|
رد: تجمع حوامل ليبيا
|
رد: تجمع حوامل ليبيا
على سيرة التطعيمات اني اليوم فرس كمل 6شهور ومشيت طعمته .. في الأول عادي ماتعبش ورقد اكتر من ساعة وبعدين ناض وقالي شدي روحك .. حرارة وعياط ومنين ما نشده ايعيط .. والله حالة هالتطعيم هذا ..حاجة لازمة لكن متعبة للعيل هلبة وتوا كيف هدي شوية ورضع ورقد ..وسارة ققاعدة تعسعس ومعسعستني معاها
|
رد: تجمع حوامل ليبيا
زعما قربت ياأم سعد؟
: حكومه ربي يسمع منك وتتسهل : عيون ان شاء الله لابأس عليك وعلى صغيويرتك : سورينام كيف حاله وليدك توا؟ |
رد: تجمع حوامل ليبيا
السلام عليكم
صباح الخير عليكم كلكم يارب تكونوا بخير ، والف لابأس علي صغويرتك يا عيون انتي و سورينام ولا باس على وليدك يا ام سعد . ليبيا قلبي / بنيتك ديريلها رضعة صغيرة كمون وسكر نبات كويس هلبة للغازات و بعيد السوء عليها. او وسونة / شوفي مش عارفة بالضبط شنو كان تحليلها بس نقولك ، حماتي حامل في شهرين وما كانش يطلعلها في التحليل نهائياً الى بعد شهرين باش بان وطلعت النتيجة ايجابية . . |
رد: تجمع حوامل ليبيا
طرابلسية
ربي يسهل عليك وتنوضي بالسلامة يااارب . |
رد: تجمع حوامل ليبيا
عيووووووووون عيوووووووووووووون
يا من يسمعك كيف تتسهوكي يقول هادي مطهرة ولدها ههههههههههههههههههههههههههههه . |
رد: تجمع حوامل ليبيا
السلام عليكم ورحمة الله وبركاته
أخواتي كيف حالكم ... ان شاء الله ربي يثبت حمل كل وحدة حامل ويفرحها ياارب .. ومبروووك للي جابوا ان شاء الله من حملة كتاب الله ياارب .. آني جديدة في المنتدى ... وبالنسبة ليا متزوجة ليا 3 شهور و12 يوم .. يعني عروسة ... ههههه ... ومانعرفش لو كنت حامل أو لا ... لكن نبي نسئلكم لأني من أول آمس نحس في وجع في بطني وظهري وكأن الدورة بتجي وأكثر ولكن ماجتش ونغزات في صدري ووجع هلبة ... لكن مادرتش تحليل لأن موعد الدورة مفروض 19 -2 .. اللي هيا بعد 26 يوم من الدورة اللي فاتت .. وآني من قبل تجيني الدورة في الغالب كل 26 يوم لكن الشهرين اللي فاتوا تجيني بعد 20 يوم .. فما نعرفش لو كان على أساس قبل اللي هوا 26 يوم مفروض تجي 19 - 2 ولو على أساس 20 يوم فمفروض ان موعدها من يومين فاتوا .. يعني تقريبا كيف جاني الوجع هلبة ,,,, وأول يوم جاني فيه الألم كان اليوم كله يعني على طول مستمر .. لكن آمس واليوم يجي شوية في الصبح والا كيف بنرقد في الليل ومرة مرة ... لكن مافيش لا دوخة لا ترجيع ... نبي نسئلكم هل يمكن يكون هذا حمل .. ولو كان درت تحليل وطلع حمل .. نبي نعرف دكتورة كويسة في طرابلس نتابع عندها ... ولو ماطلعتش حامل .. هل تعتبر 3 شهور هلبة اني ماحملتش .. يعني تنصحوني نمشي اندير كشف ولو في حاجة نعالجها بكري .. او في نصائح يمكن تقولوهالي بحكم خبرتكم ... نستنا في ردودكم ... وفي حفظ الله ... |
رد: تجمع حوامل ليبيا
صباح الخيرات والليرات والمجرات وحديدة الاميرات هههههههههه وحدة رائقة عالصبح
شخباركم وشن جوكم |
رد: تجمع حوامل ليبيا
ليبيا قلبي الف لاباس على بنوتك انشاء الله ماعندها سوء بالنسبة للغازات زي ما قالتلك نسرينا ديريلها شوية كمامين مع سكر نبات ردي بالك تعطيها من السكر العادي لانه حيزيدلها الغازات وحتى الكمامين ما تكتريلهاش منهم لانه كترتهم حديرلها اسهال وربي يشفيهالك انشاء الله
|
رد: تجمع حوامل ليبيا
ام سعد بعيد السؤ على سعودي انشاء الله ما تخافيش منه الصفير حتى اني روان اول ما انزادت قاللولي عندها نسبة بسيطة من الصفير لاكن بسرعة يمشي عرضيه للشميسة امتاع الصبح خليه يقعد امتاع ربيع ساعة اصلا هذا علاجة الصفير وفكيك من الدواوات وليدك قاعد صغير وانشاء ما يشوف شر سلامته
|
| الساعة الآن 12:32 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .