رد: تجمع اللي بيولدوا في شهر ربيع الثاني 1434
 

حبه سكر الله يعينك حبيبتي .. عموما الطلق لو جا بينزل البيبي للحوض
لاترهقين نفسك اهم شي
/
نفسي بنوتته ايه ذي السداده ، اعتقد اليوم او بكرا ولادتك .. والرحم اذا انفتح مايقفل الا لو انتي خفتي مره وقلقتي ممكن يرجع يقفل
عشان هيك خليك ريلاكس وربي بيسهلك

رد: تجمع اللي بيولدوا في شهر ربيع الثاني 1434
 

نفسي فبنوته

يارب يفرجها وتولدين.


اهم شيء انتبهي من العطور. هي اللي تسكر الرحم. والخوف


هدى

يارب. تعبت الله لايواخذني. من امس طلوق واليوم اول ماطلعت لاهلي. ولهيت راحت

رد: تجمع اللي بيولدوا في شهر ربيع الثاني 1434
 

أهلين كروشاتي
الحمد لله ولدت طبيعي
يوم الثلاثاء وجبت احلى غازي

رد: تجمع اللي بيولدوا في شهر ربيع الثاني 1434
 

مبرووووك الف مبروووك. والحمد لله على السلامه


ياحلوات نبي الاكشن

رد: تجمع اللي بيولدوا في شهر ربيع الثاني 1434
 

مبروووووك ايمو الف مبارك حبيبتي
/
حبه عادي انا مثلك طلق كاذب يوميا وصرت اطنش وعايشه حياتي طبيعي
اهم شي لاتوترين وتنقلين هم ، ساعه ماهو مكتوب يجي بيجي ب اذن الله

رد: تجمع اللي بيولدوا في شهر ربيع الثاني 1434
 

مساء الخير
والحمدلله على سلامة كل وحده ولدت بعدي
وربي يهون على البقيه ويسهل عليهم

ابقولكم الاكشن تبعي

اولا انا اتبعت نصيحة لمار الله يجزاها بالخير لما قالت اذا حسيتوا بطلق او الم لاتخبرين احد حتى امك وزوجك
وفعلا من يوم الجمعه وانا احس بالطلق وخبيت عنكم وعن كل احد.
يوم السبت زاد معي المغص بس بفترات طويله والافرازات زي افرازات التبويض مخاطيه ولزجه وماتشربها الفوطه وبيضاء
وانا فقط ادهن ظهري وبطني بزيت زيتون وحبه سوداء ومويه على الريق. والمشي خففت منه
الاحد شربت مويه الصبح واستحميت بمويه حاره وانا بالدوره ظهري حار من المويه دهنت بزيت زيتون ولبست وطلعت نمت وحسيت بوجع اقوى بس يطول
المفاجأه زوحي ارسل اني مسافر مسافه 300كيلو ويمكن اتأخر بالليل
نمت والظهر صحيت على مغص واشتغلت بالبيبت خفيف وجلست بس طول المغص صار يجي والالم بالظهر طول صار مستمر معي مايوقف حتى لو انسدح
العشاء رجع زوجي وبس اجامل وانا معي الالم على طول قال تعبان بنام سكر الباب ونام وانا اخذت سندويشه ودهنت ظهري وارجولي ولبست شراب وبناتي نامو

كنت اقرا تعليقات البنات بالقروب واعلق واخر رد لي ابارك لقطعه سكر بالملابس اللي شرتها ونزلت صورها وقالت انها تحس بطقه بظهرها

انا شد معي ظهري وانا اكتب لها وحسيت بطقه معها الم قوي وقفت الا المويه منفجره علي قلت بنفسي بس كله من قطعه سكر
يمه تروعت من الالم قلت ليتني ساكته وماقلت للبنات متى اولد يمه جا الصدق والوجع صحيت زوجي ووداني المستشفى وانا ابكي بالسياره من الالم يمغص قوه قوه ودلت الاسعاف وطلعوني للغرفه وكشفت الدكتورة وتخيلو وسعت بيدها سوت تحريض انا اصارخ وهي تقول ادفعي ادفعي يوجع التحريض
طلعت ايدها قالت فتحته لك الى خمسة
روحي سوي تخطيط وبعدها الولادهكانت الساعة 2بالليل
وسويت التخطيط واشعه وبعدها الساعه 4دخلوني غرفة الولاده وبدت معاي توسع لي بيدها يمه يوجع واصيح وحالتي حاله واقولها اسحبيه خلاص قالت لا لا انتي دفيه قلت ابعدي ايدك تعورني قالت انا اسهل عليك قلت طلعيها ابرتاح تكفين

واخذت نفس واحاول واحاول راح كل جهدي ))نصيحه بنات لاتمشون واجد وحتى القرفصاء خلاص بطلوها طلع فيني بواسير وراح جهدي من المشي تعبت وماقدرت ادفع ))

شديت حيلي وساعدوني الممرضات بالضغط والدكتورة وطلع على الدنيا
اللي شفته عضو الولد وخلاص دخت مادري وين انا فيه صحيت على الدكتورة وهي تدخل شاش تنظف من جوى كان يعور بالحيل وبدت تخيط
وحمدت الله وشكرته بس كنت تعبانه ماقدرت اصحى من السرير الولاده مافيني جهد ابد ابد

نصيحه بنات كل شي بوقته حلو لاتجهدون حالكم وعليكم بالزيت الزيتون دهنوا فيه

على العموم الحمدلله تعبت بولادتي سبحان الله فرق بين ولاده البنت والولد
ولدي جلس بالمستشفى يوم وانا طلعت لان اظافر ايدينه وارجوله زرق وبيسوون له تحاليل وبيصير تحت الملاحظه والحمدلله طلع الحين

دعواتكم لي الان تعبانه من الم بطني من تحت والخياطه تعورني بالحيل وكمان الم الوركين الى الان مستمر معي يارب تشفيني وتعافيني وتهون على اخواتي المسلمات
هذا اكشني مع انه بالكلام وربي يختلف عن الواقع اختلاف كامل كامل وماراح احد يوافقني بها الكلام الا المجرب

رد: تجمع اللي بيولدوا في شهر ربيع الثاني 1434
 

ياجبيبتي ام جننو ، انا مجربه طلق الولد توصلين للموت وترجعين
ومجربه معاناتك .. وصابني نزيف بعد ... مره تعب مو طبيعي ابدا ولاده الولد سبحان الله
والتفكك ذا بعد جاني بولدي وتكسفت وخلص الاربعين وانا اعاني يارب عفوك بس
انتي لازم تخلين احد يسويلك مساج يريح جسمك ياقلبي ، وحاولي تتنشطين وتاخذين شاور دافي
وامشي كل يوم بالبيت عشر دقايق عشان يشد جسمك ولا تجيك مضاعفات
وتغذي زين نصيحه .. انا بولدي نهائي ماتغذيت وتعبت والله وتكسفت .. لاتغلطين غلطتي
حتا لو مالك نفس اغصبي نفسك وتغذي قد ماتقدرين عشان جسمك يعوض
ومنطقه الحوض متفككه من تحريض الدكتوره ، تلاقينها بقوه وفككتلك المنطقه ، والممرضات بهد شدوا على بطنك طبيعي يصيرلك كذا
الحمدلله يارب اهم شي الولد مافيه شي وطبيعي ولدتي .. وعوضك ربي بولد بعد بنوتتاتك الحمدلله يارب
وماتشوفين شر ياقلبي مره ثانيه ، والجزاء عند رب العالمين

رد: تجمع اللي بيولدوا في شهر ربيع الثاني 1434
 

ماشالله تبارك الله. الحمد لله على السلامه ويتربى بعزكم. يارب

رد: تجمع اللي بيولدوا في شهر ربيع الثاني 1434
 

حبببه يلا الدور عليك تجهزي
/
ام جنى فديتها مختفيه ؟؟ شكلها ولدت !!
وكفاني عداب ماعاد طمنتنا عن ولدها

رد: تجمع اللي بيولدوا في شهر ربيع الثاني 1434
 

اي والله من جد ام جنى وختفيه
الحمد لله على سلامتك انا مجربه الولد الحمد لله يهد الحيل اقعد اتنافض من التعب