|
رد: تجمع حوامل ليبيا
عاشقة انتي في الرابع والا لو حسيتي بحركة زي الرفرفة يمكن تكون حرة البيبي راه
|
رد: تجمع حوامل ليبيا
تعرفوا والله عندكم الحق بالنسبة لجمعيت هما يحلو ازمة لاكن اني مرة خشيت في جمعية وكانت كلها تلخبيط في تلخبيط منها ةعقدت وفتت الموضوع بالطويل
|
رد: تجمع حوامل ليبيا
يابنات اني عندي مشكلة عقدتني وحرمتني النوم بجديات ...
مشكلتي هي الغازات من لما حملت زادت عندي وبالذات في الليل والله نوم زي الناس مانرقد وتعباااااااااااااانة منهم ... من صاير معاه زيي عالحمل ؟؟ |
رد: تجمع حوامل ليبيا
ههههههههههه حلوة ديري ريجيم ... صعب ياحبيباتي وبعدين من قال ماكلة الليل مش كويسة تي هي اللي ترم العظم وانتو أدرى يعني ههههههههههههه
باهي شن بتديري بتسايري وبتقوللي حاضر وخلاص ... لو علينا اني ووليدي والله مافي أحلى من البطانية ههههههههههه |
رد: تجمع حوامل ليبيا
يا عاشقة احني ما قلنالك احرمي روحك عاد ههههه ،،، لكن انتي قاعدة في الرابع فلازم تنقصي شوي ....
وبالنسبة للغازات والله مش عارفة شوفي ماكلتك مرات من الماكلة اللي تاكلي فيها ... |
رد: تجمع حوامل ليبيا
عاشقة انتي قالولك ولد في الجهاز والا انتي تبي وليد ؟؟؟ وانتي بوسي / شنو قالولك ؟؟؟ ميمونة / حبيبتي ربي يجيبهالك زينة وتشوفي الحمل على ايد الدكتورة ويفرح قلبك على قريب ياارب العالمين . |
رد: تجمع حوامل ليبيا
لا والله يانسرينا منقصة لأن أصلا حتى نفسيتي مش زي قبل من الناحية هذي صح الوحام طار لكن قاعدة مش زي قبل بالضبط ... وزي ماقلت لو عليا مانبيش بكل الفترة هذي لكن مش باليد نقصنا وخلاص ..
والماكلة تعرفي مدايرة بالي بشكل مش عادي ..لأن من قبل عندي قولون عصبي والماكلة اللي تسبب غازات نعرفها ومبطلتها ... وتوا حتى عالحمل حارمة روحي من المكسرات والبقوليات مع ان كويسات لكن بسبب القولون والغازات فايتتهم .... شكلها وحدة من أعراض الحمل ولا مش عارفة بالضبط ... متعبيني وخلاص وحارميني النوم ههههههههههههههه |
رد: تجمع حوامل ليبيا
مازال ماعرفتش يانسرينا ... واني نتمنى بنت لكن سبحان الله إحساسي وإحساس الكل انه ولد ( اللي يجي باهي المهم سلامتنا ) والدكتورة قالتلي نهاية الشهر هذا يعني مراجعتي الجاية حتقوللي ...
عقبالك ياااااااااااااااااااااااارب ونفرحوا بيك قريب وانشالله عيد زواجك خير عليك بجاه النبي محمد وانشالله ميمو وكل من تستنى |
رد: تجمع حوامل ليبيا
رجعت شن طولت عليكم كانت عندي شوية زحمة خدمة المهم لايانسؤينا الدكتورة ما اكدتليش بالزبط لما مشيتلها قالتلي البيبي امسكر رجليه وعلى قد ما حاولت ما باش يفتح رجليه متحشم ههههههههه لاكن قالتلي احتمال بنت واللي يجي من ربي يا محلاه المهم الخلقة الكاملة ونوضو سلامات وانشاء الله يا رب تحملي هالشهر وتفرحينا
|
رد: تجمع حوامل ليبيا
بعيد السوء عليك ربي يسمع منك والله دعواتكم تبرد قلبي وتفرحني على الاخر ، لان الدعوة بظهر الغيب مستجابة ... ربي يكرمنا اجمعييييييين ولا يحرمنا . اني يوم 1 / 2 بعد ما درت تحليل اتصلت بوحدة تحجم على اساس خلاص بنجم عندها لانها كوييسة على الاخر تصوري قالتلي اني موقفة الحجامة شهر 2 كله لان بوها امداير عملية ، شوفي الحظ سبحان الله واني كلمتها اول يوم في شهر 2 ... فيها خيرة ... . |
| الساعة الآن 01:15 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .