رد: تجمع حوامل ليبيا
 

يابنات وياصبايا معاش تمشوا لدكتورة مرا امشوا لدكتور راجل لانهن والله مش عارفات روسهن من كرعيهن بالنسبة ليا كنت مسكرا راسي علي دكتورة عشان عيب وحرام تكشفي علي دكتور لكن العذاب اللي شفتا علي ايديهن كرهني فيهن لا ودايرات ارواحهن معروفات وكبيرات لكن كلا علي الفاضي اخر مرة ولدت بنتي في عيادة المسرة في طرابلس ونراجع فيها فترة حملي وكل مرة نمشي نحكي للدكتورة علي طريقة الولادة لاني خايفة اول مرة نولد في ليبيا وطلبت منها الخياطة تكون تجميلية لان فيها زيادة فلوس فلازم تطلبيها وهي شي سكرت راسها تقولي انتي جايبة مرتين قبل مانفتحلكش يطلع الراس بروحه وانا سلمت امري لله وقلت هي ادري وياريتيني ماوافقت جاء وقت الجد وراس البيبي يبي يطلع ومافيش فايدة من الدحم والتعب متاعي عدي علي الفاضي قريب متت تخيلوا الوضع الله لا تجيبة لحد وهي مسكرة راسها حسبي الله ونعم الوكيل فيها طلعت بنتي من قوة الدفع لكن نزيف غير عادي معاها لدرجة الممرضات اللي معاها رعشوا وحطوا ايديهم علي فمهم من الخوف وهي عرق يصبصب ووجه احمر وترعش من الخوف انا لما شفت الموقف هدا وحسيت بروحي ندوخ والدنيا تبرم عليا يعني بدل مانرتاح قعدت في الهم والدكتورة تصب عليا في المطهر بش تشوف الدم منين يطلع تخيلوا شن صار فيا بعدها انا والدكتورة

رد: تجمع حوامل ليبيا
 

يا منيات لكل حد عنده عيوبه انا مشيت لدكتور معروف في البشرى لكن غلبت معاه في الاستشارة اللي طلبتها منه وكانت غلط في غلط نين مشيت لكذا دكتورة بعدها وكلهم ساعدوني بعدين اللي كاتبه ربي هوا اللي بيصير احنا في نتعاملو مع الطب في ليبيا وربك يستر

رد: تجمع حوامل ليبيا
 

اسمعي يا ام اسيل شكلي بنجيك الليلة بعد مانمشي للدكتورة يا اما انجيك مضايقة يا اما فرحانه
ياما حتحطلي موعد دخول وياما تمدلي في الايامات اسبوع تاني

وتي المبكبكة وتكون حاااااااااااارة جاياتك جاياتك توا انجيب معاي شوي مكسرات ناكلوهم مع الشاهي اللي بعد المبكبكة لاني مطولة عندكhwaml02

رد: تجمع حوامل ليبيا
 

رد: تجمع حوامل ليبيا
 

طبعا الدم واصل للركب زي مايقولوا وهي مرتبكة مش عارفة تضربلي ابر اللي توقف تجلط الدم ولا تخيط ولا شن ادير لعند الممرضة اللي معاها تقوللها المشيمة دكتورة مانزلتش بالانجليزي هي تقوللها عارفة عارفة تكدب هي نست الموضوع المشيمة مرة وحدة ساعتين بعد الولادة وانا في حالة يرثي لها اتنين ممرضات مقمعزين علي بطني قال يعني بش تطلع المشيمة والدكتورة تقولي كحي بالقوة لا وتهزب فيا هي مش عارفة ليش حاقدة عليا تخيلوا ومن تحت الحكاية ترعش تمزقات ونزيف ودراه كبد وهما يكلموا في الرسبشن يبوا اسعاف بسرعة وخدت منها السماعة وطلبت دكتور تعرفه اللمهم جاء الدكتور في دقايق الحمدالله خش علي طول وهي تخرطله وتقوله مش عارف شن صاير بالظبط قالي سامحيني وحط ايده تحت ظهري ويهدي فيا وقاللها اضربيلها ابرة بنج من تحت وهي حشاكم زي الحمارة تنفد شن ايقول الا وشوية نزلت المشيمة وخيطني الدكتور وعطوني دم وقعدت يومين في العناية ولما جيت بنطلع وراجلي ياخد في تقرير الخروج ويقرا فيه الا ومش كاتبة ولا حاجه من الي صارت معايا علي يدها لا زيادة الدم ولا التمزقات ولا ابر التجلط ولا تاخر المشيمة في النزول ولا الطريحة اللي خديتها علي ايديهم ولا حاجة وهي من يوم الولادة معاش شفت وجها شوفوا الدناوه اللمهم بكيت لاني بنطلع كرهت العيادة والدنيا كلها وراجلي يقولي والله مانك طالعة لعند يكتبوا كل حاجة صارت ولا انجيب دكتور ايحقق ويشخص الحالة شوية وجاني الدكتور وخدا التقرير الكدب وكتب كل حاجة دارها هو بس وكتب ان الولادة كنت متعسرة جدا علي يد الكتورة التعبانة والحمدالله طلعت بالسلامة ومشيت سافرت لقوا الدنيا تعبانة من تحت وقالولي كانك جايبة 20 مرة ومن جديد بنج وخياطة واسمها عملية ترميم الرحم هدا كله بسبب الدكتوره الله يسامحها

رد: تجمع حوامل ليبيا
 

سلملته هو موضوع الاسم ومازال ماقررش شن بيسميه




امنيات ربي يكون في عونك عللي صارلك لا حول ولا قوة الا بالله الله يسامحها بهدلاتك هلبة هالدكتورة

رد: تجمع حوامل ليبيا
 

رد: تجمع حوامل ليبيا
 

رد: تجمع حوامل ليبيا
 

عجبك جو الطلوع يا حبل الوصل امس زردة واليوم عند ام اسيل وتي روحك فيسع انت والصغار راهو بنمشي بكري

رد: تجمع حوامل ليبيا