفة المهم دارتلي كشف قتلي 5 سانتي
الحمد لله واخيرا المهم ركبتلي الاجهزة والوجع الصناعي وطول طلبت الابرة ضربها ليا متخصص ماشاء الله ماحسيتهاش بكل واتصلو بدكتورتي جت وزوجي بجنبي بعدين بديت شويا ونرجع حشاكم وجتني رعشه وتلخبطت المهم الساعة 10 تماما كشفت وقتلي 10 سانتي ولادة جت الدكتورة والممرضات وحطولي الاكسجين ع وجهي وبدو بوش بوش
المهم للاسف من تأثير الابرة فقدت السيطرة ع نفسي ومعاش قدرت ندفع لين يغيب عليا النفس ونحس روحي بنموت بلا فايدة وجو معظم ممرضات القسم وكلهم يشجعو فيا ومعاهم زوجي وبلا فايدة بعدين قتلي لازم نشفطها حاولت 3 مرات وبلا فايده وبعدين قتلي لازم نفتحك هلبا وفتحتني بلا فايدة المهم زوجي داخ لما شافني تعبانه وشاف الدم <<<عابيه عليه بيساعدني
وقعدت لاخر لحظه ندعي وهما الممرضات يزنو ع الدكتولرة دخليها العمليات وبفضل ربي بعد ساعة ونص طلعت فطومتي <<<واخيرا
طبعا اني طول انهرت وبديت نبكي بأعلا صوت ويقولي زوجي نجيبهالك نقوله لالالالالا مانبيهاش ارفوعها غادي مانبيهاش

بعدين خيطتني قعدت ساعه لكن الحمد لله الدكتورة بارك الله فيها سايرتني لاخر لحظه وفكتني من العمليه غير لما نشوف حجابها وهي مسلمة سادتني
وبعدها جابولي بنتي شفتها شويا ورفعوها ياناري ماعدلتش عليها من الصدمة وبعتت مسج لامي عندهم صبح ((صباح الخير ياجديدة الحمد لله اني وماما نضنا بالسلامه حفيدتك فطومة)) مسكينة طول اتصلت وطبعا قلت الو وبدينا واني واياها نبكو معاش قدرنا نتكلمو
اااه تمنيتها جنبي

بعدين حولوني لحجرة اخرى ومشا المخدر بدا فيا الوجع الصح لين جابولي مسكن طول رقدت
والصبح اول مانضت قتلهم نبي بنتي رجعلي عقلي هههه والحمد لله ياربي تجربه طويله وصعبة تجربة الحمل لكن الحمد لله ثمرتها بنية صحيحة وعسوله ان شاء الله ربي يحفظهالي ويقدرني نربيها تربية صالحه يارب

رد: حبيباتى سيدات ليبيا تفضلو لأعرف ما حالكم
 

فطومتي تبكي
مستااااااااااااحشتكم كلكم ان شاء الله فرصة تانيه نجي نكمل هدرزتي

في امان الله توا

رد: حبيباتى سيدات ليبيا تفضلو لأعرف ما حالكم
 

قصه ولادتك مؤلمه ومفرحه في نفس الوقت نزلت دموعي لموقف امك

فعلا منحسوش بتعب امهاتنا الا لما انولوا امهات ربي يحفظهم

انا من كثر متعقدت في ولادتي هادي مش قادره نكتب التفاصيل لاني بجد تعبت

خصوصا لما نبض قلبي مش منتظم قعد ساعتين وانا في الطوارئ تالت يوم عمليتي آآآآآه الحمد لله علي كل حال

بنوتي في حضني ورنو حالها باهي وراجلي مش مقصر معاي غير شن تبي ربي يحفظ كل اهلي واهاليكم ياارب