|
رد: تجمع حوامل ليبيا
ياهلا طرابلسية ,,,
ان شاء الله علي خير تعرفي المشي كويس هلبة نتفكر في ماما قبل ديمة تتمشي وولادتها ماتعبش فيها |
رد: تجمع حوامل ليبيا
وينكم يابنات
|
رد: تجمع حوامل ليبيا
السلام عليكم
كلكم كلكم كيف حالكم سلام معطر من ناس مش مطهرين صغارهم للكل ههههههههههههههههه بجد كيف حالكم ليكم وحشه تخشوا في غيابي ولما نخش تهربوا بالذات يلي اسمها سورينام فالحه تعطي نصايح وخبرة وناسيتني بكل خشي كل يوم يا غزاله كيف حال فراس الحلو وسرورتك انا البردة والاسهال متعبيني حاله وسارة عندها التهاب لوز متعبتني معاها حرارتها توصل لل 40 عندها تتطعيمة السنة ما خدتهاش خدت متاع السنه ونص ومتاع السنه كنا في المانيا ولما ورينالهم بطاقه التتطعيم قالوا ان نظامهم غير نظامنا وعادي لو تاخرت وفي ليبيا عطوها موعد غدوة والمسكينه مريضة اجلها الدكتور اسبوع تاني ومحمد الاحد خديتله موعد في عياده الفتح ما صارش ربي مازال ما سخرش الحال الله غالب وولدي بدي يتريق حاله شكله سنون وسارة هذا وين بدت تتكلم وتركب جمل صح كلام نصه مقلوب بس نفهموا فيه جمله من 5 كلمات 3 كلمات غلط وزوز صح بس فضايحيه حاله تحكي كل شي لبوها ما ادس شي وليل ونهار تغني حبيبي بابا احنا نحملوا ونتعبوا ونسهروا والمحبه للبابا تصدقوا ممنوع بوها يبسوني قدامها ولا يحط ايده عليا تبدا تعيط وتمشي هي تبوسه وتقعمز في حجره البنت ضره فعلا ومع خوها حاله بدل ماهو يماريها هي تقلد فيه حتى المريقه تبي تلبسها والزلباحه ماعادش تنحي فيها زي حمد على قولتها والنوم تبي جنبه ولما تنوض لازم تنوضه معاها حتى القعماز مرات نسمعه يعيط نجي نجري نلقاها مقعمزه في حجرة تبي تقعمز جنبه هادي قصة حياتي وحياة صغاري هههههههههههههههههههه |
رد: تجمع حوامل ليبيا
سلام للامهات الجدد وربي يشفيلهم صغيورتهم
وكيف حالك يا نسرينا يا شمايتيه حتى قبل وعدتينا بتصوري حوشك ودوه وخلاص غدوة الميه تكذب الغطاس ومبروك اعليك الجلسه اديري فيها لمة نفاسك انشاءالله |
رد: تجمع حوامل ليبيا
عاشقه البسي جلابيه واسمعي كلام راجلك خيرلك
بجد خليها لله قبل كل شي ولزوجك انا لبست العبايه والجبه من سنه ثالته جامعه وبعد الزواج بديت نطلع للعيادات والاسواق بالخمار ولله الحمد حتى في المانيا بعبايتي في الشتاء نلبس بالطو طويل في ناس يقولوا انها قناعات نلبس عبايه ولا سروال المهم القلب والاحترام انا مش معاهم ربي العالمين فارض الحجاب مش مخليها مسئلة جواز واختيار تقدري تلبسي عبايات وجلابيات عالموضه لين تشبعي |
رد: تجمع حوامل ليبيا
مراحل الميت في القبر
من اول ليلة الى 25 سنة في أول ليلة في القبر يبدأ التعفن على مستوى البطن والفرج ..سبحان الله البطن والفرج أهم شيئين صارع بني ادم وحافظ عليهما في الدنيا .ف الحاجتين اللذان خسر الشخص الله عز وجل بسببهما سيتعفنا في أول يوم في القبر . بعد ذلك يبدأ الجسم يأخذ لون أخضر فبعد الماكياج وأدوات التجميل و..و...سيأخذ الجسم لون واحد فقط . ثاني يوم في القبر تبدأ الأعضاء تتعفن الطحال والكبد والرئة والأمعاء . ثالث يوم في القبر تبدأ تلك الأعضاء تصدر روائح كريهة . بعد أسبوع يبدأ ظهور انتفاخ على مستوى الوجه : أي العينين واللسان والخدود. بعد عشرة أيام سيطرأ نفس الشيء أي انتفاخ لكن هذه المرة على مستوى الأعضاء : البطن والمعدة والطحال... بعد أسبوعين سيبدأ تساقط على مستوى الشعر. بعد 15 يوم يبدأ الذباب الأزرق يشم الرائحة على بعد 5 كيلو متر ويبدأ الدود يغطي الجسم كله . بعد ستة شهور لن تجد شيء سوى هيكل عظمي فقط. بعد 25 سنة سيتحول هذا الهيكل إلى بذرة وداخل هذه البذرة ستجد عظم صغير ويسمى:عجب الذنب هذا العظم هو الذي سنبعث من خلاله يوم القيامة. إخوتي في الله هذا هو الجسم الذي طالما حافظنا عليه ..هذا هو الجسم الذي عصينا الله عز وجل من أجله. لهذا إخوتي في الله لا ندع عمرنا يمر في جسد سيحصل له ما ذكرت لكم سابقا. أسأل الله لي ولكم الثبات. اللهم يا مقلب القلوب ثبت قلوبنا على دينك -- قال تعالى :'والعصر، إن الانسان لفي خسر، الا الذين آمنوا وعملوا الصالحات وتواصوا بالحق و تواصوا بالصبر |
رد: تجمع حوامل ليبيا
تصبحوا على خيرررررررررر ما صليتش العشي حي اعليا سلااااااااام
|
رد: تجمع حوامل ليبيا
أوووووووووووووووووووووووه ... يا هلا يا هلا الحلوة عيون عندنا .. مليون مرحبا والله ليك وحشة يا دعوة .. ولا باس على سرورة
|
رد: تجمع حوامل ليبيا
توا هكي باهي .. اني والله كنت بنسكر الجهاز ونرقد لين شفتك خشيتي وتوا بتطلعي ؟!!!!
|
رد: تجمع حوامل ليبيا
وبعدين لتوا قاعدة ما صليتيش العشي يافالحة ...وهو قريب الفجر ايصير ههههههههه
ردي بالك تكوني من اللذين هم عن صلاتهم ساهون .. تعرفي في حوشنا بوي ربي يحفضه ويطول عمره من يوم يومه مدايرلنا نظام قبل الأذان بعشرة قايق ايدور علينا بالواحد باش نتوضو ونوتو روحنا للصلاة لين مشت فيا عادة لتوا تلقيني لما ايجي وقتها نكون متوضية وواقفة عالصلاية مهما كانت مشاغلي والحمدلله |
| الساعة الآن 02:56 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .