|
رد: تجمع اللي بيولدوا في شهر ربيع الثاني 1434
اقتباس:
وصغر البطن وسهوله التنفس علامه على نول الجنين بالحوض اقتباس:
واللي اعرفه واسمعه انه. الغير بكريه يجيها بعد الولاده مغص بعدد. ايام الدوره اقتباس:
واذا مغصك منتظم هذا طلق. االله يهون عليك يارب |
رد: تجمع اللي بيولدوا في شهر ربيع الثاني 1434
شفتها مو مثلها ان معي افرازات شبه سائله مع خيوط خفيفة دم الله يكرمكم بس ذحين راحت.
|
رد: تجمع اللي بيولدوا في شهر ربيع الثاني 1434
الحمدلله بنات انا ولدت يوم الثلاثاء طلق صناعي وجبت ولد
اللة يسهل عليكم يارب |
رد: تجمع اللي بيولدوا في شهر ربيع الثاني 1434
الف مبروك مجنونه مشمش
على الولادة حمدالله على سلامتك وعقبال الصامدات |
رد: تجمع اللي بيولدوا في شهر ربيع الثاني 1434
السلام عليكم بنات وحشتوني باحكيلكم اليوم ايش صار معي بالتفصيل طبعاً عارفين ان ولادتي الاولى قيصري قرروا لي تنويم علشان يشوفون اذا في مجال اولد طبيعي وقررلي الدكتور تحاميل طلق صناعي بديتها يوم الثلاثاء ثنتين وحده الصبح ووحده بعدها بـ6ساعات وحسيت بالم لا يذكر ويوم الاربعاء كمان عطاني ثنتين وحده الصباح ووحده بعدها بـ6ساعات وما حسيت بالم نهائياً ولا فرقت عندي يوم الخميس قال خلي الرحم يرتاح يومين ويوم السبت نقرر وش نسوي وطلعت يوم الخميس بورقه من المستشفى لمدة 6ساعات رحت بيتي ورتبته وجهزت اغراض زوجي وقعدنا انا واياه وبعدها رجعني المستشفى ويوم الجمعه ما سوولي شي ويوم السبت قررلي تحميلتين وحده الصباح و بدأ معها الالم بسيط وكثرت روحتي للحمام والساعه 3 العصر حطلي الثانيه والساعه 5 العصر مسكني الم متواصل ما فيه راحه وكان عندي امي وزوجي حزنوا على شكلي ما اقدر اكلمهم من الالم ناديت الممرضه وقلت لها ان الام متواصل نادت الدكتوره وكشفت علي قالت توك 2 سم تقريبا وصرفتلي مسكن وصار الالم يجي ويروح بس بين الطلقه والثانيه بس 5 دقائق حتى امي تقول طلقك كانه ولد ولما جت الساعه 10 زاد الالم وصار بينهم 3 دقائق واستمر على كذا ونزل معي دم لما الساعه 2 وبعدها صار الالم لا يحتمل وصرت ادفع لا ارادي بس خايفه انادي الدكتوره بس ما تحملت ظهري ذبحني ومعد صرت اتحرك وادفع لا ارادي واحس شي ينزل مني بس ما اقدر اروح الحمام وناديت الممرضه وشافة الفوطه وقالت خلاص انتي ولاده كان اللي ينزل مني افرازات مع دم بس كثيره مرره وجت الدكتوره كشفت علي لقته 9 ونص سم وقالت ليش ساكته للحين بسرعه للكشك وتقولي لا تدفعين وانا ما اقدر اوقف دفع لا ارادي ادفع ووصلت الكشك وفتحت المويه وسهلها ربي في اقل من ربع ساعه شرفت نور عيوني ولما شفتها نسيت كل شي للحظه وقعدت اتأمل فيها واحمد ربي اني ولدت طبيعي واننا بصحه وعافيه وكانت الساعه 2 ونص بالضبط والتاريخ 29/3وقعدت يوم بالمستشفى للتحاليل وطلعنا اليوم الثاني ولليوم ماني مصدقه اللي صار بس الحمد لله والشكر لله سهلها ربي
|
رد: تجمع اللي بيولدوا في شهر ربيع الثاني 1434
الحمد على سلامة ام جنى وهمسات وقمر وهدى وبنت صقور ودلوعه وحواء وصبا وايمو ومجنونه ويتربون في عزكم ان شاء الله
|
رد: تجمع اللي بيولدوا في شهر ربيع الثاني 1434
ام بشرى طمنينا عنك قلبي معك لان حالتي زي حالتك . من ناحية الرضاعه انا ارضع طبيعي بس والحلمه حلها زيت الزيتون او الفازلين والخياطه منتفخه بس سالت وقالوا طبيعي واستمريت على الماء الدافئ والملح الخشن وخفت وخف الالم كثير والمغص وقت الرضاعه انا استمر معي في ولادتي الاولى لبعد الاربعين والحين بدأ معي من اليوم الثالث من الولاده واللي يألمها مرره تجرب تكمد بطنها بكماده حاره بترتاح كثير والله يسهل للباقين ولاداتهم يارب ويشوفون عيالهم بصحه وعافيه ويقومون بالسلامه ونقرأ الاكشن تبعهم وآسفه على الاطاله
|
رد: تجمع اللي بيولدوا في شهر ربيع الثاني 1434
اقتباس:
اقتباس:
مبروووووووووووووووك مبرووووووووووووووك والحمدلله على سلامتكم وجعلها سلامه دايمه يارب وعقبالنا نبشركم قريب ياحي ياقيوم الرضاعة مؤلمة في الايام الاولى لانها ترجع الرحم لوضعه الطبيعي والحليب في بدايته يكون لونه على اصفر شوي هذا مفيد قووووه لطفل الله يتمم لكم على خير يارب اقتباس:
الله يسهل امري وامر الجميع يارب والحمدلله على سلامتك وسلامة الاموره وجعلها سلامه دايمه يارب |
رد: تجمع اللي بيولدوا في شهر ربيع الثاني 1434
مبروك يالغوالي والحمد لله ع سلامتكم
وعقباااااااالناااا انااحس اني خلاص متحطمة شكلي ماراح اولد ابد ههههههه عديت التاسع ولافي اي بوادر ادعولي يابنات |
رد: تجمع اللي بيولدوا في شهر ربيع الثاني 1434
الله يسهل عليكم جميعاً
|
| الساعة الآن 07:59 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .